༄༅།།པཎ་ཆེན་སྣང་བ་མཐའ་ཡས་ཀྱི་ཞལ་གསུང་དྲི་མེད་དར་ཐག་དཀར་པོ་ཞེས་བྱ་བ།
དབྱངས་གསལ་སློབ་ཁྲིད་ཐོན་ཁུངས་དྲ་བ །

༄༅།།པཎ་ཆེན་སྣང་བ་མཐའ་ཡས་ཀྱི་ཞལ་གསུང་དྲི་མེད་དར་ཐག་དཀར་པོ་ཞེས་བྱ་བ།

ཡོང་ཁུངས། : གླིང་སྲས་བོད་ཡིག་དྲྭ་ཚུགས།   རྩོམ་པ་པོ།: ཡི་གེར་ཕབ་མཁན། བྱ་ཁྱུང་སྲས།  ཀློག་གྲངས།: སྤེལ་དུས། : 2015-04-19 08:58:05
ཡིག་གཟུགས། :ཆུང་། འབྲིང་། ཆེ།

     གསུང་བཤད་འདི་ནི་སྤྱི་ལོ་༡༩༨༦ལོར་མཚོ་སྔོན་དཔའ་ལུང་ས་ཆར་ཕེབས་ཏེ་གནང་བ་ཟེར་སྡེར་ལས་ཆེ་ལོང་ཙམ་བཤུས་སོ།། དེ་རིང་ས་ཆ་འདི་ན་བྱ་ཁྱུང་དགོན་པའི་བླ་མ་དང་། དགེ་འདུན། གཞན་ལུང་བ་འདིའི་ཉེ་འཁོར་གྱི་དད་ལྡན་སྐྱ་སེར་ཕོ་མོ་མང་བོ་ཚོགས་ཡོད་པ་རེད། ཁྱེད་རྣམས་ལ་བདག་གིས་བཤད་རྒྱུར། ང་ཐོག་མར་བྱ་ཁྱུང་དགོན་པར་སྤྱི་ལོ་༡༩༨༡ལོར་ཡོང་དུས་དགོན་པ་ཚུགས་ཙམ་རེད། དེ་རིང་ངས་གོ་ཐོས་ཡིན་ན་དགོན་པ་ཉམས་གསོ་བྱས་ནས་ཅུང་ལེགས་འགྲུབ་བྱུང་ཡོད། ད་རུང་ཉམས་གསོ་བཅའ་རྒྱུ་ཡོད་པ་རེད། རྗེས་ནས་ཉམས་གསོ་བྱས་ཚར་ན་ཁོམ་པ་ཡོད་དུས་ཡོང་ངེས་ཡིན། ལོ་འདི་འགའི་ནང་དུ་བྱ་ཁྱུང་དགོན་པར་སྤྱི་ལོ་ལྔ་བརྒྱད་སྔོན་གྱི་གྲྭ་རྒན་བདུན་ཅུ་ལྷག་འདུས་པའི་སྟེང་ཏུ་གྲྭ་གཞོན་གསར་ཞུགས་སུམ་བརྒྱ་ལྷག་འདུས་ཡོད་པ་དེ་ནི་ཧ་ཅང་ཡག་པོ་འདུག འོན་ཀྱང་ཚང་མས་བསླབ་གསུམ་གྱི་ཉམས་ལེན་དང་། མདོ་སྔགས་ཀྱི་འཆད་ཉན། འགྲིག་ལམ་ཀུན་སྤྱོད་སོགས་མཉམ་པར་འཇོག་རྒྱུ་ཧ་ཅང་གལ་ཆེན་པོ་འདུག དེང་སང་དགོན་པ་དང་གྲྭ་བ་མཐའ་དག་ཇེ་མང་ནས་ཇེ་མང་དུ་འགྲོ་བཞིན་པ་འདི་རེད། ཚང་མ་དེ་བཞིན་རེད། འོན་ཀྱང་གྲྭ་བ་མཐའ་དག་རྣམ་པར་དག་པ་ཡིན་ན་གྲྭ་བ་མང་ན་ཡག་པོ་འདུག གྲྭ་བ་བྱས་ཀྱང་དམ་པའི་ཆོས་ཡག་པོ་མ་སྦྱངས། སྡོམ་ཁྲིམས་ཀྱང་ཡག་པོ་མ་བསྲུང་བར་བསྡད་ན་བསྟན་པ་ལ་གནོད་རྒྱུ་མ་གཏོགས་མེད་པས། འདིའི་སྐོར་ལ་དགོན་པ་སོ་སོའི་ལས་སྣ་ཚོས་ཀྱང་གྲྭ་བ་རྣམས་ལ་སློབ་གསོ་གཏོང་དགོས་ལ། གཏོང་ཀྱང་ངེས་པ་ཡོད་རྒྱུ་རེད། དགེ་རྒན་ཚོས་ཀྱང་རང་གི་དགེ་ཕྲུག་ལ་རིག་གནས་ཡག་པོ་སྦྱོངས་དང་། སློབ་གཉེར་ཡག་པོ་བྱོས་ཞེས་སློབ་གསོ་ནན་མོ་གནང་དགོས། གྲྭ་བ་གྲྭ་བ་དང་འདྲ་བ། བླ་མ་བླ་མ་དང་འདྲ་བ། དགོན་པ་དགོན་པ་དང་འདྲ་བ་དེ་འདྲ་མ་གཏོགས། དགོན་ངན་གྲོང་ངན། སྐྱབས་ངན་བསྲེ་བསླད་དེ་འདྲ་མི་ཡོང་བ་བྱོས། གྲོང་བ་ཚང་མ་ཡིན་ནའང་དེང་སང་ཏང་གི་སྲིད་ཇུས། ཆོས་ལྡན་རང་ལུགས་ཀྱི་སྲིད་ཇུས་ཚང་མ་ཡག་པོ་འདུག