སྦྱངས་རྩོམ།

སྦྱངས་རྩོམ།ཕྱི་ལོག་པ །

བླ་མེད་ཀྱི་བརྩེ་སེམས།

མི་ཚེ་ནི་དཀའ་སྡུག་དང་ཀྱག་ཀྱོག་གི་ལམ་ཕྲན་རིང་པོ་ཞིག་ཡིན། ང་ཚོ་ལམ་ཕྲན་འདི་རུ་ཞུགས་པ་ན། “གནམ་ནས་བག་ལེབ་ལྷུང་བ”ཞེས་པའི་དཔེ་ཞིག་མེད་པ་རྟོགས་སོང་། ཡིན་ཡང་དུས་དེ་ནས་བཟུང་ཁྱོད་ཀྱིས་རང་གི་ཉེ་འཁོར་དུ་ནམ་ཡང་ཁྱོད་ལ་ཉེ་ཞིང་། ཁྱོད་ལ་དགའ་བའི་མི་གཉིས་ཡོད་པ་ཤེས་སམ། མི་དེ་གཉིས་ནི་ཚེ་གང་བོར་རང་ཉིད་སྡུག་ཀྱང་ཕངས་སེམས་ཅི་ཡང་མེད་པར་བརྩེ་བ་ཡོད་ཚད་ཁྱོད་ལ་གནང་མཁན། རེ་བ་ཡོད་ཚད་ཁྱོད་ལ་བཅོལ་མཁན། བདེ་སྐྱིད་ཡོད་ཚད་ཁྱོད་ལ་བསྐྲུན་ནས་དབུ་སྐྲ་རིམ་བཞིན་དཀར་པོར་འགྱུར་བཞིན་པའི་ང་ཡི་དྲིན་ཆེན་ཕ་མ་རེད།
བདག་ནི་ཆུང་དུས་སུ་རྒྱང་རིང་དུ་འཕུར་འདོད་ཀྱང་འཕུར་མི་ཐུབ་པར་ཕྱིར་སར་ལྷུང་འགྲོ་བའི་བྱེའུ་ཆུང་ཞིག་ཡིན་ལ། བྱེའུ་ཆུང་གཞན་དང་འདྲ་བར་འཕུར་ཐུབ་པའི་དུས་སུ་སླེབས་ནའང་། ནམ་རྒྱུན་སྒེའུ་ཁུང་ལས་ཕྱི་རོལ་གྱི་འཇིག་རྟེན་ལ་བལྟས་ནས་བྱེའུ་གཞན་ལ་ཡིད་སྨོན་བྱེད་པ་ལས། བྱེའུ་གཞན་དང་མཉམ་དུ་ནམ་མཁར་འཕུར་ནས་ནམ་འཕངས་བསྟོད་པའི་ལས་དབང་མེད་པ་དང་འདྲ་བར། ལུས་སྟོབས་ཞན་པས་ནམ་རྒྱུན་ཚ་རྒྱུ་ན་རྒྱུ་ཅུང་མང་བ་དང་། མ་རབས་ཡིན་པས་དོན་ངན་བཟོ་རྒྱུའང་ཅུང་མང་། ཡིན་ཡང་། ངའི་འགྲམ་དུ་དྲིན་ཆེན་ཕ་མ་གཉིས་ཀ་ཡོད་པས། ཁོང་གཉིས་ཀྱི་ཁ་ཏ་དང་སློབ་གསོས་མ་རབས་ཐ་ཤལ་གྱི་ང་རང་ཅུང་ཚད་ལྡན་ཅན་དུ་གྱུར་ཏུ་བཅུག་པར་མ་ཟད། ལྷག་པར་དུ་ཁོང་གཉིས་ཀྱི་བརྩེ་སེམས་དྲོད་མའི་སྲུང་སྐྱོབ་འོག་ཏུ། ཚ་རྒྱུ་ན་རྒྱུ་མང་བའི་ང་རང་ད་གཟོད་མུ་མཐུད་དུ་འཇིག་རྟེན་འདི་རུ་འཚོ་ཐུབ་སོང་།
བདག་ལོ་བདུན་ལ་སོན་པའི་ལོ་དེའི་དགུན་ཁར། བདག་གིས་སེམས་ཆུང་མ་བྱས་པར་དུག་རྩྭ་ཞིག་ཟོས་པས། ཕོ་བ་ན་ནས་རྒྱུན་ལྡན་ལྟར་འགུལ་སྐྱོད་བྱེད་དཀའ་བའི་གནས་སུ་ལྷུང་། སྐབས་དེར་ཕ་མ་གཉིས་ཀྱིས་རྒན་པའི་ཁ་ཏ་ལྟར་ང་ལ་དེ་ལ་ཕན་ཐོགས་སྲིད་པའི་སྨན་མང་པོ་འཐུང་དུ་བཅུག འོན་ཀྱང་ཉིན་དེའི་མཚན་མོར། ང་རང་སང་དྲགས་སུ་སོང་མེད་པ་མ་ཟད། ད་དུང་དུས་ཚོད་མང་པོ་དལ་འགོར་བྱས་ཟིན་པས། ལུས་ཟུངས་ཉམས་ནས་སར་འབྱར་བ་ལྟར་གྱུར་བ་དང་། མིག་གཉིས་ཀྱང་འབྱེད་པའི་གསོན་ཤུགས་མེད་པར་གྱུར། སྐབས་དེར་ཕ་མ་གཉིས་ཀྱི་སེམས་ཧ་ཅང་འཚུབ་ནས་མྱུར་བ་མྱུར་དུ་ང་རང་སྨན་ཁང་དུ་ཁྱེར་ནས་རྒྱུག