གཏམ་དཔེ་ཕྱོགས་བསྒྲིགས།

※ དཀའ་མོའི་ལ་མོ་མ་བརྒྱབ་ན།། བདེ་མོའི་ཐང་ལ་སླེབས་དོན་མེད།།

※ དཀའ་མོའི་ལས་ཤིག་མ་ལས་ན།། ཞིམ་པོའི་ཟས་ཤིག་ག་ལ་རག།

※ དཀའ་ལས་ཅི་ཙམ་བརྒྱབ་ན།། འབྲས་བུ་དེ་ཙམ་འཐོབ་ཡོང་།།

※ སྐྱིད་མི་ཁོམ་མི་ལྕོགས།། སྡུག་རྐང་བརྐྱང་ལག་བསྲིངས།།

※ ཁ་ཡིས་བཟའ་འདོད་ན།། ལག་པས་ལས་བྱེད་དགོས།།

※ ཁ་བཤད་ཆུ་ཡི་ལྦུ་བ།། ལག་ལེན་གསེར་གྱི་ཐིགས་པ།།

※ ཁྱུང་དཀར་མཛོ་ཡིས་ཁུར་ན་ཡང་ལ་ལ།། ཨ་ཕོ་རང་གིས་ཁུར་ན་ལྗིད་ལ་ལ།།

※ ག་ལེ་ག་ལེར་འགྲོ་ན།། ཀུ་རུ་ལྷ་སར་སླེབས།།

※ གོ་རྒྱུ་མེད་པའི་བཤད་རྒྱུ།། བཟའ་རྒྱུ་མེད་པའི་ལས་རྒྱུ།།

※ བརྒྱ་ཕར་འགྲོ་ནང་གི་སྔ་མ།། སྟོང་ཚུར་འོང་ནང་གི་མཐའ་མ།།

※ ངུ་དགོས་པའི་དཀའ་ལས་མ་བརྒྱབ་ན།། དགོད་ཤོར་བའི་ཟ་མ་ག་ལ་རག།

※ ངོ་བཀྲུས་ན་མ་ནེའང་དག་དགོས།།

※ ཕྱུགས་དཀར་ནག་འབྲོག་པའི་ནོར་བུ།། འབྲུ་དཀར་ནག་ཞིང་པའི་ནོར་བུ།།

※ མི་རྒྱུ་མ་རིང་པོས་ལས་མི་ཐོན།།

※ བུ་ཕྲུག་རང་གི་བུ་ཕྲུག་གཅེས།། མེ་ཏོག་གཞན་གྱི་མེ་ཏོག་མཛེས།།

※ རོགས་དང་མཐུན་དགོས།། རྩིས་སྤྲོད་ཞིབ་དགོས།།

※ ཁ་ཁོག་པས་མ་གསང་།། བློ་རྒྱུ་མས་མ་སྐུང་།།

※ ཁ་ཆེ་ན་སྣ་ཡི་ཞབས།། མིག་ཆེ་ན་རྫི་མའི་ཞབས།།

རི་མཐོ་ཡང་གནམ་གྱི་ཞབས།། ཆུ་ཆེ་རུང་ཟམ་པའི་ཞབས།།

※ སྙིང་གཏམ་མི་ལ་མ་བཤད།། མཐའ་མར་དགྲ་རུ་འགྱུར་ཡོང་།།

※ སྙིང་གཏམ་རོགས་ལ་མ་བཤད།། མཐའ་མར་ཁ་མཆུ་ལང་ཡོང་།།

※ འདོ་བ་འདམ་དུས་མིག་དགོས།། ཆུང་མ་འདམ་དུས་རྣ་ཅོག་དགོས།།

※ སྡུག་དཀའ་ལས་བྱུང་དུས་གྲོགས་པོ་ཤེས།། ཆུ་འདམ་པ་འབོག་དུས་འདོ་བ་ཤེས།།

※ ནང་ཚགས་ཚོང་མི་རྒྱག། དཔོན་གཡོག་ཤོ་མི་རྒྱག།

※ ནང་ལ་ཁ་མ་འཆམས་ན།། ཕྱི་ལ་དོན་མི་འགྲུབ།།

