༄༅།།ཀུན་གཟིགས་པཎ་ཆེན་རིན་པོ་ཆེའི་དཔའ་སྤོབས་དང་སྙིང་སྟོབས་རྗེས་སུ་དྲན་པ།
དབྱངས་གསལ་སློབ་ཁྲིད་ཐོན་ཁུངས་དྲ་བ །

༄༅།།ཀུན་གཟིགས་པཎ་ཆེན་རིན་པོ་ཆེའི་དཔའ་སྤོབས་དང་སྙིང་སྟོབས་རྗེས་སུ་དྲན་པ།

ཡོང་ཁུངས། : བོད་ཀྱི་སློབ་འབྲིང་དྲ་བ།   རྩོམ་པ་པོ། : མེ་སོན།  ཀློག་གྲངས །: སྤེལ་དུས། : 2015-04-18
ཡིག་གཟུགས། :ཆུང་། འབྲིང་། ཆེ།

0 (2).jpgXms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网

འཕེལ་རྒྱས་ཀྱི་མདུན་ལམ་ཉག་ཕྲ་བའི་སྐྱ་ཆད་སྔོ་སྡུག་གི་དུས་སྐབས་འདིར་ང་ཚོར་ཅིའི་ཀྱང་མཁོ་བ་ནི་སྙིང་སྟོབས་ཀྱི་རྒྱགས་ཕྱེ་དེ་ཡིན་ལ། སྙིང་སྟོབས་ཀྱི་གོ་ཆ་ཐོགས་མི་ནུས་པའི་མི་རབས་དང་མི་རིགས་ནི་རླུང་ཁྲོད་ཀྱི་མར་མེ་བཞིན་འཇིགས་སྐྲག་དངངས་གསུམ་གྱིས་འཚོ་བས་ལས། སེམས་ཀྱི་བསྙེག་བྱ་དང་ཡིད་ཀྱི་འདུན་མ་དེ་མངོན་དུ་འགྱུར་བར་འདོད་པ་ནི་སྡོང་རྩ་ནས་རི་བོང་ལ་སྒུག་པ་ལས་མ་འདས་པའོ།། དེ་བས། ཁོ་བོས་དམག་རྟའི་རྨིག་སྒྲ་ཡིས་ཡ་གླིང་གི་བྲང་ཁོག་ཡང་ཡང་རྡུང་མྱངས་པའི་སྤུར་རྒྱལ་བཙན་པོའི་ཞུམ་པའི་པུས་མོ་ས་ལ་མ་ བཙུགས་ཤིང་སྙིང་སྟོབས་ཀྱི་གོ་ཆ་ལུས་ལ་ཐོགས་ནས་དཔའ་དར་རིང་མོ་ཞིག་རི་གསུམ་རྩེ་ལ་འཐེན་པའི་པཎ་ཆེན་སྐུ་ཕྲེང་བཅུ་བ་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་མཆོག་གི་རླབས་ཆེ་བའི་འཕྲིན་ལས་དང་སྦྲེལ་ནས་ཁོང་གི་སྙིང་སྟོབས་ཕྱུར་བུར་གཏམས་པའི་མཛད་པ་ཆུ་བོའི་གཏེར་ལས་རང་བློའི་སྐྱོགས་ཀྱིས་ཟིན་ཚད་ཟེགས་མའི་ཁྱོན་ཙམ་གླེང་བར་བྱའོ།།Xms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网

༡ ཁོང་གི་ཕེབས་བཞུགས་ཁོང་གི་སྙིང་སྟོབས་རེད། Xms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
