དང་པོ། བསླབ་གཞི་ངོ་སྤྲོད།
སློབ་ཚན་འདི་ནི་ལོ་དགུའི་འགན་བབས་སློབ་གསོའི་བསླབ་ཚན་གྱི་ཚད་གཞིའི་ཚོད་ལྟའི་སློབ་དེབ་སློབ་ཆུང་བོད་སྐད་ཡིག་ལོ་རིམ་བཞི་པའི་སྨད་ཆའི་ནང་གི་སློབ་ཚན་དང་པོ་ལྷ་སའི་གཙུག་ལག་ཁང་རྣམ་གཉིས་ཞེས་པ་དེ་ཡིན།
གཉིས་པ། སློབ་ཁྲིད་ཀྱི་དམིགས་ཚད།
༡ ༽ ཤེས་བྱ་དང་ནུས་རྩལ།
1、སློབ་ཚན་སྒྲ་དག་ཅིང་ཚིག་གི་གཅོད་མཚམས་མ་ནོར་བར་འབྱོང་ཀློག་ཐུབ་པའི་རྨང་གཞིའི་ཐོག་ཚིག་དོན་དང་བརྗོད་དོན་ལ་གོ་བ་རགས་ཙམ་ལོན་པ་དང་གཙུག་ལག་ཁང་རྣམ་གཉིས་ཀྱི་ལོ་རྒྱུས་དང་སྐབས་དེའི་རྒྱབ་ལྗོངས་རགས་ཙམ་ཤེས་ཐུབ་པ་དགོས།
2、སློབ་ཚན་ནང་གི་མིང་ཚིག་ཁག་འབྲི་ཀློག་དོན་གསུམ་དང་དག་ཆ་ཐོན་པོས་ངག་ཐོག་ནས་འབྲི་ཤེས་པ་དང་རྒྱུན་གཏན་འཚོ་བའི་ཁྲོད་བེད་སྤྱོད་ཐུབ་པ་དགོས།
3、རྒྱུན་གཏན་འཚོ་བའི་ཁྲོད་སློབ་ཕྲུག་དང་མི་རིགས་ཕན་ཚུན་དབར་མཐུན་སྒྲིལ་རོགས་རེས་དང་འཆམ་མཐུན་མཉམ་གནས་བྱེད་དགོས་པའི་བསམ་བློའི་སློབ་གསོ་གཏོང་རྒྱུ།
༢ ༽ བརྒྱུད་རིམ་དང་ཐབས་ལམ།
1、སྨྱན་མང་གི་བརྙན་ངོས་སུ་ལྷ་ས་གྲོང་ཁྱེར་དང་གཙུག་ལག་ཁང་གཉིས་ཀྱི་པར་རིས་བཏོན་ནས་དམར་ཁྲིད་ཀྱི་ཐབས་ལ་བརྟེན་ནས་བསླབ་ཚན་གྱི་ཁ་བྱང་དང་ནང་དོན་ལ་རྒྱུས་མངའ་རགས་ཙམ་ལོན་ཐུབ་པ་བྱ་རྒྱུ།
2、བསླབ་ཚན་ནང་གི་རྒྱུན་སྤྱོད་ཀྱི་ཞེ་ཚིག་ཁག་ནག་པང་གི་ཟུར་ངོས་སུ་བྲིས་རྗེས་སློབ་མར་དྲི་བ་འདོན་པའི་ཐབས་ལ་བརྟེན་ནས་སློབ་ཁྲིད་བྱ་རྒྱུ།
3、སྔོན་ལ་དགེ་རྒན་གྱིས་སྒྲ་དག་ཅིང་ཚིག་གི་གཅོད་མཚམས་གསལ་ལ་བརྩེ་སེམས་དང་ཉམས་འགྱུར་ལྡན་པའི་ངང་སློབ་ཚན་འགོ་ནས་མཇུག་བར་ཐེངས་གཅིག་ཀློག་འདོན་ཟིན་རྗེས་སློབ་ཕྲུག་རྣམས་ཐུན་མོང་ཐོག་སྐད་གསང་ཐོན་ཞིང་ཉམས་འགྱུར་ལྡན་ལ་ཚིག་གི་གཅོད་མཚམས་ཁ་གསལ་བའི་སྒོ་ནས་ཐེངས་གཅིག་ཀློག་འདོན་བྱེད་ཏུ་འཇུག་རྒྱུ།