※ དཔོན་ཤེས་མེད་ལ་སྡེ་མི་འཁོར།། མ་ཟས་མེད་ལ་བུ་མི་འཁོར།།

※ སྤྱང་པོས་སྤྱང་ཚོད་མ་ཟིན་ན།། སྤྱང་པོ་བླུན་པོར་འགྱུར་རབས་ཡོད།

※ སྤྱང་པོས་ལ་གཏམ་ལུང་གཏམ།། བདེན་པའི་ཁ་ལ་ཅི་བུད་ལྟ།།

※ སྤྲང་པོས་ཤ་ཡིས་ཁྱི་གསོས་ཀྱང་།། བཟང་རྗེས་བདག་པོའི་རྗེས་སུ་རྒྱུག།

※ ཕ་ཁུའི་གནའ་གཏམ་གསེར།། ལུག་མགོའི་ཡ་ཐོད་ཟས།།

※ ཕོ་བགད་བགད་བ་དེ་ཁྲམ་རྟགས།། མོ་ངུ་ངུ་བ་དེ་ཁྲམ་རྟགས།།

※ ཕོ་ལ་རྒོད་ཞན་ཡོད་ཀྱང་།། སྲོག་ལ་སྦོམ་ཕྲ་མེད།།

※ ཕྲུ་གུ་གསོས་པས་མི་ཕན།། སློབ་སྟངས་མཁས་པ་བྱེད་དགོས།།

※ བ་མོ་བཤའ་བ་ལས་བཞོས་པ་དགའ།།

※ བང་རྒྱུག་བྱེད་དུས་རྟ་རྒྱུས་ལོན།། ཁ་བརྡ་བཤད་དུས་མི་རྒྱུས་ལོན།།

※ བུ་མ་བསླངས་ན་སྐྱག་ལང་ཤོར།། ཁྱི་མ་བཏགས་ན་ཁྱི་ཡན་འགྱར།།

※ བྱམས་ཆེ་ན་བུ་རྒྱུད་དགྲ་ལ་འགྱུར།། ཟ་ཆེ་ན་མར་དཀར་ཞེ་ཁ་ལོག།

※ བློ་ཕུགས་མི་ལ་མ་གཏོད།། རྒྱུ་ཕུགས་མི་ལ་མ་སྟོན།།

※ བློན་ངན་པས་རྒྱལ་པོ་དགྲ་ལ་སྤྲད།། སྨན་ངན་པས་ཚེ་རོགས་འདྲེ་ལ་སྤྲད།།

※ མ་བཤད་ན་བུ་སྲིང་སྐྱག་ལང་ཤོར།། བཤད་ཆེ་ན་ཕ་བུ་དགྲ་རུ་འགྱུར།།

※ མི་སྐྱོན་བཤད་དགོས།། ཤིང་སྐྱོན་གཞོག་དགོས།།

※ མི་རྒན་པོའི་གཏམ་ལ་ཉོན།། ཇ་ཞིམ་པོའི་བྲོ་བར་ལྟོས།།

※ མི་ངན་ལ་དབང་ཆ་སྤྲད་ན།། ཆུ་ཡང་བྲེ་ལ་འཇལ།།

※ མི་ངན་པས་དོན་ཆེན་དཀྲུག། ཟས་རུལ་པས་ཕོ་བ་དཀྲུག།

※ མི་གཏམ་མི་ཡིས་མ་ཉན་ན་ཐན།། ཁྱི་སྐད་མི་ཡིས་མ་ཉན་ན་ཐན།།

※ མི་རྣམ་རྟོག་ཚ་པོ་ཚེ་མི་རིང་།།

※ མི་ཡི་ལ་རྒྱ་ཟས་དང་བརྗེ་མི་རུང་།། དོན་དག་གལ་ཆེན་མི་ཁར་ཉན་མི་རུང་།།

※ སྨན་ཤེས་མེད་འཁྱམ་ལ་དགའ་བའི་དུས།། དྲིན་ཕ་མའི་ཁ་ཏ་དགྲ་རུ་བཟུང་། ཕོ་ཁྲམ་པས་པང་དུས་འགྱོད་པ་སྐྱེ།།

