དེང་གཞས།ཕྱི་ལོག་པ །
ཁ་བཏགས་དཀར་པོ།
གཞས་ཚིག །
༄༅།ཁ་བཏགས་དཀར་པོ།
《洁白的哈达》
ཚིག ཆབ་འགག་རྡོ་རྗེ་ཚེ་རིང་།
དབྱངས། གསང་བདག
ལེན་མཁན། ཤེར་བསྟན།
འབྲེག་ཡ་འབྲེག་ཡ་གཡང་དཀར་ལུག་བལ་འབྲེག།
སྟག་ཤར་ཁ་ལས་ཅན་གྱིས་བཟུང་ན་ཡག།
བལ་ཐིག་ལྷ་མ་ལྷོད་ཀྱིས་བཀྱིགས་ན་ཡག།
ཁེ་གྲི་ར་མ་རིང་གིས་བྲེགས་ན་ཡག།
དེ་རིང་དགའ་བ་དེ་རིང་སྐྱིད་པ་ལ།།
གཡང་དཀར་བལ་དོས་སྤྲིན་དཀར་གཡོ་འདྲ་ཡིན།།
དེ་རིང་སྐྱིད་པ་དེ་རིང་དགའ་བ་ལ།།
སྟག་ཤར་གཞོན་ནུ་རྣམས་ཀྱི་དགོད་སྒྲ་ཡག།
འཁེལ་ཡ་འཁེལ་ཡ་བལ་དཀར་སྐུད་པ་འཁེལ།།
སྨན་ཤར་ཤེས་རྒྱ་ཅན་གྱིས་འཁེལ་ན་ཡག།
གསོམ་དཀར་ཕང་ཤིང་སྐེད་ལ་དཀྲི་ན་ཡག།
གཡུ་རྡོ་ཕང་ལོ་ཞབས་ནས་འཁོར་ན་ཡག།
དེ་རིང་དགའ་བ་དེ་རིང་སྐྱིད་པ་ལ།།
སྐུད་པའི་གྲུ་གུ་བ་སོ་སྤུངས་འདྲ་ཡིན།།
དེ་རིང་སྐྱིད་པ་དེ་རིང་དགའ་བ་ལ།།
སྨན་ཆུང་བུ་མོ་རྣམས་ཀྱི་འཛུམ་མདངས་ཡག།
འཐག་ཡ་འཐག་ཡ་ཁ་བཏགས་དཀར་པོ་འཐག།
ཨ་ནེ་དུང་རལ་ཅན་གྱི་ཐགས་སྐུད་ཡག།
དངུལ་གྱི་གཞུང་སྐུད་སྲིད་ལ་དྲངས་ན་ཡག།
དུང་གི་ཁྲེད་སྐུད་བར་ནས་རྒྱུག་ན་ཡག།
དེ་རིང་དགའ་བ་དེ་རིང་སྐྱིད་པ་ལ།།
ཁ་བཏགས་དཀར་པོ་བཀྲ་ཤིས་རྟགས་བརྒྱད་ཅན།།
དེ་རིང་སྐྱིད་པ་དེ་རིང་དགའ་བ་ལ།།
ཨ་ནེ་དུང་རལ་ཅན་གྱི་བྱམས་བརྩེ་ཡག།
འབུལ་ཡ་འབུལ་ཡ་ཁ་དག་དཀར་པོ་འབུལ།།
ཨ་ཁུ་སྨ་ར་ཅན་གྱིས་བཟུང་ན་ཡག།
མགྲོན་པོ་བསོད་ནམས་ཅན་ལ་འཐེན་ན་ཡག།
གཞིས་མགྲོན་ལྷན་དུ་འཛོམས་པ་རྟེན་འབྲེལ་ཡག།
དེ་རིང་དགའ་བ་དེ་རིང་སྐྱིད་པ་ལ།།
སྐུ་མགྲོན་ལྷན་རྒྱས་ཚེ་རིང་ལོ་བརྒྱ་ཤོག།
དེ་རིང་སྐྱིད་པ་དེ་རིང་དགའ་བ་ལ།།
ཨ་ཁུ་སྨ་ར་ཅན་གྱི་སྨོན་འདུན་ཡག།
ཀློག་གྲངས་མང་ཤོས།
༄༅།།བོད་ལྗོངས་སློབ་ཆེནVSམཚོ་སྔོན་སློབ་ཆེན།
ཁ་བཏགས་དཀར་པོ།
ངའི་ལག་གི་ཁ་བཏགས་དཀར་བོ་འདི།
སེམས་ཀྱི་གཞས་ཆུང་།
གཞས་ར་ཕྲ་མོ།<སྟོད་ཆ།>
རོང་ཆེན་གཅན་ཚ།
川公网安备 51333802000003号