ལམ་བར་དུ་ངའི་སེམས་སུ་རང་ཉིད་ཀྱི་མི་ཚེ་འདི་ལྟར་ཡོངས་སུ་རྫོགས་སྲིད་སྙམ། ཕ་མ་གཉིས་ཀྱིས་ང་རང་ཁྱེར་ནས་གྲོང་རྡལ་གྱི་སྨན་ཁང་དུ་སླེབས་པ་ན། ངའི་རྣ་ཡིས་ཐོས་ཐུབ་པ་ནི་སྨན་པ་གཅིག་རེ་གཅིག་རེ་ཡིས“ང་ལ་ཐབས་མི་འདུག”ཅེས་བཤད་པའི་སྐད་ཆ་ཚིག་འདི་དང་། མིག་གིས་མཐོང་ཐུབ་པ་ནི་ཕ་མ་གཉིས་ཀྱིས་ང་རང་དམ་པོར་པང་དུ་བཟུང་སྟེ་བྲེལ་འཚུབ་འཚུབ་ཀྱིས་སྨན་ཁང་གཅིག་རེ་གཅིག་རེ་བཞིན་རྒྱུག་པ་དེ་ལས་ཅི་ཡང་མེད། སྐབས་དེར་ང་རང་སྔར་ལས་ཀྱང་རེ་ཐག་ཆད། ཚོར་བ་ལ་མུ་མཐུད་དུ་འཇིག་རྟེན་འདི་རུ་གསོན་པའི་ཆེས་མཐའ་མཇུག་གི་རེ་བ་ཉག་གཅིག་དེའང་མེད་པར་གྱུར་པ་དང་མཚུངས། ཡིན་ཡང་ཏག་ཏག་སྐབས་དེར། ངས་སྨན་པ་ཞིག་གིས“ང་ལ་ཐབས་མི་འདུག ངེས་པར་དུ་རྫོང་གི་སྨན་ཁང་ལ་འགྲོ་དགོས”ཞེས་པའིསྐད་ཆ་ཞིག་ངའི་ཕ་མ་གཉིས་ལ་བཤད་ཀྱིན་པ་ཐོས། དེ་མ་ཐག་ཏུ་ཕ་མ་གཉིས་ཀྱིས་ང་རང་བཟུང་སྟེ་རྫོང་ཐོག་གི་སྨན་ཁང་དུ་ལམ་ལ་ཆས་སོང་། དེ་ནས་ཅུང་འགོར་རྗེས་ང་རང་སད་པ་ན། རང་ཉིད་ཨ་མས་པང་དུ་བཟུང་སྟེ་སྨན་ཁང་གི་ནང་དུ་རྒྱུག་བཞིན་པ་ཤེས། དེ་ནས་ང་རང་ཡང་བསྐྱར་སད་པ་ན། ངས་རང་ཉིད་རྫོང་གི་སྨན་ཁང་གི་མལ་ཁྲིའི་སྟེང་དུ་སྨན་ཁབ་རྒྱབ་འདུག་པ་དང་། མལ་འགྲམ་དུ་རང་ཉིད་ལ་ཆེས་སྙིང་ཉེ་ཞིང་བཀའ་དྲིན་གཞལ་དུ་མེད་པའི་ཕ་མ་གཉིས་ཀ་ཡོད་པ་ཤེས་པ་མ་ཟད། ད་དུང་རང་ཉིད་ལ་ཕ་མ་གཉིས་ཀྱིས་ཡང་བསྐྱར་ཚེ་སྲོག་ཅིག་བསྐྲུན་ཟིན་པ་ཀུན་ལས་ཀྱང་གསལ་བོར་ཤེས།
ཕྱི་ཉིན་ཞོགས་པར། ང་རང་སང་དྲགས་སུ་སོང་ནས་འགུལ་སྐྱོད་ཀྱང་བྱེད་ཐུབ་པར་གྱུར།
དུས་དེ་ནས་བཟུང་། ངས་ཕ་མ་ཞིག་གིས་རང་གི་ཤ་ལས་ཆད་པའི་བྱིས་པ་ལ་བཅིངས་པའི་བླ་ན་མེད་པའི་བརྩེ་སེམས་དེ་ནི་ཅི་འདྲའི་སྟོབས་དང་ལྡན་པ་ཞིག་ཡིན་པ་གསལ་བོར་ཚོར་བྱུང་།
སྤེལ་དུས། : 2022-03-18
དྲིན་གཟོ།

མི་གཞི་ནི་གསེར་དང་འཇིན་རྟེན་ནི་རྒྱ་མ་ཞིག་ཡིན་པའི་དབང་དུ་བཏང་ན། མི་ལ་ལ་ལྗིད་ཤུགས་ཀྱིས་མར་འདྲུད་སྲིད་ལ། མི་ལ་ལ་ནི་ནམ་མཁའི་མཐོངས་སུ་འདེགས་སྲིད་པས། མི་ཞིག་གི་མི་གཞི་ཡིས་༼ཕ་མ་གཅིག་གི་བུ་ཕྲུག དགེ་རྒན་གཅིག་གི་སློབ་ཕྲུག༽བར་ལའང་དེ་འདྲའི་ཁྱད་པར་རམ་བར་ཁྱད་ཆེན་པོ་འབྱུང་དུ་འཇུག་སྲིད། དེ་བས། ང་ཚོ་མི་སུ་དང་སུ་ཞིག་ཡིན་རུང་དེ་ལ་ཆེས་གདོད་མར་གསེར་ལས་ལྷག་པའི་མི་གཞི་ཞིག་མཆིས་པའི་རྨང་གཞིའི་སྟེང་ད་གཟོད་ཆེ་བ་ལ་གུས་བཀུར་དང་ཆུང་བ་ལ་བྱམས་སྐྱོང་། དྲིན་ཆེན་ལ་དྲིན་གཟོ་བཅས་བྱས་ན་དེ་ནི་གངས་རི་ལྟར་དཀར་ལ་ནག་ནོག་གི་དྲི་མ་ཅི་ཡང་མ་གོས་པའི་རྣམ་དག་གི་དྲིན་གཟོ་ཞིག་ཡིན་པར་འདོད་ལ། རང་གི་ནང་སེམས་ནས་ལྷག་བསམ་རྣམ་དག