4、ཐ་སྙད་གསར་པ་དག་གསལ་འགྲེལ་བྱེད་སྐབས་མིང་ཚིག་ཁག་དབྱེ་བ་ཕྲལ་ནས་ཚིག་འབྲུ་རེ་རེ་བཞིན་དགེ་སློབ་ཕན་ཚུན་བསམ་བློ་སྤེལ་རེས་ཀྱི་བྱ་འགུལ་རྨང་གཞིར་བཟུང་ནས་སློབ་མ་རྣམས་རང་འགུལ་གྱི་སྒོ་ནས་ལག་པ་བརྐྱང་དུ་བཅུག་ནས་ཚིག་གྲོགས་སྦྱོར་ཤེས་པ་བྱ་རྒྱུ་མ་ཟད་ངག་ཐོག་ནས་ཁ་སྐད་ཀྱི་ཐོག་ནས་བརྗོད་པའི་ཕྲེང་བ་བཟོ་རུ་འཇུག་རྒྱུ།
༣ ༽ ཚོར་འདུའི་ཉམས་འགྱུར་དང་རིན་ཐང་གི་འདུ་ཤེས།
རིན་ཐང་བྲལ་བའི་རིག་དངོས་ལས་རྒྱ་བོད་མི་རིགས་དང་ཁྱིམ་མཚེས་རྒྱལ་ཁབ་དབར་གྱི་ངལ་རྩོལ་མི་དམངས་ཀྱི་བློ་གྲོས་དང་ལག་རྩལ་དེ་བཞིན་མཛའ་མཐུན་མཉམ་ལས་ཀྱི་འབྲེལ་བ་བཅས་མཚོན་པར་བྱས་ཏེ་རྩ་ཆེའི་རིག་དངོས་ལ་སྲུང་སྐྱོབ་དང་མི་རིགས་མཐུན་སྒྲིལ་ལ་དགའ་བའི་བསམ་པ་སྐྱེད་སྲིང་ཐུབ་པ་བྱེད་དགོས།
གསུམ་པ། སློབ་ཁྲིད་ཀྱི་གཙོ་གནད་དང་དཀའ་གནད།
གཙུག་ལག་ཁང་རྣམ་གཉིས་ས་ཆ་གང་ཞིག་དུ་ཡོད་པ་དང་རྒྱལ་པོ་སུའི་སྐུ་དུས་སུ་བཙུན་མོ་སུས་བསྐྲུན་པ། དེའི་བཟོ་སྐྲུན་གྱི་རྒྱ་ཁྱོན་དང་། ཁྱད་ཆོས། གྲུབ་ཚུལ། ནང་གི་རྟེན་རྫས་བཅས་རགས་ཙམ་ངོས་འཛིན་ཡོང་བ་དང་གཙུག་ལག་ཁང་རྣམ་གཉིས་ནི་བོད་རིགས་མི་དམངས་ཀྱི་བློ་རིག་ལ་བརྟེན་ནས་བཞེངས་པ་ཞིག་ཡིན་པ་ཤེས་རྟོགས་ཐུབ་པ་བྱེད་དགོས།
བཞི་པ། སློབ་ཁྲིད་ཡོ་ཆས།
ར་ས་འཕྲུལ་སྣང་དང་རྒྱ་སྟག་ར་མོ་ཆེ་གཙུག་ལག་ཁང་གཉིས། ལྷ་ས་བཅས་ཀྱི་པར་རིས། སྨྱན་མང་།(ppt)
ལྔ་པ། སློབ་ཁྲིད་བྱ་ཐབས།
