ཁྱིམ་བདག་ཚོ་ལ་སྤྲིངས་པ།
ཕྲུ་གུར་སློབ་གསོ་གཏོང་རྒྱུ་ནི་ཕ་མའི་ལས་དོན་གལ་ཆེ་ཤོས་ཞིག་རེད། གནས་དོན་ལྔ་པོ་འདི་དག་ནི་དགེ་རྒན་གྱིས་ཁྱིམ་བདག་ལ་ཚབ་བྱས་མི་ཐུབ།
ཕ་མ་ནི་ཕྲུ་གུའི་དགེ་རྒན་ཡག་ཤོས་དེ་ཡིན་པ་དང་ཕ་མའི་ངག་སློབ་དཔེ་སྟོན་དང་བྱ་སྤྱོད་ཚང་མ་ཕྲུ་གུའི་འཚར་ལོངས་ལ་ཤུགས་རྐྱེན་ཐེབས་ཀྱི་ཡོད། ད་ཆ་ཕྲུ་གུ་ཚོའི་ཉིན་གཅིག་གི་དུས་ཚོད་མང་ཆེ་བ་སློབ་གྲྭའི་ནང་དུ་སྐྱེལ་གྱི་ཡོད་མོད། འོན་ཀྱང་ཁོང་ཚོའི་ཀུན་སྤྱོད་དང་། གོམས་གཤིས་བཟང་པོ། དཔེ་ཀློག་གི་དགའ་ཕྱོགས། བློ་རྩ་བརྟན་པོ། བདེ་སྐྱིད་ཚོར་སེམས་བཅས་ནི་ཁྱིམ་ཚང་གི་འཚོ་བ་སྟབས་བདེ་ལས་བྱུང་བ་ཞིག་རེད། རང་གི་ཕྲུ་གུར་ལ་སློབ་གསོ་ཡག་པོ་རྒྱག་རྒྱུ་དེ། ཕ་མ་རེ་རེའི་ངོས་ནས་བརྗོད་ན། མི་ཚེ་གང་བོའི་བྱ་གཞག་ལ་བློ་རྩེ་གཅིག་ཏུ་གཞོལ་དགོས་ཀྱི་ཡོད།
༡ སྤྱོད་ལམ་བཟང་པོ་ཕ་མ་ལས་བྱུང་བ།
མི་ཞིག་གི་སྦྱངས་འབྲས་བཟང་ངན་གང་ཡིན་རུང་། གཤིས་སྤྱོད་བཟང་པོ་ནི་གནད་འགག་ཡིན། ཀུན་སྤྱོད་ཀྱིས་ནུས་པའི་ཞན་ཆ་ལ་ཁ་གསབ་བྱས་ཐུབ་མོད། འོན་ཀྱང་ནུས་པས་ཀུན་སྤྱོད་ཀྱི་ཞན་ཆ་ལ་ལས་སླ་མོའི་ངང་ནས་ཁ་གསབ་བྱས་མི་ཐུབ།
འོན་ཀྱང་། བྱིས་པའི་སྤྱོད་ལམ་ནི་ཚད་ངེས་ཅན་ཞིག་གི་སྟེང་ནས་ཁོའི་ཁྱིམ་གྱི་སློབ་གསོ་དང་འབྲེལ་བ་ཡོད། དགེ་རྒན་ནི་ཆོས་སྤེལ་ལས་རིགས་ཀྱི་དོགས་པ་སེལ་མཁན་ཙམ་རེད། ཁྱིམ་བདག་ནི་ཕྲུ་གུའི་ཚེ་གང་བོའི་ཤུགས་རྐྱེན་གཏོང་མཁན་ཡིན། ཕ་མའི་ཡུན་རིང་གིས་ངག་སློབ་དཔེ་སྟོན་ནི་དགེ་རྒན་གྱིས་སྐར་མ་༤༥སློབ་ཁྲིད་ཀྱི་སློབ་གསོ་ལས་དམིགས་ཚད་རིང་།