བློ་སེམས་རྩེ་གཅིག་གིས་ཕ་མ་དང་དགེ་རྒན་སོགས་ལ་དྲིན་གཟོ་བ་ནི་འཇིན་རྟེན་གྱི་དྲིན་ཆེན་མི་ལ་མཁོ་བའི་རྣམ་དག་གི་དྲིན་གཟོ་དེ་ཡིན་པར་ངེས།
གཙང་མཁས་གཞན་ལ་ཕན་པར་འདོད་ལ། རྒྱུད་དུ་དུས་ནམ་ཡང་གཞན་གྱི་དོན་དུ་ཡོད་ཚད་བློས་གཏོང་བར་ཕོད་པའི་དགེ་བའི་བཤེས་གཉེན་དམ་པ་ནི་ང་ཚོ་སློབ་བུ་ཞིག་ལ་མཚོན་ན་ལམ་སྟོན་གྱི་སྒྲོན་མེ་དང་། ལྷགས་པ་འུར་འུར་ལྡིང་བའི་དགུན་གཞུང་གི་མེ་ཕུང་། ཚ་གདུག་ཆེ་བའི་དབྱར་གཞུང་གི་རླུང་བསེར་བུ་དེ་ག་ལ་མིན། ཁྱེད་ཀྱིས་སློབ་བུ་ང་ཚོ་རིག་གནས་ཤེས་བྱ་ཡི་ཐང་ཆེན་དུ་ཁྲིད་དུས། དཔའ་ངར་ཞུམ་མེད་ཀྱི་སྤོབས་པ་དང་། གངས་ལྟར་དཀར་བའི་ལྷག་བསམ་ཞིག་ཡ་ཆུང་གི་སྙིང་ཁོག་ཏུ་ཉར་ཏེ་དུས་ནམ་ཡང་ང་ཚོ་ལ་ཕྱིར་ནུར་རམ་ལྡོག་ལམ་དུ་འགྲོ་བའི་བྱ་སྤྱོད་ནམཐའ་དག་སེལ་དུ་བཅུག་ལ། གྲུ་གཟིངས་ལ་ཁ་ལོ་བསྒྱུར་ནས་མཐའ་ཡས་རྒྱ་མཚོའི་ནང་དུ་བསྐྱོད་པ་ཇི་བཞིན་སློབ་བུ་ང་ཚོ་ཤེས་བྱ་ཡི་ཐང་ཆེན་དུ་ཁྲིད་པ་དང་། ཐང་ཆེན་པོ་ཤོག་སྐྱ་ལྟེབ་ལྟེབ། ལ་རིང་བོ་གྲུ་གུ་སྒྲིལ་སྒྲིལ། ཁིས་ཉག་ག་སྒྲོག་གུ་རྟོལ་རྟོལ་བཅས་བྱས་ཏེ་ནངས་སྐྱ་རེངས་དང་མཉམ་ལས། དགོང་སྐར་ཚོགས་དང་མཉམ་ཉལ་བཅས་བྱས་ཏེ་སློབ་ཕྲུག་དག་གི་ཆེད་དུ་ཁོམ་ལོང་དང་བྲལ་བའི་དགེ་བའི་བཤེས་གཉེན་དམ་པ་ཁྱེད་ནི་འཇིག་རྟེན་མི་ཡུལ་གྱི་ཆེས་རླབས་ཆེན་གྱི་མི་བུ་ཞིག་ཡིན་ལ། ཁྱེད་ཀྱི་དྲིན་ལན་ནི་ཀུན་གྱིས་བསྟོད་པའི་གནས་དང་བསྔགས་པའི་ཡུལ་ཡིན་པ་ནི་ཤེས་བྱ་དང་རིག་གནས་ཀྱི་སྟོབས་ཞན་པའི་སློབ་བུ་ང་ལྟ་བུ་ཞིག་གིས་སྨོས་མ་དགོས་པ་ཞིག་ཡིན།
༼བླ་མ་མེད་པའི་གོང་རོལ་ན། སངས་རྒྱས་བྱ་བའི་མིང་ཡང་མེད། བསྐལ་བ་སྟོང་གི་སངས་རྒྱས་ཀྱང་། བླ་མར་བསྟེན་ནས་བྱུང་བ་ཡིན།༽ཞེས་བརྗོད་པ་ཇི་བཞིན་དགེ་བའི་བཤེས་གཉེན་དམ་པ་ནི་སངས་རྒྱས་ལས་ལྷག་པ་སྟེ། ཁོང་གི་གཞན་དོན་གཉེར་བའི་བསམ་པ་ནི་ཐེག་པ་ཆེན་པོ་ལས་འགོངས་ཤིང་། བྱམས་དང་སྙིང་རྗེ་ནི་བྱང་ཆུབ་སེམས་དཔའ་ལས་ཀྱང་འགོངས་ཡོད་པ་སྟེ། སློབ་ཕྲུག་པྲ་ཆལ་རྣམས་ཀྱི་སྤྱོད་ངན་མང་པོ་ཞིག་ཁོང་གིས་གཅར་རྡུང་ཅི་ཡང་མ་བྱས་པར་བྱམས་དང་བརྩེ་བ་ལྡན་པའི་ངང་ནས་སློབ་