ངེས་པ་དོན་གྱི་རྒྱལ་གཅེས་པ་ཆེན་མོ། ནང་བའི་ཆོས་ཀྱི་བླ་ཆེན་ཀྱི་མཚན་འཛིན་པ་པཎ་ཆེན་སྐུ་ཕྲེང་བཅུ་བ་བླ་ན་མེད་པ་མཆོག་གི་སྐུ་ཚེ་ཧྲིལ་བོའི་འོད་དུ་འཚེར་བའི་བྱ་བཞག་གི་ཁྲོད་དུ་༡༩༨༠ལོར་ཁོང་ཉིད་ཡང་བསྐྱར་རྒྱལ་ཡོངས་དམངས་ཆེན་ཨུ་ཡོན་ཀྲང་གཞོན་པའི་འགན་བཞེས་པ་ནས་བཟུང་། གྲངས་ཉུང་མི་རིགས་ཀྱི་ས་ཁུལ་སོ་སོ་དང་ལྷག་པར་དུ་ཆེས་གཞི་རིམ་གྱི་ས་ཁུལ་སོ་སོར་ཕེབས་བཞུག་གནང་ཞིང་། མི་དམངས་ཀྱི་དངོས་ཡོད་འཚོ་བའི་གནས་ཚུལ་ལ་སྤྱན་འབེབས་གནང་བ་ནི་ཅི་འདྲའི་མི་དམངས་ཀྱི་ལས་བྱེད་པ་དག་མ་ཞིག་གི་ལག་ལེན་ལ་ཞུགས་ཕོད་པའི་སྙིང་སྟོབས་དང་། བོད་ཀྱི་བླ་ཆེན་ཞིག་གིས་སྐུ་ཚེགས་ལ་མ་འཛེམ་པར་སྐྱ་སེར་མང་ཚོགས་ཀྱི་འཇལ་འདོད་ཀྱི་སྐོམ་པ་དང་དབང་ལུང་གི་གདུང་བ་ སེལ་བའི་བྱམས་སེམས་ཀྱི་འོད་སྣང་ཅིག ཁོང་མདོ་དབུས་གཙང་གསུམ་གྱི་ས་ཆ་སོ་སོའི་ཆེས་སྤྱིར་བཏང་གི་རོང་འབྲོག་འཚོ་བའི་ཁྲོད་ལ་ཟབ་ཞུགས་བྱས་ནས་མི་དམངས་ཀྱི་སྲིད་འབྱོར་རིག་གསུམ་འཕེལ་རྒྱས་ཀྱི་ཆེད་དུ་རང་གི་སྐྱིད་སྡུག་གང་ལའང་ཐུགས་གཞིགས་མ་གནང་བའི་སྙིང་སྟོབས་དེར། དེང་གི་དཔོན་གནས་ཀྱི་ཐོབ་རེག་པ་དང་བླ་ཆེན་གྱི་མཚན་འཛིན་པ་སུ་ཞིག་གིས་འགྲན་ནུས། ད་དུང་རིན་པོ་ཆེ་ཁོང་སྲོལ་རྒྱུན་གྱི་མི་ལེགས་པའི་གྲལ་རིམ་བཀག་རྒྱ་ལས་རིང་དུ་བརྒལ་ནས་བོད་ཀྱི་མི་སེར་དཀྱུས་མའི་ཁྱིམ་ཚང་སྟེ་མགར་བ་དང་ཡུགས་མོ་ཁེར་འདུག་སོགས་ཀྱི་ཁྱིམ་ཚང་ལ་ཕེབས་ནས་འདྲ་མཉམ་གྱི་ལྟ་ཚུལ་ལ་ལག་ལེན་དངོས་ཀྱི་ཁྲོད་ནས་འབད་པ་ནི་ཅི་འདྲའི་དཔག་པར་དཀའ་བའི་དམ་པ་ཞིག་གི་སྙིང་སྟོབས་རེད་ཨང་། དོན་དངོས་སུ་ཁོང་གི་འགྲོགས་བདེ་གཤིབ་བདེ་ཡི་མཛད་པ་དེས་བདེ་སྐྱིད་ཀྱི་འཚོ་བ་གསར་བའི་ཉིན་བྱེད་ཀྱི་འོད་སྣང་རུམ་གང་ཁྱེར་ནས་འབའ་འབུར་སྒང་ཤོང་དང་། རི་ལུང་ཐང་གསུམ་ལ་ལྗིད་ཏིག་ཏིག་གི་གོམ་པ་རེ་རེ་སྤོས་ནས་མང་ཚོགས་ཀྱི་དཀའ་སྡུག་གི་འཚོ་བར་བསྒྱུར་བཅོས་དང་ཁེ་དབང་སླར་གསོ། མི་རིགས་སྲིད་ཇུས་ཀྱི་ས་བོན་དངོས་སུ་གཏོར་བའི་ཆེད་དུ་གནང་བའི་ཕེབས་བཞུགས་ཡིན་ལ། མི་དམངས་དཀའ་སྡུག་གི་འཚོ་བ་ལས་སྐྱོབ་པའི་འདུན་པ་དེ་ལག་ལེན་དངོས་ནས་མགོ་བརྩམས་པའི་དམ་པ་ཞིག་གི་སྙིང་སྟོབས་ཨང་། འདི་ལྟར་ལོ་ངོ་ཉེར་ལྔའི་སྔོན་གྱི་ཀྲུང་དབྱང་གི་མཐོ་རིམ་ལས་བྱེད་པ་ཞིག་དང་ནང་བའི་བླ་ཆེན་དམ་པ་ཞིག་གིས་གཞི་རིམ་མང་ཚོགས་ནང་ཟབ་ཞུགས་བྱས་པའི་ལོ་རྒྱུས་དེར་ཕྱིར་མིག་གཡར་དུས། ཕྱིའི་རྐུན་མར་མི་རྨུགས་པར་ནང་གི་ཁྱིམ་བདག་ལ་རྨུགས་པའི་ཨ་གསར་ཨོང་ལྡག་བྱེད་མཁན་གྱི་རྩོམ་པ་པོའི་མིང་འཛིན་མཁན་དེ་ཚོ་དང་ཁ་ནས་མང་ཚོགས་བཤད་ཀྱང་སེམས་ཀྱིས་མང་ཚོགས་བོར་པའི་བོད་ཀྱི་དཔོན་ཐོབ་རེག་པ་དེ་ཚོ། རྙིང་བ་ཐམས་ཅད་ལྷ་རུ་སྒོམ་ཞིང་གསར་བ་ཐམས་ཅད་བདུད་རུ་རློམ་པའི་སྲོལ་རྒྱུན་གྱི་རལ་གྲི་ལ་དེང་རབས་ཀྱི་རྣོ་ཆུ་ལྡུག་མི་ཐུབ་པའི་ཨུ་ཚུགས་ཅན་དེ། མདོར་ན་རང་ཁོ་ནའི་མིང་གྲགས་དང་ཁེ་ཕན་གྱི་ཆེད་དུ་མགོ་སྒུར་སྒུར་དང་གཉའ་ཞུམ་ཞུམ་བྱེད་པའི་གཟིགས་པགས་གྱོན་པའི་བོང་བུ་དེ་ཚོས་ང་ཚོར་སྣ་ནས་ཁྲིད་བྱེད་སྣ་ཐག་དང་། གཞུག་ནས་འདེད་བྱེད་ལྕག་ཚན་བྱས་དུས་འཇིགས་ཡེར་བའི་མུན་ནག་གི་སྤྱི་ཚོགས་ནས་འོད་ཀྱི་སྣང་བ་ཕྱོགས་བཅུར་གཏོར་བའི་པན་ཆེན་དུང་གི་ཟླ་བ་ཁོང་གིས་མི་རིགས་ལ་བཅངས་བའི་བརྩེ་སེམས་དང་། ནམ་ཡང་ཉམས་མ་མྱོང་བའི་སྤོབས་པ་རི་རབ་ཀྱི་གཏོས་དང་རྒྱ་མཚོའི་གཏིང་གིས་མི་ཆོད་ལ་རླབས་ཆེ་བའི་བྱ་བཞག་དང་འགྲོགས་བདེ་གཤིབ་བདེ་ཡི་བླ་མེད་ཀྱི་མཛད་སྤྱོད་དེ་ཟས་རྩམ་པ་ཚར་དུས་ཨ་མ་དྲན་པའི་དཔེ་བཞིན་ང་ཚོའི་སེམས་ཀྱི་དྲན་གཞི་ཞིག་ཅི་ལ་མིན། Xms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