དེར་བརྟེན། ཕྲུ་གུར་ལ་སྤྱོད་ལམ་བཟང་པོ་ཞིག་ཡོད་དགོས་བསམ་ན། ཁྱིམ་ཚང་གིས་སློབ་གསོ་ནི་གནད་འགག་ནང་ནས་གནད་འགག་ཡིན།
༢ གོམས་གཤིས་བཟང་པོ་ཕ་མ་ལས་བྱུང་བ།
མ་ཅང་ཅོག་ཙེའི་འགྲམ་དང་བརྙན་འཕྲིན་མདུན་དུ་འཚར་ལོངས་བྱུང་བའི་ཕྲུ་གུ་དང་དཔེ་ཆ་ལྟ་རྒྱུར་དགའ་བའི་ཁྱིམ་བདག་གིས་སློབ་གསོ་གཏོང་བའི་ཕྲུ་གུ་བར་ལ་ཁྱད་པར་ཆེན་པོ་ཡོད་པ་ཁོ་ཐག་རེད། འདི་ནི་ཁྱིམ་བདག་མང་པོ་ཞིག་གིས་བརྙན་འཕྲིན་ལ་བལྟ་ཞོར་དུ་ཕྲུ་གུར་ནན་ཏན་གྱིས་དཔེ་ཆ་ཀློག་པར་སྐུལ་འདེད་བྱེད་པའི་སྐབས་སུ། འབྱོར་བ་ནི་རྒྱུན་དུ་ལྡོག་ཕྱོགས་ཀྱི་ཤུགས་དྲག་པོ་ཞིག་ཡིན་པ་རེད།
རང་ཉིད་ཀྱིས་ཀྱང་སྒྲུབ་མི་ཐུབ་པའི་བྱ་བ་ཕྲུ་གུར་ལ་བཙན་པོས་ངང་ནས་སྒྲུབ་ཏུ་འཇུག་ག་ལ་རུང་།བརྩོན་པ་ལྷུར་ལེན་བྱས་ཏེ། འཚོ་བའི་གོམས་གཤིས་བཟང་པོ་ཡོད་པའི་ཕ་མ་གཉིས་ཀྱིས་གཉོར་སྐྱོང་བྱེད་པའི་ཕྲུ་གུ་མང་ཆེ་བ་ནི་སློབ་སྦྱོང་ལ་དགའ་བ་དང་། རང་གི་དུས་ཚོད་བཀོད་སྒྲིག་ལེགས་པོ་བྱེད་ཐུབ་མཁན་གྱིས་ཕྲུ་གུ་ཚོས། ཕ་མ་ཚོས་སློབ་གསོའི་ཐད་ལ་སེམས་ཁྲལ་ཆེན་པོ་བྱེད་མི་དགོས་པ་འགྱུར།དེའི་རྐྱེན་གྱིས་ཁྱོད་ཀྱིས་ཕྲུ་གུ་ལ་སྐྱོན་ཆ་མང་པོ་དེ་འདྲ་ཡོད་པ་ཤེས་མི་ནུས་པའི་སྐབས་སུ། ཐོག་མར་རང་ཉིད་ལ་སྐྱོན་ཡོད་མེད་བསམ་བློ་ཞིབ་མོ་ཞིག་གཏོང་དགོས་པ་གལ་ཆེ། དེ་ལྟར་བྱས་ནས་གནད་དོན་གྱི་རྩ་བ་རྙེད་ཀྱང་སྲིད།
༣ དཔེ་ཀློག་གི་དགའ་ཕྱོགས་ནི་ཕ་མ་ལས་བྱུང་བ་ཡིན།