གསོ་པདྨ་དཀར་པོ་རང་བྱོན་གྱིས་རང་ཤུགས་ཀྱིས་འཛོམས་པར་བྱེད་པ་དང་། སློབ་བུ་རྣམས་རང་ཉིད་ཀྱི་བུ་ཕྲུག་གི་ཚད་དུ་བཞག་ནས་དཔྲལ་བའི་མིག་དང་ཁོག་གི་སྙིང་བཞིན་གཅེས་སྐྱོང་བྱེད་ལ། དུས་རྒྱུན་གྱི་ལྔ་རིག་གི་སྐྱེད་ཚལ་འདིའི་སློབ་སྦྱོང་གི་འཚོ་བའི་ཁྲོད་དུ་ང་ཚོ་ལ་ཕ་མ་དང་དགེ་རྒན་གཉིས་ཀྱི་བྱེད་ནུས་ཐོན་པ་སྟེ། ང་ཚོ་མུན་ནག་གི་འཇིག་རྟེན་དུ་མགོ་འཁོར་ནས་དཀར་གསལ་ཟླ་བའི་འོད་སྣང་ངམ་ཁྲི་གདུགས་ཉི་མས་འོད་སྣང་ཞིག་འདོད་སྤྲོད་བྱེད་པར་རེ་སྒུག་བྱེད་དུས། དགེ་བའི་བཤེས་གཉེན་ཁོང་རང་མགྱོགས་མྱུར་རླུང་གི་རྒྱུ་རྩལ་དང་བསྟུན་ནས་ང་ཚོའི་གམ་དུ་ཕེབས་ཏེ་མུན་ནག་གིས་ཁེངས་པའི་གནས་དེ་དཀར་གསལ་འོད་སྣང་གིས་ཁེངས་པའི་གནས་མཆོག་ཅིག་ཏུ་བསྒྱུར་སྲིད་པ་དང་། ་ང་ཚོ་དོན་དག་ག་གེ་མོ་ཞིག་གི་དབང་གིས་ཡིད་སྐྱོ་ནས་སྡུག་བསྔལ་གྱི་རྒྱ་མཚོར་ལྷུང་དུས། ཁོང་ནི་སློབ་ཕྲུག་ང་ཚོའི་ཕ་མ་དང་འདྲ་བར་ང་ཚོ་ལ་སེམས་གསོ་བྱེད་སྲིད་ལ། གཏམ་ཀུ་རེ་སྣ་ཚོགས་བཤད་ནས་ང་ཚོའི་སེམས་ཀྱི་དགའ་བའི་དྭངས་མ་འདྲེན་པར་བྱེད། དེ་བས། དགེ་བའི་བཤེས་གཉེན་དམ་པ་ནི་ང་ཚོ་སློབ་བུ་རྣམས་ཀྱིས་དྲིན་གཟོ་རུ་འོས་པའི་རླབས་ཆེན་གྱི་མི་བུ་དེ་ཡིན།
དགེ་བའི་བཤེས་གཉེན་དམ་པ་ལགས། ཁྱེད་ནི་གཞན་ཕན་གྱི་ལྷག་བསམ་མངའ་ཞིང་། མི་རིགས་སློབ་གསོའི་བྱ་བཞག་ལ་བློ་སེམས་རྩེ་གཅིག ལྷག་བསམ་རྣམ་དག་གིས་འབད་པ་བྱེད་པའི་དུས་རབས་ཉེར་གཅིག་གི་མི་བུ་རླབས་ཆེན་ཞིག་ཡིན་པས། ཕྱིས་སུ་སློབ་བུ་ང་ཚོ་ཡང་ཁྱེད་དང་ཁྱེད་ལྟ་བུའི་གཞན་ཕན་ལྷག་སེམས་མངའ་བའི་མི་བུ་ཞིག་བྱས་ཏེ་མི་རནས་རྗེས་མ་དག་ལ་ལྷག་བསམ་རྣམ་དག་གིས་ཞབས་ཞུ་བསྒྲུབ་མཁན་པ་བྱེད་པའི་འདུན་པ་ངང་ངམ་ཤུགས་ལ་སྐྱེས་བྱུང་།
སྤེལ་དུས། : 2022-03-18
བདག་གི་དགེ་རྒན།

བདག་སློབ་གྲྭར་ཞུགས་པ་ནས་ད་ལྟའི་བར་དུ་བྱམས་བརྩེའི་འཛུམ་གྱིས་བསྐྱངས་བའི་དགེ་རྒན་གང་མང་ཞིག་གི་ཐུགས་ཁུར་འོག་ལུས་སེམས་བདེ་ཐང་ངང་འཚར་ལོངས་བྱུང་བ་ཡིན་ལ། ལྷག་པར་དུ་ད་ལོར་དམའ་འབྲིང་གི་སྒོ་ཐེམ་འགྲིམ་པ་ནས་བཟུང་སྣ་མང་བསླབ་ཚན་གྱི་གཡུལ་ས་ནས་ལུས་སེམས་ལ་ལྷོད་བག་གི་གོ་སྐབས་ཤིན་ཏུ་ཕྲ་བར་གྱུར། ཡིན་ནའང་དེ་ནི་རང་ཉིད་འཚར་ལོངས་ཀྱི་གོ་རིམ་ཞིག་ཡིན་པས་འཆར་གཞི་དང་ཕུགས་བསམ་གསལ་བའི་སྒོ་ནས་གདོང་གདད་དགོས་སོ། །