※ རི་ལ་སྟག་མེད་ན།། སྤྲེའུས་རྒྱལ་པོ་བྱེད།།

※ ལུས་ལ་ན་ཚ་མེད་ན་ཁྱི་རྔ་རྡོག་གནོན།། སེམས་ལ་སྡུག་བསྔལ་མེད་ན་བུ་ལོན་ཁག་ འཁུར།།

※ བསླབ་བྱ་བརྒྱ་ལས།། སྣ་བརྡབས་གཅིག་དགའ།།

※ ཨ་རག་རྒྱལ་པོའི་གསོལ་རག་རེད།། སྤྲང་པོ་མུ་གེས་ཤི་རག་རེད།།

※ གེ་སར་གྱིས་མྱི་སྟོང་འཇལ་ཚོད་མེད།། འདན་ཁོག་གི་རྒྱུ་ནོར་ཟད་པ་མེད།།

※ གླིང་གེ་སར་འདྲ་བའི་དཔའ་དགོས།། མ་འབྲུག་མོ་འདྲ་བའི་གཟུགས་དགོས།།

※ རྒྱ་སྟག་ནགས་ནས་ངར་བར་སྐྲག་མ་མྱོང་།། ཁྱི་ཕྲུག་ལམ་ནས་ཟུག་པར་ག་ལ་སྐྲག།

※ ང་མ་ཐུག་ལྷ་གཡག་གྭ་པ་ཡིན།། ཐུག་ན་སྲིན་པོ་མགོ་དགུ་ཡིན།།

※ སྐྱིད་པོ་རང་གིས་ཤེས་ན།། སྡུག་པོ་མི་ཡིས་གཏོང་རྒྱུ་རེད།།

※ སྐྱེས་པར་ཞབས་ཐག་འདོགས་མཁན།། ཕལ་ཆེར་བུད་མེད་ཡིན།།

※ ཁ་རྗེ་ལ་བུ་ཡོད་དུས།། དབང་ཐང་གི་ནུ་མ་མེད།།

※ ཁྱིམ་འཛུགས་སླ་སྟེ་ཁྱིམ་སྐྱོང་དཀའ།།

※ ཁྱིམ་ཚང་ནང་གི་བཟའ་འཛིང་དེ།། དེ་རིང་ཡོད་དེ་སང་ཉིན་མེད།།

※ གེ་སར་རྒྱལ་པོ་རྟ་ཡིས་གཡུགས་པ་དང་།། སེང་ལྕམ་འབྲུག་མོ་གོ་ལོག་པ་ཡོང་སྲིད།།

※ གོན་མི་བྲ་བྱི་བའི་ཁ་ལ་ཤོར།། ཟ་མི་བྲ་ཁྱི་ཡི་ཁ་ལ་ཤོར།།

※ རྒྱལ་པོའི་རྒྱལ་ས་མ་བདེ་ན།། སྤྲང་པོའི་ཉལ་ས་མི་བདེ།།

※ རྒྱུ་མེད་མི་ཡི་གཡོག་པོ།། རྒྱུ་ཡོད་རྒྱུ་ཡི་གཡོག་པོ།།

※ རྒྱུ་ཡོད་རྒྱུ་ཡིས་སྨྱོ།། རྒྱུ་མེད་སྡུག་གིས་སྨྱོ།

※ ངོ་བསྟོད་བྱས་ན་ལྷ་སྐུ་ཡིན་ཡང་དགའ།། ངན་མཚང་བྲུས་ན་སངས་ རྒྱས་ཡིན་ཡང་ཁྲོ།།

※ སྡེ་མགོ་མི་ནོན་དཔོན་པོ་ལས།། སེམས་ཁྲལ་མེད་པའི་མི་སེར་སྐྱིད།།

※ དཔོན་པོ་ཕལ་ཆེར་ངོ་བསྟོད་དགའ།། བླ་མ་ཕལ་ཆེར་འབུལ་བར་དགའ།།

※ སྤྱང་ཀི་ཤ་ལ་དགའ།། མི་རྣམས་རྒྱུ་ལ་དགའ།།

※ ཕོར་ཁ་མ་གང་ན་སེམས་ཁ་མི་གང་།། ཕོར་ཁ་དམའ་ན་སེམས་ཁ་དམའ།།