ཁྱིམ་བདག་མང་པོ་ཞིག་གིས་རང་གི་ཕྲུ་གུ་སློབ་སྦྱོང་བྱེད་པར་མི་དགའ་བ་དང་། དཔེ་ཆ་ལྟ་རྒྱུར་མི་དགའ་བར་ཡང་རྒྱུ་མཚན་མ་ཤེས་པ་བཞིན་དུ་རང་གིས་རང་ཉིད་ལ་དཔེ་ཆ་ལྟ་རྒྱུར་དགའ་མིན་མ་དྲིས་པ་གནས་ལུགས་གལ་ཆེན་ལ་ཐོབ།
ཕྲུ་གུས་སློབ་སྦྱོང་བྱེད་པའི་སྤྲོ་སྣང་ནི་ཆུང་དུས་ནས་གསོ་སྐྱོང་བྱས་དགོས་པ་ཞིག་ཡིན་པས། ལོ་གཉིས་གསུམ་ལ་སླེབས་པའི་ཕྲུ་གུས་སློབ་སྦྱོང་བྱེད་འགོ་འཛུགས་དགོས་པ་ལས་སློབ་གྲྭར་འབྱོར་རྗེས་དགེ་རྒན་ལ་ཁྱེད་ཚང་གི་ཕྲུ་གུར་སློབ་སྦྱོང་གི་གོམས་གཤིས་གསོ་སྐྱོང་བྱེད་དུ་འཇུག་མི་རུང་།
ཁྱེད་ཚང་ལ་དཔེ་ཆ་མང་པོ་ཡོད་ན་ཕྲུ་གུས་ཀློག་པའི་དཔེ་དེབ་ཀྱང་མང་། ཕ་མས་མིག་དཔེའི་འོས་པའི་ནུས་པ་བཟང་པོ་ཐོན་ན། ཕྲུ་གུ་ཡང་ལད་མོ་བྱེད་སྲིད། དེ་ལས་ལྡོག་སྟེ་བྱིས་པས་ཁྱོད་ཀྱི་བྱ་བ་གཞན་པ་དག་ལ་ལད་མོ་ཡང་བྱེད་སྲིད་པ་ཡིན།
༤ བློ་རྩ་བརྟན་པོ་ནི་ཕ་མ་ལས་བྱུང་བ་ཡིན།
དགེ་རྒན་གྱིས་ཕྲུ་གུ་ལ་སློབ་དེབ་ཀྱི་ཤེས་བྱ་མང་པོ་ཁྲིད་པ་ཡིན། དེ་མིན་འཚོ་བའི་གོམས་གཤིས་བཟང་པོ་དང་། མི་ཚུལ་ལྡན་ཞིག་བྱེད་པའི་གནས་ལུགས་དང་། བློ་རྩ་བརྟན་པོ་བཅས་ནི་ཕ་མས་གསོ་སྐྱོང་བྱེད་པར་བརྟེན་དགོས།
དགེ་རྒན་གྱིས་ཁྱོད་ལ་རོགས་རམ་བྱས་ནས་གསོ་སྐྱོང་བྱེད་ཐབས་མེད་ལ། འདི་དག་ནི་ཁྱིམ་བདག་གིས་ཆུང་དུས་ནས་རྒྱུན་ལྡན་གྱི་འཚོ་བའི་ཁྲོད་དུ་གསོ་སྐྱོང་བྱེད་དགོས།
གལ་ཏེ་ཁྱོད་ཀྱིས་སྣང་མེད་དུ་བཞག་ན། བྱིས་པ་དེའི་རྒྱུགས་འབྲས་བཟང་ཡང་སྲིད།འོན་ཀྱང་འདུ་ཤེས་ཞན་པ་དང་། བར་ཆད་སྤུ་ཙམ་ཡང་མི་མྱོང་།གཞན་དང་འདྲ་བར་ཤེས་ལྡན་མི་སྣར་འགྱུར་མི་སྲིད།དེ་བས་བརྩེ་བ་ཅན་གྱི་སློབ་གསོ་ཡང་ཤིན་ཏུ་གལ་ཆེ།