སློབ་མ་ཚང་མར་རང་ཉིད་ཀྱི་སེམས་ཁོངས་སུ་ཆེས་བཟང་བར་སྙམ་པའི་དགེ་རྒན་རེ་ཡོད་སྲིད་དེ། བདག་ལ་ཡང་རང་གི་སེམས་གཏིང་ནས་ཆེས་ཁྱད་དུ་འཕགས་པའི་དགེ་རྒན་བཟང་བོ་ཞིག་ཡོད། ཁོང་ནི་བདག་གི་སྐད་ཡིག་དགེ་རྒན་ཡིན། མིང་ལ་གདུགས་དཀར་རྒྱལ་ཟེར། ཁོའི་གདོང་ནི་སྨུག་ཅིང་སྒོར་ལ་མདངས་གསལ་བ་ཞིག་ཡིན། ལོ་ཟླས་ཁོའི་གདོང་ལ་རྒས་གཉེར་གྱི་རི་མོ་ཉུང་ཙམ་ཕབ་ཡོད་མོད། འོན་ཀྱང་ནག་ཅིང་འོད་འཁྱུག་པའི་སྐྲ་ལོ་དེ་ལོ་ཟླ་ཡི་འཁོར་ལོས་མ་ཐུབ་པར་དཀར་པོར་གྱུར་མེད། ཁྲ་ཆུང་མིག་ཟུང་དུས་ནམ་ཡང་བྱམས་བརྩེའི་མདངས་ཀྱིས་ཁེངས་ཡོད་པ་དེ་ནི་ངའི་སྐད་ཡིག་དགེ་རྒན་ནོ། །
དགེ་རྒན་གྱིས་སློབ་ཁྲིད་བྱས་པ་ཧ་ཅང་བཟང་ལ་གསོན་ཉམས་ལྡན་ཞིང་སྤྲོ་སྣང་ལྡན་པའི་འགྲེལ་བཤད་ཀྱིས་རྒྱུན་དུ་ང་ཚོའི་ཡིད་དབང་འཕྲོག་པ་མ་ཟད། སློབ་ཚན་དང་འབྲེལ་བ་ཟབ་པའི་གཏམ་རྒྱུད་སྣ་ཚོགས་ཀྱིས་སློབ་སྦྱོང་ལ་དེ་ལས་ལྷག་པའི་སྤྲོ་སྣང་སྦྱིན། དགེ་རྒན་གྱིས་ད་དུང་ང་ཚོར་ཚིག་ཡག་པོ་བསྡུ་གསོག་བྱེད་དུ་བཅུག་ཏེ་ང་ཚོས་རྩོམ་ཡིག་གི་ཆུ་ཚད་མཐོར་འདེགས་འབྱུང་བར་འབད་པ་བྱོས།
ཐེངས་ཤིག་ལ་ང་ལད་ཟློས་ཁྲོམ་རའི་འགྲན་བསྡུར་ནང་ཞུགས་པ་དང་དགེ་རྒན་གྱི་མཛུབ་ཁྲིད་ཀྱིས་ང་ཚོར་གྲུབ་འབྲས་ཆེན་པོ་ཐོབ་ནས་མང་རྫོང་མི་རིགས་སློབ་འབྲིང་གི་ཚབ་བྱས་ནས་ཁུལ་ཐོག་ལ་འགྲན་སྡུར་བྱེད་དུ་སོང་། འདི་དག་ཚང་མ་ནི་དགེ་རྒན་གྱི་བཀའ་དྲིན་དང་ཁྲིད་སྟོན་ཡིན་ལ་རང་ཉིད་ལ་མཚོན་ན་སློབ་སྦྱོང་གི་གོ་སྐབས་ཡ་མེད་ཅིག་ཡིན།
དགེ་རྒན་ལགས། ཁྱེད་ཀྱི་ལྷག་བསམ་སྒྲོན་མེ་ཡི་འོད་ཟེར་གྱིས་ང་ཚོའི་མདུན་ལམ་གསལ་བར་བྱས་ལ། ཁྱེད་ནི་བློ་གྲོས་ཀྱིས་ང་ཚོར་ཤེས་རིག་གི་ཐང་ཆེན་ནས་འབྲས་བུ་ལེན་དུ་བཅུག
གཞན་ཡང་། ང་ལ་ད་རུང་དགེ་རྒན་ཞིག་ཡོད་པ་ནི། ངས་ནམ་རྒྱུན་འདི་ལྟར་བསམ་བཞིན་ཡོད། མཐའ་ཡས་བའི་སྤང་ལྗོངས་ཀྱི་གཞི་རུ་བག་ཡངས་ཀྱིས་ཡན་པའི་སྒོ་ཕྱུགས་དཀར་ནག་དང་ཞི་དུལ་གྱིས་འཛུམ་པའི་མེ་ཏོག་སྣ་ཚོགས། ད་དུང་བར་སྣང་ན་ལྷོད་ལྷོད་ཀྱིས་རྒྱུ་བའི་སྤྲིན་པ་དཀར་པོ་དག་གིས་བདག་ལ་རང་བྱུང་ཁམས་ཆེན་མོའི་མ་བཅོས་དག་གཙང་གི་གཤིས་ཀ་ཞིག་བསྩལ་ཡོད་པས། ངས་ལྷད་མེད་རང་བྱུང་གིས་བསྐྲུན་པའི་འབྲོག་ས་ཡངས་པོ་འདི་དྭངས་གཙང་གི་དགེ་རྒན་དུ་མཐོང་གིན་ཡོད། མ་ཟད། ལོ་ལེགས་ཀྱི་རྦ་རླབས་དལ་བུར་གཡོ་བའི་གསེར་མདོག་གི་གཞིས་ཀ་རུ་དཀའ་སྤྱད་ཀྱི་རྔུལ་ཆུས་ལུས་ཕུང་ཡོངས་སུ་བརླན་ཡང་། ད་དུང་དགའ་འབོད་ཀྱི་གླུ་སྐད་མཁའ་རུ་མཆེད་པའི་ཞིང་པ་ཕོ་མོ་དག་གི་དཀའ་སྡུག་དགའ་བར་སྒོམ་པའི་བློ་སྤོབས་ཀྱིས་བདག་ལ་བླ་མེད་ཀྱི་བརྩོན་སེམས་ཤིག་སྦྱིན་ཡོད་པས། ངས་མིག་མངས་ཀྱི་རི་མོས་མཛེས་པའི་ཞིང་ཁམས་འདི་བརྩོན་སེམས་ཀྱི་དགེ་རྒན་དུ་མཐོང་གིན་ཡོད།
