ཆུང་དུས་ནས་ང་ཚོ་ལ་སློབ་གསོ་རྒྱག་མཁན་ནི་རང་གི་ཕ་མ་ཙམ་མ་ཟད་ད་དུང་ང་ཚོའི་དགེ་རྒན་ཡང་ཡོད།ངའི་ངོས་ནས་བརྗོད་ན་བོད་ཡིག་རྒན་ལགས་ནི་འགན་ཁུར་གྱི་བསམ་པ་ཆེ་ཤོས་ལྡན་པ་དེ་ཡིན།ཁོང་ད་ལོ་དགུང་ལོ་ཉི་ཤུ་ལྷག་ཙམ་ལས་སོན་མེད་ཀྱང་ཁོང་གི་སློབ་ཁྲིད་ཀྱི་ཐབས་ལམ་ནི་དགེ་རྒན་གཞན་ལས་དམན་པ་མེད།དུས་རྒྱུན་ཁོང་གིས་སློབ་ཁྲིད་རེ་རེ་དང་འགྲོ་འདུག་སྤྱོད་གསུམ་གྱི་མཛུབ་སྟོན་ལས་ཁོང་གི་ཤེས་རྒྱ་ནམ་མཁའ་ལྟར་ཡངས་པ་རྟོགས་ཐུབ། རྒན་ལགས་ཀྱིས་རྟག་ཏུ་ང་ཚོར་རང་ལ་ཅི་ཡང་མེད་ཀྱང་ཆོག་ལ་འོན་ཀྱང་ཀུན་སྤྱོད་ཡག་པོ་མེད་ན་མི་འགྲིག
སྤྱོད་བཟང་ནི་མི་ཚེ་གཅིག་གི་ནོར་བུ་ཡིན་ཞེས་བསླབ་བྱ་གནང་གི་ཡོད་ཐེངས་ཤིག་ང་ཚོའི་རྒན་ལགས་དང་རྒྱ་ཡིག་རྒན་ལགས་གཉིས་ནང་སར་སློབ་སྦྱོང་ལ་འགྲོ་དགོས་བྱུང་སོང་བས་ང་ཚོ་འཛིན་གྲྭར་དགེ་རྒན་གཞན་ཞིག་གིས་སློབ་ཁྲིད་བྱེད་དགོས་བྱུང་།ཉིན་དེ་དག་ལ་ངས་རྒན་གསར་པ་དེ་སློབ་ཁྲིད་ལ་ནན་ཏན་གྱིས་ཉན་ཡང་ཁོང་གིས་སློབ་ཚན་ཁྲིད་པ་ལྟར་གཏན་ནས་ཡོང་གི་མི་འདུག ཉིན་དེ་དག་ལ་རྒན་གསར་པ་དེས་འགན་དང་ལེན་གྱིས་སློབ་ཁྲིད་བྱས་ཀྱང་སྔོན་ལྟར་མཚར་སྣང་དང་སྤྲོ་སྣང་གི་སེམས་ཁམས་དེ་ཡེ་ནས་མི་འདུག
ཟླ་བ་གཅིག་གི་རེ་གཟའ་ཟླ་བ་ཡི་ཞོགས་པ་ཞིག་ལ་ང་ཚོའི་ཆེས་གཅེས་པར་འོས་པའི་བོད་ཡིག་དགེ་རྒན་ལགས་ཀྱི་ཞལ་རས་འཛུམ་མདངས་ཀྱིས་ཁེངས་ནས་སློབ་མ་ཚང་མར་ཕྱག་རྟགས་བསྣམས་ཏེ་འཛིན་གྲྭའི་སྒོ་ནས་ཡར་འཛུལ་བྱུང་། སྐབས་དེར་ངའི་སེམས་ལ་ཉི་མ་ཤར་བ་ལྟར་དགའ་སྤྲོའི་མྱོས་བྱུང་།
དེ་ནས་བཟུང་ལྷག་བསམ་རྣམ་པར་དག་ཅིང་འགན་སེམས་ཆེ་བའི་རྒན་ལགས་ཁོང་དང་འབྲེལ་འདོད་མེད་པར་འགྱུར་ལ།ཁོང་ནི་ངའི་སེམས་ཆེས་མཛེས་ཤོས་དང་མིག་དཔེ་ལྟ་སའང་ཡིན།