༢ ཁོང་གི་བཀའ་སློབ་ཁོང་གི་སྙིང་སྟོབས་རེད། Xms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
སྤྱིར་མི་སུ་དང་སུ་ཞིག་ཡིན་རུང་ཁོའི་བསམ་བློ་ནི་དེའི་འགྲོ་འདུག་སྤྱོད་གསུམ་དང་གཏམ་བཤད། བརྩམས་ཆོས་སོགས་ཀྱི་སྟེང་ནས་མངོན་གྱི་ཡོད་པ་དང་བསམ་བློ་ཡང་དག་ཅིག་ཡོད་མེད་ནི་བདེན་དོན་རྩོད་ཐུབ་མིན་གྱི་སྙིང་སྟོབས་དེར་རགས་ ལས་པ་རེད། དེ་བས། པཎ་ཆེན་རིན་པོ་ཆེ་ཁོང་གི་སྙིང་སྟོབས་ཀྱིས་གཏམས་པའི་བསམ་བློ་ནི་ཁོང་གི་བཀའ་སློབ་ལས་མཚོན་ཡོད་འདུག ཁོང་གི་ཞལ་ནས། ངས་ལས་ལ་བརྩོན་ཞིང་དཔའ་ངར་ལྡན་པའི་བོད་མི་རིགས་ཀྱི་བུ་རབས་ཚ་རྒྱུད་རྣམས་ཀྱི་མཚན་ཉིད་ལ་གནོད་པའི་ཤུལ་རྗེས་ཕྲ་མོ་ཙམ་ཡང་ངའི་མི་ཚེའི་ནང་མི་འཇོག་པའི་དམ་བཅས་ཡོད་ཅེས་དང་། བོད་མི་རིགས་ཀྱི་རྗེས་ལུས་ཀྱི་རྣམ་པ་སེལ་མ་ཐུབ་ན་ང་ཤི་ཡང་མིག་མི་བཙུམ་ཞེས་རང་ཉིད་ནས་མགོ་རྩོམ་པའི་འགྱུར་མེད་ཀྱི་ དམ་བཅའ་བརྟན་པོ་ཞིག་རང་སེམས་སུ་རྡོ་རིང་བཞིན་བཙུགས་ནས་བོད་ཀྱི་ས་གནས་གང་ལ་ཕེབས་ན་དེ་ནས་སྲོལ་རྒྱུན་རིག་གནས་ཀྱི་ཉིང་བཅུད་རྒྱུན་འཛིན་བྱེད་དགོས་པ་དང་དེང་རབས་ཀྱི་ཚན་རིག་ལག་རྩལ་སློབ་སྦྱོང་བྱེད་དགོས་ཚུལ། མི་རིགས་དར་རྒུད་ཀྱི་གཟུང་ཐག་ལྟ་བུའི་སྐད་དང་ཡི་གེ་བཀོལ་སྤྱོད་བྱེད་དགོས་ཚུལ། བོད་ཀྱི་ལས་བྱེད་པས་བོད་མི་དམངས་ཀྱི་ཁྱད་ཆོས་དང་བརྩེ་འདང་སྲུང་འཛིན་བྱས་ནས་རང་མི་རིགས་ཀྱི་ཁེ་ཕན་མཚོན་དགོས་ཚུལ། ད་དུང་རྩ་ཁྲིམས་དང་བཅའ་ཁྲིམས་ཀྱིས་གཏན་ལ་ཕབ་པའི་མི་རིགས་སྲིད་ཇུས་དེ་དངོས་སུ་བརྩོན་ལེན་བྱེད་ དགོས་ཚུལ་དང་མི་རིགས་ཆུང་ཁག་ཚོ་ཆབ་སྲིད་ཀྱི་ཐོག་ནས་ཡར་ལངས་ཐུབ་དགོས་པ་མ་ཟད། དཔལ་འབྱོར་དང་རིག་གནས་ཀྱི་ཐོག་ནས་ཡར་ལངས་ཐུབ་དགོས་ཞེས་སྲིད་འབྱོར་རིག་གསུམ་གང་གི་ཐད་ནས་གཏིང་ཟབ་སར་ལག་བསྙབས་དང་རྒྱང་རིང་སར་མིག་ཞགས་ཞེས་པའི་དཔེ་བཞིན་མི་རིགས་དང་མི་དམངས་ཀྱི་བདེ་ སྡུག་གི་ཆེད་དུ་གོང་འོག་བར་གསུམ་གྱི་བཀག་རྒྱ་གང་ལའང་འཇིགས་པ་མེད་པར་མི་ལེགས་པའི་ཆར་རྣག་ཐོག་ལ་ཙག་འབིགས་ལྟར་ཁེ་དབང་བརྩོན་ལེན་བྱེད་དགོས་པའི་བཀའ་སློབ་གནང་བ་ནི་ཅི་འདྲའི་སྙིང་སྟོབས་ཀྱི་ཕྱུག་པའི་སྐྱེས་ཆེན་དམ་པ་ ཞིག་གི་འཕྲིན་ལས་ཨང་། རྒྱུ་མཚན་པན་ཆེན་རིན་པོ་ཆེའི་མི་རིགས་དང་མི་དམངས་ཀྱི་དཀའ་སྡུག་གི་མདུན་ན་འདྲ་མཉམ་དང་ཁེ་དབང་རྩོད་པའི་བཀའ་སློབ་ནི་ནམ་ཡང་འགྲེང་ཡོད་ལ། ཁོང་གི་བཀའ་སློབ་ནི་མི་དམངས་ཀྱི་སྡུག་ཡུས་མཚོན་པའི་ན་ཟུག་གི་འཁུན་སྒྲ་ཞིག་ཅི་ལ་མིན། ཡང་ཅིག་བཤད་ན་ཀུན་གཟིགས་པཎ་ཆེན་སྣང་བ་མཐའ་ཡས་མཆོག་གིས་བོད་མི་རིགས་ཀྱི་སྲིད་འབྱོར་རིག་གསུམ་འཕེལ་རྒྱས་དང་ འགྲོ་འདུག་སྤྱོད་གསུམ་གྱི་ཆེད་དུ་རང་གི་བདེ་སྡུག་གང་ལའང་མ་འཛེམ་པར་ལེགས་བཤད་མུན་སེལ་དུང་གི་ཟླ་བ་ལྟ་བུ་གསུངས་འདུག་པ་འདི་ནི་སྐབས་དེའི་གོང་འོག་བར་གསུམ་གྱི་བཙིར་གནོན་གང་ལའང་མ་སྐྲག་པའི་སྙིང་སྟོབས་དང་འདས་མ་ད་གསུམ་གྱི་བོད་ཀྱི་བདེ་སྡུག་ལ་ཕུལ་བའི་བཀའ་སློབ་ཅིག་ལགས་སོ།། མདོར་ན་པན་ཆེན་རིན་པོ་ཆེས་སྐུ་ཚེ་ཧྲིལ་བོར་བོད་མི་རིགས་ཀྱི་དོན་དུ་ཤ་ཐང་རུས་ཐང་གིས་འབད་པའི་སྙིང་སྟོབས་ནི་འགྱུར་མེད་གསེར་གྱི་ཕ་བོང་ཞིག་ཡིན་ལ། ཡར་ལངས་ས་དང་སར་བསྡད་ས་གང་ནས་ཀྱང་མི་རིགས་དང་མི་དམངས་ཀྱི་དོན་ལ་ཐུགས་གཞིགས་དང་འཕྲིན་ལས་སྤེལ་བ་ནི་དེང་གི་གནད་འགག་གི་སྐབས་སུ་དགུན་གྱི་འཕྱི་བ་ནང་བཞིན་གྲགས་མེད་འགུལ་མེད་དུ་གནས་བའི་མཐོན་པོའི་ཁྲི་ན་འགྱིང་བའི་དཔོན་པོའི་ཐོབ་རེག