སྤེལ་དུས། : 2022-03-18
བདག་གི་དགེ་རྒན།

ལོ་ཟླའི་འཁོར་སྐྱོད་ཀྱི་གོམ་འགྲོས་ཁྲོད་དུ་ནམ་ཡང་རྡོ་བརྐོས་རི་མོ་ཇི་བཞིན་སེམས་གཏིང་ནས་བརྗེད་ཐབས་མེད་པ་ནི་ངའི་སློབ་ཆུང་སྐབས་ཀྱི་རྒྱ་ཡིག་དགེ་རྒན་ལྷ་མོ་སྒྲོལ་མ་ཡིན།
ཁོ་མོ་ད་ལྟ་དགོང་ལོ་ལྔ་བཅུར་སླེབས་ལ་ཉེ་བ་ཙམ་ཞིག་ཡིན་ལ། གཟུགས་ཚད་དང་ལྡན་ལ་ངོ་མདངས་སྨུག་པོ་ཞིག་ཡིན། ཁོང་གི་དབུ་སྐྲ་ཅུང་ནག་ཅིང་གདོང་ན་ཡོད་པའི་སྤྱན་ཟུང་ལས་དུས་ནམ་ཡང་ལྷག་བསམ་དཀར་པོའི་བརྩེ་མདངས་ཤིག་འཚེར་བཞིན་ཡོད།
ཁོ་མོ་ནི་ལོ་རིམ་དང་པོ་ནས་བཟུང་ང་ཚོའི་རྒྱ་ཡིག་དགེ་རྒན་ཡིན། ཁོ་མོས་བྱ་བ་ཅི་ཞིག་བསྒྲུབ་ཀྱང་ཞིབ་ཚགས་དང་གཟབ་ནན་ཡིན་ལ། སློབ་ཁྲིད་སྐབས་སུ་ང་ཚོར་རེ་བ་ནན་མོ་བཏོན་ཏེ་ཕྱི་རོལ་རྣམ་གཡེང་གི་དབང་དུ་གཏན་ནས་འགྲོ་གི་མི་འཇུག དེ་ནི་ཁོ་མོའི་སློབ་ཁྲིད་ཀྱི་ཐབས་ལམ་ཁྱད་པར་བས་ང་ཚོ་བཀུག་སོང་བ་མ་ཡིན་ནམ། ང་ཚོ་ལོ་རིམ་གསུམ་པའི་སྐབས་སུ་རྒན་ལྷ་མོ་སྒྲོལ་མ་ལགས་ལ་ནད་ལྕི་མོ་ཞིག་བྱུང་བ་དང་། ཁོང་གི་ལུས་ཕུང་ཉིན་རེ་བཞིན་ཤ་རིད་པགས་སྐམ་དུ་གྱུར། ཡིན་ན་ཡང་ཁོ་མོས་ནན་ཏན་གྱི་ངང་ནས་སློབ་ཁྲིད་བྱས་ཏེ་སློབ་ཐུན་གཅིག་ཀྱང་ཆད་མ་མྱོང་བས། ཁོ་མོ་ནི་ང་ཚོ་སློབ་མ་ཚང་མར་ཕྱོགས་རིས་མེད་པར་བདག་སྐྱོང་གནང་མཁན་གྱི་ཕ་མ་གཉིས་པ་དེའོ། །
སྐབས་དེར་ངའི་སེམས་ལ་རྒན་ལགས་ནི་དགེ་རྒན་རང་ག་བ་ཞིག་ཡིན་ན། ང་ཚོའི་སློབ་ཁྲིད་མཚམས་བཞག་ནས་རང་ཁྱིམ་ནས་ངལ་གསོ་བྱེད་ངེས་རེད། ཡིན་ནའང་། ཁོ་མོ་དེ་ལས་ལྡོག་སྟེ་རང་གི་ན་ཚ་རྒྱབ་དུ་དོར་ནས་ང་ཚོའི་ཆེད་དུ་བརྩོན་སེམས་དང་སྤོབས་པ་བསྐྱེད། ལྷག་པར་དུ་ཡིད་འགུལ་ཐེབས་པ་ཞིག་ལ། ལོ་ཞིག་གི་དགུན་ཁའི་ཉིན་མོ་ཞིག་ལ་ང་ལ་ཆམ་པ་ལྗིད་མོ་ཞིག་ཕོག་ནས་སྨན་ཁང་དུ་མི་འགྲོ་ག་མེད་བྱུང་། ཉིན་དེ་དག་གི་སློབ་ཁྲིད་རྗེས་ལ་ལུས་པས་ང་རང་ཧ་ཅང་བྲེལ་འཚུབ་སྐྱེས་པའི་དུས་དེར། དགེ་རྒན་ལྷ་མོ་སྒྲོལ་མ་ལགས་ཀྱིས་ལག་དུ་དཔེ་ཆ་དང་ངའི་ཟིན་བྲིས་སོགས་བཟུང་ནས་སྐུ་དངོས་སུ་ངེད་ཚང་ལ་ཕེབས་ནས་ཉིན་དེ་དག་རིང་སློབ་ཁྲིད་ལ་ཞུགས་མ་ཐུབ་པའི་སློབ་ཚན་དག་ང་ལ་ཟུར་ཁྲིད་བྱས། ཁོང་གིས་གཟབ་ནན་གྱི་ངང་ནས་ང་ལ་གཅིག་གཅིག་གཉིས་གཉིས་ཀྱིས་ཟུར་ཁྲིད་བྱས་བས་ང་ཚོ་ཁྱིམ་མི་གང་བོ་ལ་ཡིད་འགུལ་ཐེབས་སུ་བཅུག