སྣོད་བཅུད་སྲོག་གི་རྩ་བ་ཆུ་བོ་ཡིན།
དབྱངས་གསལ་སློབ་ཁྲིད་ཐོན་ཁུངས་དྲ་བ །

སྣོད་བཅུད་སྲོག་གི་རྩ་བ་ཆུ་བོ་ཡིན།

ཡོང་ཁུངས། : མཚོ་སྔོན་པོ་དྲ་བ།   རྩོམ་པ་པོ། : བརྒྱད་གསུམ། གཡུ་འབྲུག་མཚོ་མོ།  ཀློག་གྲངས །: སྤེལ་དུས། : 2022-03-18
ཡིག་གཟུགས། :ཆུང་། འབྲིང་། ཆེ།
        ཆུ་ནི་གང་ཟག་སྟེ་འགྲོ་བ་མི་ཞིག་ལ་མཚོན་ན་ཚེ་སྲོག་གི་འབྱུང་ཁུངས་ཡིན་ལ། གལ་ཏེ་ཆུ་མེད་ན་ང་ཚོ་ཁྲ་ཁྲ་རིག་རིག་གི་འཇིག་རྟེན་འདིའི་སྟེང་དུ་འཚོ་དཀའ། ཕ་ཡུལ་གྱི་རྩྭ་ཐང་། ཕ་ཡུལ་གྱི་ཆུ་བོ་ཞེས་པའི་སྙན་འཇེབས་ཀྱི་རོལ་དབྱངས་འདི་ཐོས་འཛིན་ལམ་དུ་འོང་ཐེངས་རེར་ཅོལ་ཆུང་བདག་གི་གངས་དཀར་སེམས་ལ་ཐོག་མར་འཆར་འོངས་པ་ནི་ངེད་གཡང་སྡེ་ཕྱུག་མོའི་སྡེ་མགོ་ན་གྱ་གྱུར་འབབ་པའི་གཙང་ཆབ་སྔོན་མོ་དེ་ཡིན།BML智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
        དྭངས་གཙང་གི་བདུད་རྩི་འདི་ཡོད་པའི་སྟབས་ཀྱིས་ད་གཟོད་གོ་ལ་ཟླུམ་པོ་འདིའི་སྟེང་གི་སྐྱེ་དངོས་ཡོད་དོ་ཅོག་འཚར་ལོངས་བྱུང་བ་དང་། བསིལ་འཇམ་གྱི་གཙང་ཆབ་འདི་ཡོད་པའི་སྟབས་ཀྱིས་གཙང་བོའི་ཉེ་འགྲམ་གྱི་སྔོ་ཞིང་ལྗང་བའི་རྩྭ་ཐང་དང་གཡུ་ལོ་ཚང་ཚིང་དུ་རྒྱས་པའི་ནགས་ཚལ་སོགས་ལ་གསོན་ཤུགས་རྒྱས་ཤིང་། ཡན་ལག་བརྒྱད་ལྡན་གྱི་ཆུ་བོའི་ཁྱད་ཆོས་འཛོམས་པའི་ཆུ་བོ་འདི་ཡོད་པའི་སྟབས་ཀྱིས་འགྲོ་བ་མི་ཡོངས་སྡུག་བསྔལ་གྱི་རྒྱ་མཚོར་མ་ལྷུང་བར་བདེ་སྐྱིད་ཀྱི་ཡུལ་གྲུ་ཞིག་ཏུ་སྐྱེས། ད་ལྟ་དུས་རབས་ཀྱི་འགྱུར་ལྡོག་དང་ཚན་རིག་དར་རྒྱས་གོང་འཕེལ་དུ་འགྲོ་བཞིན་པ་དང་བསྟུན་ནས་ཆུ་འཕྲོ་བརླག་ཏུ་གཏོང་བ་དང་གྲོན་ཆུང་གི་འདུ་ཤེས་མེད་ལ་རང་དགར་ཆུ་ལོངས་སུ་སྤྱོད་པའི་གནས་ཚུལ་ཧ་ཅང་ཛ་དྲག་ཆེ་སྟབས་ང་ཚོས་ཆུ་ཐིགས་རེ་རེ་ནས་མགོ་བརྩམས་ཏེ་གྲོན་ཆུང་བྱས་ན་སྐོམ་གདུང་གིས་མནར་བའི་མི་མང་པོ་ཞིག་གི་ཚེ་སྲོག་སྐྱོབ་ཐུབ།གལ་ཏེ་ཆུ་མེད་ན་མི་མང་པོ་ཞིག་ཕྱི་མའི་ཡུལ་དུ་འགྲོ་སྲིད་ལ། ནགས་ཚལ་ཡོད་དགུ་སྐམ་སྟེ་བྱེ་ཐང་དུ་འགྱུར་སྲིད།BML智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