་པ་ཚོ་དང་མདུང་ཁ་ནང་ལ་གཏོད་པར་སྨྲ་ལྕེ་ལ་རང་དབང་འབར་བའི་སྨྱུག་ཐོགས་པ་ཚོ། མི་དམངས་ཀྱི་མིག་གི་བལྟ་ས་དང་སེམས་ཀྱི་དད་སའི་མཁས་མིང་འཛིན་པ་བ་དེ་ཚོ་དང་མི་འདྲ་བར་ཟ་སར་འཕྲུག་མཁན་དང་ན་སར་རེག་མཁན་ཞེས་པའི་དཔེ་བཞིན་དགོས་པའི་ཉིན་ལ་ཐོན་པ་དང་ཐོན་པའི་ཉིན་ལ་ སྐྱོབ་མཁས་པའི་ཁོང་གི་བཀའ་སློབ་ནི་བོད་མི་རིགས་ཀྱི་སྐྱིད་སྡུག་དང་འབྲེལ་ཡོད་ལ། ཁོང་གི་བཀའ་སློབ་ནི་ཁོང་གི་སྙིང་སྟོབས་ཡིན་འདུག་ཨང་། Xms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
༣ ཡིག་འབྲུ་ཁྲི་བདུན་མའི་སྙན་ཞུ་ནི་ཁོང་གི་སྙིང་སྟོབས་རེད། Xms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
དེ་ཡང་།ལ་རིང་ཐུང་གཉི་ཀ་མ་བརྒྱུད་ན་རྟ་མདོ་བའི་བཟང་ངན་མི་ཤེས་ཀི་ཞེས་པའི་དཔེ་ལྟར་དམ་པ་ཁོང་ནི་ཀྲུང་དབྱང་རིམ་པའི་འགོ་ཁྲིད་བྱས་མྱོང་ལ། ཞྭ་མོ་སུམ་བརྩེགས་ཅན་གྱི་བཙོན་མའང་བྱས་མྱོང་། ཡིན་ཡང་། ཁོང་གི་སྙིང་སྟོབས་ནི་སྔར་བཞིན་ཉམས་མ་མྱངས། ཁོང་གི་སྙིང་སྟོབས་དེ་༡༩༨༢ལོར་ཙུང་ལི་ཀྲུའུ་ཨིན་ལེ་ལ་ཕུལ་བའི་ཡིག་འབྲུ་ཁྲི་བདུན་མའི་ཚིག་འབྲུ་རེ་རེ་ན་ཐོ་རེངས་ཀྱི་སྐར་ཆེན་བཞིན་འོད་དུ་འཚེར་ཡོད་ཀི ཡིག་འབྲུ་ཁྲི་བདུན་མས་རང་གི་ཐུབ་ཚོད་ཀྱིས་བོད་མི་རིགས་ཀྱི་ལས་དབང་དང་འབྲེལ་བའི་མང་གཙོ་བཅོས་སྒྱུར་གྱི་སྐོར་དང་། ངོ་ལོག་ཟིང་འཁྲུགས་ཞོད་འཇགས་གཏོང་ཐབས་ཀྱི་སྐོར། ཞིང་འབྲོག་ཐོན་སྐྱེད་དང་མི་དམངས་ཀྱི་འཚོ་བའི་སྐོར། འཐབ་ཕྱོགས་གཅིག་གྱུར་གྱི་སྐོར། དམངས་གཙོ་གཅིག་སྡུད་ཀྱི་སྐོར། སྲིད་དབང་སྒེར་འཛིན་གྱི་སྐོར། ཆོས་ལུགས་དད་མོས་ཀྱི་སྐོར། མི་རིགས་སྲིད་ཇུས་ཀྱི་སྐོར་སོགས་ཕྱོགས་གང་ཅིའི་ཐད་ནས་བརྩོན་ལེན་བྱས་ཡོད་ཀི