མ་ཟད་ཁོ་མོ་ནི་ནམ་ཡང་སློབ་སྦྱོང་ལ་དཀའ་ཁག་ཡོད་པའི་སློབ་མར་ཟུར་ཁྲིད་དང་། འཚོ་བར་དཀའ་ཁག་ཡོད་པའི་སློབ་མར་སློབ་སྦྱོང་གི་མཁོ་ཆས་སོགས་ཉོ་བའི་དགེ་རྒན་བཟང་མོ་ཞིག་ཡིན།
སྐབས་དེ་ནས་བཟུང་ངའི་སེམས་ལ་ཁོང་ནི་སློབ་མ་ལ་ཇི་འདྲའི་ཤ་ཚ་ཞིང་སྙིང་ཉེ་བ་ཞིག་ཡིན་པ་གཞི་ནས་རྟོགས་སོང་། དགེ་རྒན་ལགས་ཁྱེད་ནི་ངའི་ཡིད་དུ་ནམ་ཡང་བརྗེད་ཐབས་མེད་པའི་ལྷག་བསམ་གྱིས་ཕྱུག་པའི་དགེ་རྒན་བཟང་མོ་ཞིག་ཡིན། ངས་དགེ་རྒན་ཁྱེད་ལ་དྲིན་གཟོ་བའི་ཕྱིར་དུ་སློབ་སྦྱོང་གི་གོམ་ཁ་ལྷོད་པ་མེད་པར་ཤེས་རིག་གི་སྤང་ཐང་ནས་བརྩོན་པར་འབད་དོ། །
སྤེལ་དུས། : 2022-03-18
ཨ་མའི་བྱམས་བརྩེ།

ངོས་དང་པོ > རྩོམ་རིག > སློབ་རའི་སྦྱངས་རྩོམ། > མང་རྫོང་མི་རིགས་སློབ་འབྲིང་དམའ་གཅིག་འཛིན་གྲྭ་བཅུ་གཅིག་གི་སློབ་མའི་སྦྱངས་རྩོམ། ཁག་གཉིས་པ།མང་རྫོང་མི་རིགས་སློབ་འབྲིང་དམའ་གཅིག་འཛིན་གྲྭ་བཅུ་གཅིག་གི་སློབ་མའི་སྦྱངས་རྩོམ། ཁག་གཉིས་པ།རྩོམ་པ་པོ།：མི་གསལ། ཡོང་ཁུངས།：མཚོ་སྔོན་པོ་དྲྭ་བ། དུས་ཚོད།：2021-12-08 10:08:41 ཀློག་གྲངས།：1853
བདག་གི་དགེ་རྒན།
ལྷ་མཆོག་རྡོ་རྗེ།
ལོ་ཟླའི་འཁོར་སྐྱོད་ཀྱི་གོམ་འགྲོས་ཁྲོད་དུ་དུས་ཡུན་རིང་པོ་ཞིག་འགོར་སོང་ཡང་། བདག་སེམས་ནས་ནམ་ཡང་བརྗེད་མི་ཐུབ་པ་ནི་ཕ་མ་དང་གཉིས་སུ་མེད་པའི་འཛིན་བདག་གམ་སྐད་ཡིག་དགེ་རྒན་ཀུན་བཟང་སྐྱིད་ལགས་ཡིན།
དགེ་རྒན་ཀུན་བཟང་སྐྱིད་ནི་ང་རང་ལོ་རིམ་དང་པོའི་སྐབས་སུ་བདག་གི་སྐད་ཡིག་དགེ་རྒན་ཡིན། ཁོ་མོའི་དབུ་ཡི་སྐྲ་ལོ་སྟུག་ཅིང་རིང་བོ་ཡོད། སྐྱེ་གཟུགས་ཕྲ་ལ་སྐད་ངག་ཀྱང་སྙན་མོ་ཡིན། རྟག་ཏུ་ཁོ་མོའི་གདོང་ལ་བརྩེ་བའི་འཛུམ་གྱིས་ཕྱུག་སྟེ་སྤྲོ་སྣང་གི་རྣམ་པའི་ཁེངས་འདུག། འོན་ཀྱང་། གདུག་རྩུབ་ཆེ་བའི་ལོ་ཟླས་ཁོ་མོའི་གདོང་ལ་རྒས་གཉེར་གྱི་རི་མོ་ཕབ་ཅིང་། ནག་ཅིང་འོད་འཁྱུག་པའི་སྐྲ་ལོ་དེ་བས་ཀྱང་དཀར་པོར་འགྱུར་བཞིན་ཡོད།