        འོན་ཀྱང་། ད་སྐབས་ཀྱི་ཡུལ་མི་རྣམས་ཀྱིས་ཆུ་བོ་ལ་སྲུང་སྐྱོབ་བྱེད་ཀྱིན་མེད། ང་ཚོ་མིའི་བྱ་བྱེད་ཀྱིས་རང་བྱུང་ཁམས་ལ་གནོད་འཚེ་གང་མང་བྱས་ཏེ་སྐྱེ་ཁམས་ཁོར་ཡུག་ལ་ཉམས་ཉེས་ཚབས་ཆེན་བཟོ་བཞིན་ཡོད། སྔོན་གྱི་མེ་ལོང་ལྟར་དྭངས་ཤིང་བསིལ་བའི་ཆུ་བོ་ད་ལྟ་བཙོག་བསླད་དུ་གྱུར་དང་འགྱུར་བཞིན་མཆིས། དེའི་ཕྱིར། སྐྱེ་ཁམས་ཁོར་ཡུག་ལ་སྲུང་སྐྱོབ་བྱེད་པ་ནི་དེང་རབས་ཀྱི་མི་རེ་རེ་ཡི་བྱོལ་མེད་ཀྱི་འོས་འགན་དུ་གྱུར་ཡོད།BML智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
        ངའི་དྲན་འཛིན་དུ་ཆེས་དགའ་བ་ནི་ཆུང་དུས་སུ་རྨོ་མོའི་སྒྲུང་གཏམ་ལ་ཉན་པ་དེ་ཡིན། རྨོ་མོ་ལགས་སྒྲུང་གཏམ་བཤད་པར་དགའ་བ་དང་། ཁྱད་པར་དུ་ཕ་ཡུལ་གྱི་གཙང་ཆབ་སྔོན་མོ་དང་འབྲེལ་བའི་སྒྲུང་གཏམ་བཤད་སྐབས་བརྩེ་དུང་དང་ལྡན་ཞིང་། ངས་རྒྱུན་དུ་མོ་ཡི་མིག་ཟུང་ལས་བཞུར་བའི་དྭངས་གཙང་གི་མཆི་མ་རེ་རེ་ལས་དྭངས་གཙང་གི་ཆུ་བོའི་མཛེས་སྡུག་གི་ཡུལ་ལྗོངས་མཐོང་ཐུབ། ཕ་ཡུལ་གྱི་དྭངས་གཙང་གི་ཆུ་བོ་དེ་ནི་དཀར་ཞིང་རིང་བའི་ཁ་བཏགས་ཤིག་དང་འདྲ་བར་བཞུར་རྒྱུན་མི་ཆད་ལ། རྒྱང་རིང་གི་མགྲོན་པོར་བསུ་མ་བྱེད་པ་དང་གཉིས་སུ་མ་མཆིས། གཙང་ཆབ་སྔོན་མོ་འདིས་དེའི་འགྲམ་གྱི་ས་ཞིང་དང་སྐྱེ་དངོས་གསོ་སྐྱོང་གི་ཐད་ལ་རམ་འདེགས་བྱེད་ལ། ངེད་སྡེ་བའི་བུ་རབས་ཚ་རྒྱུད་རྣམས་དྲིན་གྱིས་བསྐྱངས་པ་ཡིན།BML智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
        ལོ་རེ་རེར་ཆུ་ལོག་གི་གནོད་འཚེ་ཚབས་ཆེན་འབྱུང་བཞིན་པའི་རྒྱུ་རྐྱེན་ནི་མི་རྣམས་ཀྱིས་མི་གཙང་བའི་སྙིགས་རོ་ཡོད་དོ་ཅོག་ཆུ་ལ་བསྐུར་ཏེ་ཁོ་ར་ཁོར་ཡུག་བཙོག་བསླད་དུ་བཟོས་པ་དང་གང་སར་ས་བརྐོ་རྡོ་བསློག་བྱས་པ། ནགས་ཚལ་སྟུག་པོའི་ཁྲོད་ཀྱི་ལྗོན་པ་ཐམས་ཅད་བཅད་དེ་བྱེ་ཐང་དུ་བསྒྱུར་བ། ཞིང་འགྲམ་གྱི་ལོ་ཏོག་རྣམས་བསྐྱུར་ཏེ་གྲོང་ཁྱེར་དང་ཁང་བརྩེགས་དཔང་མཐོན་པོ་བསྐྲུན་པ་སོགས་ཀྱི་རྒྱུ་རྐྱེན་ལ་རག་ལས་སོ།།BML智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
        དུས་ད་ནས་བཟུང་སྟེ་ང་ཚོས་རང་ནུས་ཅི་ལྕོགས་ཀྱིས་ཕ་ཡུལ་གྱི་ཆུ་བོ་ལ་སྲུང་སྐྱོབ་བྱས་ཏེ་གད་སྙིགས་གང་སར་མི་འཕེན་པ་དང་། ས་བརྐོ་རྡོ་བསློག་མི་བྱེད་པ།ལག་ཟུང་འགུལ་ནས་སྡོང་འཛུགས་ནགས་སྐྲུན་བྱེད་དགོས་པ་དང་། ང་ཚོའི་ཚེ་སྲོག་གི་འབྱུང་ཁུངས་ཏེ་ཆུ་བོ་ལ་གཅེས་སྤྲས་དང་སྲུང་སྐྱོབ་ལེགས་པོ་བྱེད་རྒྱུ་ནི་ཧ་ཅང་གལ་ཆེའོ།།
རྩོམ་སྒྲིག་པ། : lalong1985
མཉམ་སྤྱོད །     
    匿名评论
  • 评论
人参与,条评论