དཔལ་འབྱོར་སྲིད་ཇུས་ཡིན་ནའང་ཚང་མ་ཡང་མོ་བྱས་ནས་བསྡད་ཡོད་པ་འདི་རེད། ད་གཟོད་ཚང་མས་མཐུན་སྒྲིལ་ཡག་པོ་བྱས་ཏེ་རང་རང་ཕྱུག་པོ་ཡོང་རྒྱུར་འབད་འབུངས་བྱོས། དེ་མིན་ན་རང་རང་འདོད་པ་ལྟར་དུ་ཆོས་ཕྱོགས་ཀྱི་བྱ་བ་བཅའ་དགོས་པ་རང་རེད། དགེ་བའི་ཚོགས་གང་སྒྲུབ་ཀྱང་རང་རང་གི་འདོད་པ་ལྟར་བྱས་ཏེ་སྒྲུབ་ན་ཆོག་པ་རེད། དེ་ཡང་ང་ཚོའི་ས་ཆ་འདིར་ཆ་མཚོན་ན་རྒྱ་རིགས་དང་ཧེ་རིགས་ཚང་མ་འདྲེས་ཏེ་བསྡད་ཡོད་པ་རེད། ཁྱོད་ཚོ་ཚང་མས་ཀྱང་སངས་རྒྱས་ཀྱི་ཆོས་ལ་དད་པ་ཡག་པོ་བྱོས། བོད་རང་གི་ལ་རྒྱ་ཡག་པོ་ཟུངས། བོད་ཡིག་ཡག་པོ་སློབ། བོད་སྐད་དག་མོ་ཤོད། བོད་རང་གི་ཆ་ལུགས་ཀྱང་མ་འགྱུར་བ་དེ་འདྲ་རང་བྱོས། དེ་འདྲ་མ་བྱས་ཚེ་སྐུ་འབུམ་མཐའ་སྐོར་ན་ཡོད་པའི་རྒྱ་མིན་བོད་མིན་ཟེར་བ་མ་གཏོགས་གཞན་བོད་སྐད་ཀྱང་མི་ཤེས། བོད་ཀྱི་ཆ་ལུགས་ཀྱང་མེད་པ་དེ་འདྲའི་ཉེན་ཁར་ལྷུང་ཡོད། ཁྱོད་ཚོས་ཀྱང་མཉམ་འཇོག་དང་དོགས་ཟོན་ཡག་པོ་མ་བྱས་ཚེ་མྱུར་ཏུ་དེ་འདྲར་འགྱུར་ངེས་རེད། སྤྱིར་ང་ཚོ་བོད་རིགས་འདི་ལ་མི་གྲངས་ཉུང་ཞིང་། ཡོན་ཏན་ཀྱང་དེ་འདྲ་འཛོམས་པོ་མེད་པས་གང་ཕྱོགས་ནས་གྱོང་གུད་ཆེན་པོ་ཞིག་རེག་གི་ཡོད། འོན་ཀྱང་ཏང་གི་སྲིད་ཇུས་བཟང་བོས་མི་རིགས་རང་སྐྱོང་ལག་བསྟར་བྱས་པ་བརྒྱུད་དེ་མི་རིགས་སོ་སོས་རང་ཁྱིམ་རང་བདག་གི་བྱེད་ཕྱོགས་རྒྱུན་འཁྱོངས་བྱེད་དགོས་པ་རེད། ཡིན་ན་འང་། ཡོན་ཏན་མེད་ན་ཁེ་ལས་སོགས་བྱ་བ་གང་ཡང་སྒྲུབ་མི་ཐུབ་པས་ན། ཆུང་དུས་ནས་བྱིས་པ་ཚོར་ཡོན་ཏན་སྦྱང་དུ་ཆུགས། དེ་ཡང་དང་བོ་བོད་ཀྱི་སྐད་ཡིག་ཤེས་དགོས་པ་རེད། བོད་ཡིག་ཤེས་པའི་ཐོག་ནས་གཞན་གྱི་ཡིག་རིགས་སོགས་སྦྱངས་ནས་ཤེས་དགོས་པ་ཡིན། དེ་འདྲ་བྱས་ཚེ་མི་རིགས་འཕེལ་རྒྱས་དང་སྐད་ཡིག་སློབ་གསོ་གང་ཕྱོགས་ནས་ཡར་རྒྱས་འགྲོ་ངེས་རེད། དེ་ནི་སྐྱ་སེར་གང་ཡིན་ནའང་འདྲ་ཚང་མས་སེམས་ལ་དན་པོ་བཟུང་སྟེ་དགེ་སྡིག་གི་སྤང་བླང་དང་ལེགས་ཉེས་ཀྱི་བླང་དོར་རྣམས་ཚུལ་བཞིན་དུ་སྲུངས་ཞེས་པ་དེ་ཡིན། ད་ཚང་མ་བདེ་མོ་བྱོས་ཞེས་གསུངས་ཏེ་ཕེབས་སོ།།vGS智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网

རྩོམ་སྒྲིག་པ། : admin
 
    匿名评论
  • 评论
人参与,条评论