※ བུ་ས་མཐའ་འགྲོ་མི་སྤྱང་པོ།། བུ་མོ་ས་མཐའ་འགྲོ་མི་བླུན་པོ།།

※ ཤིང་རྒས་ན་རྩ་བ་མང་།། མི་རྒས་ན་སྐད་ཆ་མང་།།

※ དགུན་དུས་གྲང་རླུང་ཆེ་ན།། དབྱར་དུས་དཀར་ཆུ་བཟང་།།

※ མི་ངོ་ཚ་ནས་ཤི་རབས་མེད།། ཁྱི་ལ་ཆམ་པ་ཕོག་རབས་མེད།།

※ རླུང་ཤར་ནས་ཡོང་ན་འབབ།། རླུང་ནུབ་ནས་ཡོང་ན་དྭངས།།

※ སེང་གེ་མེད་སར།། སྤྲེའུས་རྒྱལ་ས་བཟུང་།།

※ ཁ་འཇམ་གཏིང་རྩུབ།། ཁ་དཀར་ཞེ་ནག།

※ ཁ་ནང་མ་ཎི་འདོན།། ལག་པས་རྟ་བཤའ།།

※ ཁ་མཚར་རྩེད་མོ་འཚོ་བའི་རྒྱན།། མ་ངན་བུ་ལ་དེ་མི་འཕྲོད།།

※ ཁ་ཡ་རབས།། སྤྱོད་པ་མ་རབས།།

※ ཁ་ཡིས་ཆོས་བཤད།། ལག་པས་མི་བསད།།

※ ཁ་ལ་ཆང་དྲི་བྲོ།། སྣ་ལ་དུ་དྲི་བྲོ།། ལུས་ལ་བསེ་དྲི་བྲོ།།

※ ཁ་ལ་བཟའ་རྒྱུ་རག་དུས།། རྒྱབ་ལ་འཁུར་རྒྱུ་དྲན།།

※ ཁུ་ཚུར་མི་ལ་བརྒྱབ།། ངུ་འབོད་རང་གིས་བྱེད།།

※ ཁོང་ཁྲོ་གཡག་ལ་ཟ་ན།། རྡོག་ཐོ་དྲེལ་ལ་མ་རྒྱག།

※ ཁོལ་མོའི་ལྡིར་སྒྲ་ཆེ་ཡང་།། ལག་པའི་ཞབས་ལ་ཡོད།།

※ ཁྱི་ཚེ་ལོ་དགུ་ལས་མེད་ཀྱང་།། མི་སེམས་ཚང་མ་དང་འགྲས།།

※ ཁྱིམ་ལ་རྟ་བརྒྱ་ཡོད།། འགྲོ་དུས་རྐང་ཐང་ཡིན།།

※ གྲོ་མ་མར་ཁུ་ཁ་ལ་ཞིམ།། ལག་པའི་སེར་ག་གཏིང་ནས་གས།།

※ གླ་མེད་རོ་འཁུར།། ཟས་མེད་སྟོང་རྩིས།།

※ སྤྲང་བུ་ལོན་མ་དགོས་ཕྱུག་པོ་ཡིན།། གྱོད་ཁ་མཆུ་མེད་ན་བཙན་པོ་ཡིན།།

※ དགེ་འདུན་ལ་སྒྲིག་མེད་ན།། དམ་ཉམས་ལུང་པ་གང་།།

※ དགོན་ཁང་རྨང་རྡོ་མ་བཞག་གོང་།། དགོན་གཉེར་ཕོར་རུ་བཞག་ས།།

※ མགོ་ཆེན་ཀླད་པའི་བང་མཛོད།། ཕོ་ཆེན་ཟས་ཀྱི་རྐྱལ་བ།།

※ འགག་དོག་མོར་སླེབས་དུས།། བླ་མ་ཨོ་རྒྱན་པད་མ།།

ཐང་བདེ་མོར་སླེབས་དུས།། གླུ་ཨ་ལ་ཐ་ལ།།

※ རྒྱགས་དུས་ཆོས་དྲན།། ལྟོགས་དུས་རྐུ་དྲན།།

※ རྒྱལ་པོ་རྣམས་ནི་ངོ་བསྟོད་དགའ།། དྲང་གཏམ་མཉན་པ་ཤིན་ཏུ་དཀོན།།

