བདག་ལ་སྨྱུག་སྒམ་ཆུང་ཆུང་ཞིག་ཡོད་དེ་ནི་ང་རང་སློབ་ཆུང་ལོ་རིམ་དང་པོའི་སྐབས་སུ་ཕ་ལགས་ཀྱིས་ང་ལ་ཉོས་གནང་བའི་ལགས་རྟགས་ཞིག་ཡིན། ད་ལྟ་ང་རང་སློབ་ཆུང་ལོ་རིམ་དྲུག་པར་སླེབས་ཟིན་ནའང་སྨྱུག་སྒམ་དེ་ད་དུང་ཆག་སྐྱོན་མེད། ངའི་སྨྱུག་སྒམ་གྱི་སྟེང་ན་མཐའ་ཡས་ཤིང་མེ་ཏོག་སྣ་ཚོགས་བཞད་པའི་རྩྭ་ཐང་དུ་སློབ་བུ་ཞིག་གིས་བློ་རྩེ་གཅིག་སྒྲིམ་གྱི་སྒོ་ནས་ལས་བྱ་འབྲི་བཞིན་ཡོད་ལ་དེའི་འགྲམ་དུ་བུ་མོ་ཆུང་ཆུང་ཞིག་ལངས་ནས་སློབ་བུ་དེའི་ཡི་གེ་འབྲི་བར་ལྟ་བཞིན་པའི་རི་མོ་ཞིག་འདུག
ཨ་མས་ཀུ་རེའི་སྒོ་ནས་ང་ལ་སྒྱུག་སྒམ་སྟེང་ན་ཡོད་པའི་སློབ་བུ་དེ་ཁྱོད་ཡིན་པ་དང་ ། བུ་མོ་དེ་ཁྱོད་ཀྱི་སྲིང་མོ་རེད་ཅེས་བདག་ལ་ཀུ་རེ་བྱས་མྱོང་བ་དང་བདག་གིས་ཀྱང་སློབ་བུ་འདི་དང་མཚུངས་པར་བརྩོན་འགྲུས་བྱེད་དགོས་སྙམ་པའི་ཆོད་སེམས་ཡིད་ལ་བཅངས་པ་ཡིན།
ཨ་ཕས་ང་ལ་ཉོས་པའི་སྨྱུག་སྒམ་ཆུང་ཆུང་དེ་ང་དང་འགྲོགས་པའི་ཉིན་དེ་ནས་བཟུང་ངའི་སློབ་སྦྱོང་གི་ཕྱོགས་ལ་སྐུལ་མ་དང་རམ་འདེགས་བྱས་པས་ང་རང་ལ་སློབ་གསོ་ཟབ་མོ་ཞིག་ཐོབ་པ་མ་ཟད་ང་རང་དངོས་གནས་སྒྱུག་སྒམ་དེར་ཤིན་ཏུ་དགའ།