༥ ཡུན་རིང་གི་བདེ་སྐྱིད་ཀྱི་ཚོར་བ་ནི་ཕ་མ་ལས་བྱུང་བ་ཡིན།
མི་ཞིག་གནས་པའི་གདོད་མའི་ཁྱིམ་ཚང་གིས་ཁོང་གི་མི་ཚེ་གང་བོ་ལ་ཤུགས་རྐྱེན་ཧ་ཅང་ཆེན་པོ་ཐེབས་ཀྱི་ཡོད་ཅིང་། བཟའ་ཚང་བར་ལ་བརྩེ་དུང་ཟབ་མོ་ལྡན་པ་དང་། ཁྱིམ་ཚང་འཆམ་མཐུན་ཡིན་པས། བརྩེ་སེམས་ཁེངས་པའི་ཁོར་ཡུག་ནང་ལ་འཚར་ལོངས་བྱུང་བའི་ཕྲུ་གུ་ནི། ཁྱིམ་ཚང་གཞན་གྱིས་ཕྲུ་གུ་ལས་ན་སོན་པ་སྔ། ཡང་ན་ཉིན་གང་བོར་འུར་ཟིང་ཆེ་བའི་ཁྱིམ་ཚང་ནས་འཚར་ལོངས་བྱུང་བའི་ཕྲུ་གུ་དང་བསྡུར་ན་སེམས་སུ་དགའ་བ་དང་ངོ་ལ་འཛུམ་པ་མང་། བཟང་པོའི་ཕྱོགས་ལ་མཐོང་ཐོས་མང་།
འདི་ནི་དགེ་རྒན་གྱིས་སྟེར་མི་ཐུབ་པ་ཡིན་མོད། འོན་ཀྱང་བྱིས་པའི་མི་ཚེ་གང་བོ་ཐག་གཅོད་བྱེད་ཐུབ་པ་རེད།
མཇུག་གཏམ། དགེ་རྒན་བཟང་བོ་ཞིག་གིས་ཕྲུ་གུ་ལ་ལོ་འགའ་རེ་ཙམ་ཤུགས་རྐྱེན་ཐེབས་སྲིད་མོད།་འོན་ཀྱང་ཁྱིམ་བདག་གི་ཤུགས་རྐྱེན་ནི་མི་ཚེ་གང་བོ་ཡིན། ཕྲུ་གུ་ནི་དགེ་རྒན་གྱི་མ་ཡིན་ཞིང་། ཁྱོད་རང་གི་ཡིན། ཁྱིམ་བདག་ནི་ཕྲུ་གུའི་མི་ཚེ་ཁྲོད་དུ་དགེ་རྒན་དང་པོ་ཡིན་ཅིང་། ནམ་ཡང་ཕྲུ་གུའི་མིག་དཔེ་ཀྱང་ཡིན། ཚད་ལྡན་གྱི་ཕ་མ་ཞིག་བྱེད་རོགས་རེ་བ་ཆེ།
ཁྱོད་ཀྱི་ཕྲུ་གུ་ལ་སློབ་གསོ་གཏོང་བ་ནི་དགེ་རྒན་གྱི་བྱ་བའི་ཆ་ཤས་ཤིག་ཡིན་མོད།་འོན་ཀྱང་ཁྱོད་རང་ང་དང་མི་འདྲ། བྱིས་པ་ནི་ཁྱོད་རང་གཅིག་པུའི་ཡིན། རང་གི་ཕྲུ་གུར་སློབ་གསོ་ཡག་པོ་གཏོང་རྒྱུ་ནི་ནམ་ཡང་ཁྱོད་ཀྱི་ཆེས་གལ་ཆེ་བའི་དོན་དག་ཞིག་ཡིན་ནོ།
འབའ་ར་འབྱུང་ཆོས་ཀྱིས་བསྒྱུར།
（དཀར་མཛེས་འབའ་ཐང་། ）