※ ངན་པ་ཟས་ཀྱིས་འགྲངས་ན་སྐད་ཤུགས་ཆེ།། མ་རབས་མཐོ་སར་བཞག་ ན་ཀུན་ལ་སྡང་།།

※ ངོ་མ་ཤེས་གོང་ནས་ངོ་དགའ།། མི་མ་འདྲིས་གོང་ནས་སྙིང་གཏམ།།

※ སྔ་དྲོར་མེ་ལྡེས་ནས་མ་དྲོ་ན།། ཕྱི་དྲོར་ཐལ་བ་ལྡེས་ནས་ག་ལ་དྲོ།།

※ གཅིག་སྦྱིན་དུས་གཉིས་དགོས།། སྐྱུར་ཁུ་བླུད་དུས་ཕོ་བ་སྦོས།།

※ ཆུང་དུས་ལྷ་ལ་ཕྱག་འཚལ།། རྒས་དུས་ཕུ་དཀྲུག་མདའ་དཀྲུག།

※ ཆོས་མེད་ཟོག་པོའི་དབང་བསྐུར་དེ།། རྒྱལ་ཁམས་སྐུར་འདེབས་བྱེད་པའི་རྒྱུ།།

※ ཇ་ཚྭ་མེད་ཆུ་དང་འདྲ།། མི་རྒྱུས་མེད་འདྲེ་དང་འདྲ།།

※ ཇ་ལན་ཆུ་ཡིས་འཇལ།། ཆང་ལན་ཇ་ཡིས་འཇལ།།

※ འཇོན་ཐང་མེད་པའི་རྒྱལ་པོ་དེ།། སྡེ་མི་སེར་གཤེ་གཤེ་གཏོང་བར་དགའ།།

※ གཏམ་ཉན་མཁན་མེད་ན།། བཤད་མཁན་ཁྱི་དང་འདྲ།།

※ རྟ་མ་རྐྱ་ཟེར་མི་བླ་མ་རེད།། རྟ་ཐུར་རྐྱ་བྱེད་མི་བླ་མ་རེད།།

※ འདོད་ཆགས་ཅན་ལ་བུ་མི་སྐྱེ།། ཝ་ཆུའི་ཞབས་ལ་རྩྭ་མི་སྐྱེ།།

※ བློ་ཕུགས་མི་ལ་མ་གཏོད།། རྒྱུ་ཕུགས་མི་ལ་མ་སྟོན།

※ འདྲ་ཆགས་པོ་དེ་དཔོན་པོས་བཤད།། ཁ་ལ་ཡོད་དེ་དོན་ཐོག་མེད།།

※ ཧ་མི་གོ་བ་དེ་ཧམ་པ་ཆེ།། ཆར་པ་ཀླུ་ཡི་ལག་ན་ཡོད།།

※ ནས་རག་ཞིམ་སྟེ་སྐོམ་མི་སེལ།། མེ་ཏོག་མཛེས་ཏེ་གྱོན་མི་ལོ།།

※ དཔོན་དང་ཕྱུག་པོ་གཉིས་དེ་རྒྱུ་ལ་དགའ།། བུ་མོ་ར་མ་གཉིས་དེ་མཐོ་ལ་དགའ། །

※ དཔོན་ལ་འཇོན་ཐང་མེད་ལེ།། གཡོག་ལ་རྫིག་ཉམས་བསྟན། །

※ བྱ་བ་གང་བཟང་གཞན་གྱིས་སྒྲུབ།། ངོ་བསྟོད་ཡོད་ཚད་རང་གིས་ལེན།།

※ བླ་མ་བརྒྱགས་ན་རྟ་རྒྱུག། ཇོ་མོ་བརྒྱགས་ན་གླུ་ལེན།།

※ བླ་མ་དཔོན་པོ་རག་དུང་གསུམ།། ཁ་གང་ཆེ་ཐམས་ཅད་མི་ལ་གཏད།།

※ བླ་མས་རྟ་བསྒོམས།། གྲྭ་པས་མཛོ་བསྒོམས།།

※ མ་རབས་མཐོ་སར་བཞག་ན།། སྤྱོད་ངན་ལུང་པ་གང་།།

※ མི་རྒན་ཤི་ཁར་མ་ཎི་ཚ་འདོན་བྱེད།། རེད་དང་རེད་དེ་ཕྱི་ལེ་རེད།།