༡、དམར་ཁྲིད་ཐབས། ༢、བགྲོ་གླེང་ཐབས། ༣、བཤད་ཁྲིད་ཐབས། ༤、སྨྱན་མང་སློབ་ཁྲིད།(ppt)
དྲུག་པ། སློབ་ཁྲིད་ཀྱི་ཐུན་གྲངས།
ཚོགས་ཐེངས་གསུམ་གྱི་ཡུན་ཚད།
༡、ཚོགས་ཐེངས་དང་པོར་སློབ་ཚན་ཀློག་འདོན་དང་་གོ་དཀའི་མིང་ཚིག་ལ་འགྲེལ་པའི་སྐོར་གཙོ་བོར་འཛིན་རྒྱུ།
༢、ཚོགས་ཐེངས་གཉིས་པར་རང་གྲུབ་དུམ་མཚམས་དང་པོ་ནས་བཞི་པ་བར་གྱི་ནང་དོན་དབྱེ་ཞིབ་སྐོར་གཙོ་བོར་འཛིན་རྒྱུ།
༣、ཚོགས་ཐེངས་གསུམ་པར་རང་གྲུབ་དུམ་མཚམས་ལྔ་ནས་དྲུག་པ་བར་གྱི་ནང་དོན་དབྱེ་ཞིབ་དང་སློབ་ཚན་མཇུག་བསྡོམས་བྱ་རྒྱུ།
བདུན་པ། སློབ་ཁྲིད་ཀྱི་བརྒྱུད་རིམ་དངོས།
ཚོགས་ཐེངས་དང་པོ།
༡、གསར་འདྲེན།
༼ ༡ ༽ བརྙན་ངོས་སུ་གྲོང་ཁྱེར་ལྷ་ས་དང་ར་ས་འཕྲུལ་སྣང་གཙུག་ཁང་། རྒྱ་སྟག་ར་མོ་ཆེ་གཙུག་ལག་ཁང་བཅས་ཀྱི་པར་རིས་བཏོན་ཏེ་དྲི་བའི་ཐབས་ལ་བརྟེན་ནས་དགེ་སློབ་ཕན་ཚུན་བསམ་བློ་སྤེལ་རེས་ཀྱི་རྣམ་པའི་ཐོག་ནས་སློབ་མ་རྣམས་རང་འགུལ་གྱི་ལག་པ་བརྐྱང་བཅུག་ནས་པར་རིས་དེ་གསུམ་ངོས་འཛིན་བྱེད་དུ་བཅུག་ཟིན་རྗེས་༼ ལྷ་སའི་གཙུག་ལག་ཁང་རྣམ་གཉིས་ ༽ཞེས་པའི་སློབ་ཚན་གྱི་ཁ་བྱང་བརྙན་ངོས་སུ་འདྲེན་ནས་ཁ་བྱང་ལ་ཞིབ་འགྲེལ་བྱ་རྒྱུ།
༼ ༢ ༽ ར་ས་འཕྲུལ་སྣང་གཙུག་ལག་ཁང་དང་རྒྱ་སྟག་ར་མོ་ཆེའི་གཙུག་ལག་ཁང་དེ་གཉིས་ས་ཆ་གང་དུ་ཆགས་ཡོད་པ་དང་།དུས་ནམ་ཞིག་ལ་རྒྱལ་པོ་སུའི་སྐུ་དུས་སུ་བཙུན་མོ་སུས་བཞེངས་པ། གཙུག་ལག་ཁང་དེ་གཉིས་བཞེངས་དགོས་པའི་དམིགས་ཡུལ་གང་ཡིན་པ་བཅས་ངོ་སྤྲོད་མདོ་ཙམ་བྱ་རྒྱུ།
༢、གསར་ཁྲིད།
༼ ༡ ༽ སློབ་ཚན་ཀློག་འདོན་བྱ་རྒྱ།