འདི་ནི་སྐབས་དེའི་སྤྱི་ཚོགས་ནང་འཁྲུངས་ཤིང་ཅི་འདྲའི་སྙིང་སྟོབས་ཀྱི་ཕྱུག་པའི་དཔའ་བོ་ཁེར་སྐྱེས་ཤིག་ཨང་། རྒྱུ་མཚན་ང་ཚོས་ལོ་རྒྱུས་ལ་ཕྱིར་མིག་ཅིག་བལྟས་ན་༡༩༥༨ནས༡༩༧༨བར་ནི་བསམ་ན་ཡ་ཁོག་གྲང་བས་མནར་ཞིང་བཤད་ན་རྒྱུད་པ་ཞུམ་ཞུམ་འདར་ཡོང་བའི་ལོ་རྒྱུས་ཀྱི་བསུབ་ཏུ་མེད་པའི་རྨ་ཁ་ཞིག་སྟེ་མི་བཞི་ཕྱོགས་ཁག་སོགས་ཀྱི་གཡོ་ཇུས་དང་། ལོག་སྤྱོད་འོག་ཆོས་སྲིད་གང་གི་ཆ་ནས་ཉམས་ཐག་དང་ཡིད་སྐྱོ་བའི་གནས་སུ་ལྷུང་བའི་དོན་དེ་སུ་ལ་གསལ་ཁ་མི་མཆིས་ལགས། འོན་ཀྱང་ཡིག་འབྲུ་ཁྲི་བདུན་མ་འདི་ལྟ་བུའི་སྤྱི་ཚོགས་ནང་ཁེར་ཚུགས་ཀྱིས་སྐྱེས་ཤིང་མིས་མི་ཤ་ཟ་བ་དང་མིས་མི་ཁྲག་འཐུང་བའི་སྐབས་དེར་བདེན་དོན་གྱི་དར་ཆ་ཕྱར་ནས་ཐོན་ཡོང་། མདོར་ན་ཀུན་གཟིགས་པན་ཆེན་རིན་པོ་ཆེའི་ཡིག་འབྲུ་ཁྲི་བདུན་མའི་སྙན་ཞུ་ནི་དྲན་པའི་གསོས་དང་སྐོམ་པའི་ཆུ་བཞིན་སྐབས་དེར་གང་ནས་ཐེད་ན་དེ་ནས་ལྷན་པོ་བྱས་པའི་སྙིང་སྟོབས་ཀྱིས་གཏམས་པའི་སྙན་ཞུ་ཞིག་ཨང་། Xms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网
མཇུག་གི་གཏམ། ཀུན་གཟིགས་པན་ཆེན་སྐུ་ཕྲེང་བཅུ་བ་བློ་བཟང་ལྷུན་གྲུབ་ཆོས་ཀྱི་རྒྱལ་མཚན་མཆོག་གི་སྐུ་ཚེ་ཧྲིལ་བོའི་ནང་མི་དམངས་ཀྱི་དོན་དུ་སྐུ་དྲིན་ཉིན་བྱེད་འོད་སྣང་ཕྱོགས་བཅུར་གཏོར་བ་ནི་ གོང་གི་དེ་ཙམ་གྱིས་མཚོན་ནུས་པ་ཞིག་ག་ལ་ཡིན་ཏེ་མ་ཡིན་མོད། འོན་ཀྱང་དམ་པ་ཁོང་ཉིད་ཀྱི་སྐུ་དྲིན་རྗེས་སུ་དྲན་པ་དང་དུས་རབས་འདིའི་ང་ཚོར་ཅིའི་ཀྱང་མཁོ་བ་ནི་ཁོང་གི་མི་དམངས་དང་བདེན་དོན་གྱི་རྒྱབ་རྩ་ན་ནམ་ཡང་ཉམས་པ་མེད་པའི་སྙིང་སྟོབས་དེ་ལྟ་བུ་ཡིན་པས་སོ།།Xms智之阳网络 康巴教学资源网 དབྱངས་གསལ་སློབ་ཁྲིད་ཐོན་ཁུངས་དྲ་བ 央赛教学资源网

རྩོམ་སྒྲིག་པ། : admin
མཉམ་སྤྱོད །     
    匿名评论
  • 评论
人参与,条评论