※ མི་ངན་ཁ་ནས་གཏམ་ངན་འབྱུང་།། ཁྱི་ངན་ཁ་ནས་སྐྱག་དྲི་བྲོ། །

※ མི་ངན་གར་འགྲོ་དུ་བས་དགྲ།། ཁྱི་ངན་གར་འགྲོ་གཟིག་གིས་དགྲ།།

※ མི་ངན་འཆི་རྒྱུ་མེད།། ཤ་རུལ་ཟ་མཁན་མེད།།

※ མི་ངན་དེ་ཁ་མང་།། ཁྱི་ངན་དེ་ཕྱེན་མང་།།

※ མི་ངན་ལ་དབང་ཡོད་ན།། ཁྱི་རྒན་ལ་ཉི་མ་འདེ་དབང་མེད།།

※ མི་ངོ་ཚ་མེད་པ་ཁྱི་ཡིན།། ཁྱི་རྔ་མ་མེད་པ་འདྲེ་ཡིན།།

※ མི་སྡུག་སྡུག་མདོག་བྱེད་པ་དེ།། བུ་མོ་མནའ་མ་འགྲོ་ཉིན་རེད།།

※ མེད་པོ་ལ་འཁུར་ཤོག་དང་།། ཤི་པོ་ལ་ལོངས་ཤོག་མ་ཟེར།།

※ དྲང་མོ་བཤད་ན་མི་མི་དགའ།། དབྱུག་པ་ཕྱར་ན་ཁྱི་མི་དགའ།།

※ རྩྭ་ཞིམ་པོ་ཤྭ་རྒྱ་ཤེའུ་ཡིས་བཟས།། ཁག་ངན་པ་གླ་ནག་གླེའུ་ལ་ཕོག།

※ ཚེ་སྟོད་དགའ་རོགས་མང་པོ་དེས།། ཚེ་སྨད་སྦྲང་པོའི་སྐྲུ་ལམ་བཀག།

※ ཚྭ་མེད་ཇ་དེ་ཆུ་དང་འདྲ།། རྒྱན་མེད་བུ་མོ་འདྲེ་དང་འདྲ།།

※ རྫུན་གཏམ་དཔོན་གྱིས་ལབ།། རྫུན་ཁག་གཡོག་ལ་བཀལ།།

※ རྫུན་གཏམ་ལབ་མཁན་དེ་དཔོན་གྱིས་འདོད།། གྲོད་པ་བཤལ་མཁན་དེ་ཁྱི་ཡིས་འདོད།།

※ ཞ་ར་མཐོང་རྒྱ་ཆེ།། འོན་པ་གོ་རྒྱ་ཆེ།།

※ གཡོག་སྡེར་མ་གང་།། དཔོན་སློ་མ་གང་།།

※ གཡོག་པོའི་ལག་ན་རྟ་ཤི། གཡོག་མོའི་ལག་ན་ཟངས་ཆག།

※ རང་མྱོང་ཅན་དེ་མི་བཤད་མཁས།།

※ རོགས་མ་སྒྲིག་ཟེར་མི་ཕ་མ་རེད།། རོགས་སྔོན་ལ་སྒྲིག་མི་ཕ་མ་རེད།།

※ རོགས་གསར་པ་ཡོད་དུས་རྙིང་པ་བརྗེད།། གཡུ་བྱུ་རུ་ཡོད་དུས་སྤོས་ཤེལ་བརྗེད།།

※ ལགས་སོ་ལགས་སོ་སྐུ་ཞབས་ལགས།། སངས་རྒྱས་གསུང་དང་གུ་རུའི་བཀའ།།

※ ལུང་མེད་ལྕགས་བསྲེགས་རྡོ་རྗེ།། ཁྲིམས་མེད་སྡེ་དགེ་རྒྱལ་པོ།།

※ ཤ་མ་ཟ་གསུང་མཁན་བླ་མ་རེད།། ཤ་ཚོན་པོ་ཟ་མཁན་བླ་མ་རེད།།

※ ཤེད་རྒྱལ་པོ་ལ་ཡོད་དེ་ཚད་མི་མེད།། བློ་སྤྲང་པོ་ལ་ཡོད་དེ་དྲི་མི་མེད།།