༡、 སྔོན་ལ་དགེ་རྒན་གྱིས་སྒྲ་དག་ལ་ཚིག་གི་གཅོད་མཚམས་གསལ་བ། བརྩེ་སེམས་དང་ཉམས་འགྱུར་གྱི་ཕྱུག་པའི་ངང་སློབ་ཚན་འགོ་ནས་མཇུག་བར་ཐེངས་གཅིག་ཀློག་འདོན་བྱ་རྒྱུ། ཀློག་འདོན་བྱེད་པའི་བརྒྱུད་རིམ་ཁྲོད་སློབ་མ་རྣམས་ནོར་འཁྲུལ་ཤོར་སླ་བའི་ཚིག་གི་གཅོད་མཚམས་དང་གོ་དཀའི་ཐ་སྙད་ལ་རྟགས་རྒྱག་ཏུ་འཇུག་རྒྱུ།
༢、 དགེ་རྒན་གྱི་ཀློག་འདོན་ཟིན་རྗེས་སློབ་མ་རྣམས་ཐུན་མོང་ཐོག་སྐད་བསང་ཐོན་པོ་དང་བརྩེ་སེམས་ལྡན་པའི་ངང་ཐེངས་གཅིག་ཀློག་འདོན་བྱེད་དུ་འཇུག་རྒྱུ།
༼ ༢ ༽ མིང་ཚིག་དཀའ་འགྲེལ།
༡、 སློབ་ཚན་ནང་གི་གོ་དཀའི་མིང་ཚིག་རྣམས་བརྙན་ངོས་ཐོག་བཏོན་ནས་སློབ་མ་རྣམས་སྦྱོར་ཀློག་དང་སྡུད་ཀློག་ཟུང་དུ་འབྲེལ་ནས་ཐེངས་གཅིག་ཀློག་འདོན་བྱེད་དུ་འཇུག་རྒྱུ།
༢、 གོ་དཀའ་བའི་མིང་ཚིག་ཁག་འགྲེལ་བ་དང་དུས་མཚུངས་མིང་ཚིག་དེ་དག་དབྱེ་བ་ཕྲལ་ནས་ཚིག་འབྲུ་རེ་རེ་བཞིན་སློབ་མ་རྣམས་རང་འགུལ་གྱི་སྒོ་ནས་ལག་པ་བརྐྱང་བཅུག་སྟེ་ངག་ཐོག་ནས་ཚིག་གྲོགས་སྦྱོར་དུ་འཇུག་པ། དུས་མཚུངས་ཡི་གེའི་དག་ཆ་སྦྱོར་ཀློག་ཚུལ་གྱིས་ངག་ཐོག་ནས་ཤོད་དུ་འཇུག་རྒྱུ།
༣、 མིང་འགྲེལ་བྱེད་པའི་བརྒྱུད་རིམ་ཁྲོད་མིང་ཚིག་འགའ་ཤས་བཏོན་ནས་ཁ་སྐད་ཐོག་ནས་བརྗོད་པའི་ཕྲེང་བ་ཐུང་ངུ་རེ་བཟོ་རུ་འཇུག་རྒྱུ།
དམིགས་ཡུལ།
༡、 སློབ་མའི་ཀློག་འདོན་གྱི་ནུས་སྐྱེད་སྲིང་ཐུབ་པ་བྱ་རྒྱུ།
༢、 ཐ་སྙད་གསོག་འཇོག་བྱས་ཏེ་རྩོམ་ཡིག་འབྲི་སྦྱོང་གི་རྨང་གཞི་དང་ནུས་པ་གསོ་སྐྱོང་ཐུབ་པ་བྱ་རྒྱུ།
༣、 ཡང་དག་པའི་སྒོ་ནས་གསར་བྱུང་གི་ཐ་སྙད་རྣམས་དངོས་ཡོད་ཀྱི་འཚོ་བའི་ནང་བདེ་སྤྱོད་ཐུབ་པར་སྦྱོང་བརྡར་སྤྲོད་པའི་ནུས་པ་སྐྱེད་སྲིང་ཐུབ་པ་བྱ་རྒྱུ།