※ སངས་རྒྱས་ནམ་མཁར་འཕུར་ཡང་དད་པ་མེད།། སེམས་ཅན་རྒྱུ་མ་ལྷུང་ཡང་སྙིང་ རྗེ་མེད།།

※ སེང་གེའི་ངོ་ལ་ཁྱི་ཡིས་ང་རྒྱལ།། སྟག་གི་ངོ་ལ་ལི་ལིས་ང་རྒྱལ།།

※ སྲོག་མ་གཅོད་གསུང་མཁན་བླ་མ་རེད།། ཤ་འཁུར་ཤོག་གསུང་མཁན་བླ་མ་རེད།།

※ ཨ་མཆོད་ཡོན་ཏན་སྒྲོ་བ་གང་།། སྒྲོ་བ་བརྗེད་ན་ཡོན་ཏན་བརྗེད།།

※ ཨ་མ་དང་འདྲེ་མོ་ནོར།། ལ་བཙས་དང་སོ་པ་ནོར།།

※ ཨ་མའི་བུ་དེ་བུ་བདེན་ཡིན།། ཨ་ཕའི་བུ་དེ་བུ་འདྲ་ཡིན། །

※ རྒས་དུས་བུ་མེད་དེ་སྡུག། ཚེ་གཅིག་རྒྱུ་མེད་དེ་སྡུག། འཆི་དུས་ཆོས་མེད་དེ་སྡུག།

※ ཆོས་མི་ལ་ཤོད་མཁན་བན་རྒན་དེས།། སྡུག་རང་རྩར་འཁོར་ན་མི་རིག་དོ།།

※ ཆོས་ལ་མཚམས་མེད་ན།། བླ་མ་འཁྲུལ་བའི་རྟགས།།

※ འཇིམ་ལྷ་ཆུ་ནང་འགྲོ་ན།། མི་མི་དགོས་རང་སྐྱོབ་མི་ཐུབ། །

※ ལྟད་མོ་མིག་གི་བསོད་ནམས།། མེ་ཏོག་ལྷ་ཡི་སྐལ་བ།།

※ དད་གུས་ཆེ་བའི་བླ་མ་དེ།། ཤི་དུས་མེད་ན་ཅི་ལ་ཕན།།

※ བན་ཆོས་མེད་བར་དོར་འགྲིམ་པའི་དུས།། རང་སྐྱོབ་པའི་ལྷ་ཡང་དགྲ་རུ་བཟུང་།། མཐར་དམྱལ་བར་ལྷུང་དུས་འགྱོད་པ་སྐྱེ།།

※ བླ་མ་ཕལ་ཆེར་ཕྱུག་པོའི་ཁྱིམ་དུ་འཁྲུངས།། མེ་ཏོག་ཕལ་ཆེར་ཆུ་བོའི་འགྲམ་དུ་སྐྱེས།།

※ བླ་མས་ར་གསོད་ཆོག། གྲྭ་པས་ཆང་འཐུང་མི་ཆོག།

※ མི་ལ་ཆོས་བཤད་བྱས་ན།། རང་གི་སྡོམ་པ་གཙང་དགོས།།

※ ཚེ་རབས་ལས་རྩིས་མ་བྱས་ཏེ།། ཚེ་སྔོན་ལས་ཀྱིས་བསྐོས་པའི་སྐལ།།

※ ཡིད་ཁྱེད་ཤེས་ཀྱི་དད་པར་བྱིན་རླབས་འཇུག། བློ་ཐེ་ཚོམ་དང་བྲལ་ན་ཅི་བསམ་འགྲུབ།།

※ ས་ཐོག་བླ་མ་མང་ན་ཡང་།། རྩ་བའི་བླ་མ་ཁེར་རེ་མ།།

※ ལྷ་བླ་མ་མིན་པར་ཞྭ་མི་ཕུད།། གུར་དཀར་ཆུང་མིན་པར་མགོ་མི་སྒུར།།

※ བགད་བགད་ཧ་ཧས་མི་ངོ་མི་ལོན།། རྒྱུག་རྒྱུག་འདུར་འདུར་གྱིས་རོགས་རྗེས་མི་ཆོད།།