༼ ༣ ༽ སློབ་ཚན་གྱི་ནང་དོན་སྲ་བརྟན་དང་མཇུག་བསྡོམས།
མིང་ཚིག་ཁག་གི་ནང་ནས་རྒྱུན་སྤྱོད་ཀྱི་ཡི་གེ་ཁ་ཤས་ཟུར་དུ་བཏོན་ནས་ཚིག་གྲོགས་སྦྱོར་རྒྱུ་དང་མིང་ཚིག་དང་འཚམ་པའི་འགྲེལ་པ་ཐིག་སྦྲེལ་བྱ་རྒྱུའི་དྲི་གཞི་བཏོན་ནས་སློབ་ཁང་གི་སྦྱང་གཞི་བཀོད་སྒྲིག་བྱས་ཏེ་ཚོགས་ཐེངས་དེའི་ནང་ཁྲིད་ཟིན་པའི་ནང་དོན་སློབ་མས་ཅི་ཙམ་ཤེས་ཡོད་མེད་ལ་བརྟག་རྒྱུ།
༼ ༤ ༽ སྦྱང་གཞི་བཀོད་སྒྲིག།
༡、 བརྗོད་པ་བཟོ་རྒྱུ།
1、 ཐ་སྙད་གསོག་འཇོག་བྱས་ཏེ་རྩོམ་ཡིག་འབྲི་སྦྱོང་གི་རྨང་གཞི་དང་ནུས་པ་གསོ་སྐྱོང་ཐུབ་པ་བྱ་རྒྱུ།
2、 ཡང་དག་པའི་སྒོ་ནས་གསར་བྱུང་གི་ཐ་སྙད་རྣམས་དངོས་ཡོད་ཀྱི་འཚོ་བའི་ནང་བདེ་སྤྱོད་ཐུབ་པར་སྦྱོང་བརྡར་སྤྲོད་པའི་ནུས་པ་སྐྱེད་སྲིང་ཐུབ་པ་བྱ་རྒྱུ།
༢、 སློབ་མ་རྣམ་པས་ཁྱིམ་བདག་གི་མདུན་དུ་སློབ་ཚན་ཧྲིལ་པོ་ཐེངས་གཉིས་ཀློག་འདོན་བྱས་ནས་ཁྱིམ་བདག་གི་མིང་རྟགས་བཀོད་རྒྱུ།
1、 ཀློག་འདོན་གྱི་ནུས་པ་གསོ་སྐྱོང་བྱ་རྒྱུ།༼ བོད་སྐད་ཡིག་ནི་སྦྱོར་ཀློག་གི་རང་བཞིན་དང་ལྡན་པས་སོ། ༽
2、 དགེ་རྒན་དང་ཁྱིམ་བདག། སློབ་མ་བཅས་གསུམ་ཐུན་མོང་ཐོག་སློབ་མའི་བྱང་ཚད་གོང་མཐོར་གཏོང་བ་ལ་ལྟ་སྐུལ་བྱ་རྒྱུ།
བརྒྱད་པ། ནག་པང་འཆར་འགོད།
1、 ནག་པང་གི་གཡོན་ཕྱོགས་སུ་སློབ་ཚན་གྱི་གཙོ་གནད་དང་དཀའ་གནད་ཀྱི་ནང་དོན་ཟུར་དུ་བཏོན་ཏེ་སློབ་མས་ལྟ་བདེ་བ་དང་བློ་ལ་བཟུང་བདེ་བའི་ཆེད་དུ་ཡིན།
2、 ནག་པང་གི་གཡས་ཕྱོགས་སུ་སློབ་ཚན་ནང་འཕྲད་པའི་རྒྱུན་སྤྱོད་ཀྱི་དོན་འདྲ་བ་དང་ཞེ་ཚིག་ཁག་ཟུར་དུ་བཏོན་ནས་དག་ཆ་ལ་རྒྱུས་མངའ་དང་སློབ་མའི་ངོས་སུ་རྒྱུན་འབྱམས་ཡོང་བའི་ཆེད་དུ་ཡིན།