རྒན་ཁོ་མོའི་གཤིས་རྒྱུད་ནི་བལ་ལས་འཇམ་མོད། ཁ་དཔེ་ལ་ཤ་ཚ་བའི་གཏམ་ལ་སྙན་མོ་མེད། ནད་མཁྲིས་པའི་སྨན་ལ་ཞིམ་པོ་མེད་ཞེས་པ་ལྟར། གལ་ཏེ་ང་ཚོས་མ་རབས་དང་ཐ་ཤལ་གྱི་བྱ་བའམ་དུས་ལྟར་ལས་བྱ་མ་འགྲུབ་ན། ཁོ་མོ་དེ་མ་ཐག་ཁོང་ཁྲོ་ཆེན་པོ་ལངས་ནས་སྡིགས་མོ་ཡང་ཡང་བྱེད་ལ། ཐ་ན་གཅར་རྡུང་ཀྱང་བྱེད་ངེས། ཡིན་ཡང་། ང་ཚོས་ཁོ་མོས་ནན་ནན་ཏིག་ཏིག་གིས་གནང་བའི་སྐུལ་ལྕག་དང་དྲིན་ཆེན་སློབ་དཔོན་གྱི་ལྷད་མེད་བྱམས་བརྩེ་ཡིད་ལ་བཟུང་ནས་གཅར་རྡུང་བྱས་པ་ལ་སྣང་ཏོག་ཙམ་ཡང་མེད་པར་སེམས་ནས་དོར་ངེས་སོ། །
ད་ལྟ་ང་རང་བོད་སྐད་ཡིག་གི་ཀློག་ལ་བྱངས་པ་དང་། རྩོམ་ཐུང་ཙམ་རེ་འབྲི་ཤེས་པ་འདི་ནི་རྒན་ཁོ་མིའི་བཀའ་དྲིན་མ་ཡིན་ནམ། ཁོ་མོ་ནི་བདག་ལ་སྐད་ཡིག་དང་རྩོམ་ཡིག་གི་ཤེས་བྱའི་རྨང་གཞི་འདིང་མཁན་ཡིན་པ་མ་ཟད། ངའི་ཡིད་ཀྱི་རྨོངས་བ་སེལ་པའི་ཤེས་རབ་ཀྱི་སྒྲོན་མེ་དེ་ཡིན།
མིག་རྡེབ་དབང་ཙམ་གྱིས་བདག་ལོ་རིམ་དྲུག་པར་སླེབས་ལ། སློབ་ཆུང་དང་མཐར་ཕྱིན་ལ་ཉེ་བའི་སྐབས་དེར། བདག་ཆེས་ཁ་བྲལ་མི་འདོད་པ་ནི་བདག་གི་སྐད་ཡིག་དགེ་རྒན་ཡིན། ཁོ་མོ་དང་ང་ཚོ་བར་གྱི་བརྩེ་དུང་ནི་རི་བོ་ལས་དཔངས་མཐོ་ལ་རྒྱ་མཚོ་ལས་གཏིང་ཟབ། བདག་གི་སྙིང་ནས་གཅེས་པའི་དགེ་རྒན་ཀུན་བཟང་སྐྱིད་ལགས། ཁྱེད་ཀྱི་བྱམས་བརྩེ་དང་། སྐུལ་སློང། ལྷག་བསམ། བཀའ་དྲིན་བཅས་ནི་རྡོ་བརྐོས་རི་མོ་བཞིན་ནམ་ཡང་བརྗེད་མི་སྲིད་ལ། ངའི་སློབ་སྦྱོང་གི་ཁ་མིག་ཡར་ལྟ་བྱེད་ས་ཡིན།

༼རྩོམ་པ་པོ་ཆུང་ཆུང་ལྷ་མཆོག་རྡོ་རྗེ།༽

བདག་གི་བོད་ཡིག་དགེ་རྒན།
གངས་དགའ་རིག་གྲོལ།
མི་ཚེ་འདིའི་ནང་དུ། བདག་དགེ་རྒན་མང་པོ་ཞིག་ལ་འཕྲད་མྱོང་མོད། འོན་ཀྱང་། དགེ་རྒན་ཚང་མའི་ནང་ནས་བདག་ལ་ཆེས་ཆ་རྒྱུས་ཡོད་པ་ནི། སློབ་ཆུང་ལོ་རིམ་གཉིས་པ་ནས་དྲུག་པའི་བར་གྱི་འཛིན་བདག་སྟེ་བོད་ཡིག་དགེ་རྒན་བཟང་མོ་སྐྱིད་ཡིན།
བདག་གི་དགེ་རྒན་བཟང་མོ་སྐྱིད་ནི། སློབ་མ་ཆེ་ཆུང་བཟང་ངན་སུ་ལའང་ཕྱོགས་རིས་མི་བྱེད་པར་འདང་བརྩེ་ཆེ་བའི་དགེ་རྒན་བཟང་མོ་ཞིག་ཡིན་པ་དང་། མོས་རྒྱུན་པར་སློབ་ཁྲིད་བྱེད་དུས་སུ་ནན་ནན་ཏན་ཏན་གྱིས་སློབ་མ་ལ་སློབ་ཁྲིད་དང་ཟུར་ཁྲིད་བྱེད་པ་དང་། ལྷག་པར་དུ་སློབ་སྦྱོང་ལ་ཧུར་བརྩོན་བྱེད་པའི་སློབ་མ་ལ་གཟེངས་བསྟོད་བྱེད་པ་ཡིན། དེ་ནི་ང་ཚོའི་སློབ་འབྲིང་གི་སློབ་ཚན་ཞིག་ཏུ། མི་མཉམ་པ་རྣམས་མཉམ་པ་དང་། མཉམ་པ་རྣམས་ནི་གོང་འཕེལ་དུ་གཏོང་བ་ཞེས་པ་ལས་མ་འདས། ཁོ་མོས་བོད་ཡིག་སློབ་ཁྲིད་སྐབས་སུ་སློབ་མའི་སློབ་སྦྱོང་ལ་དམ་འཛིན་བྱེད་པ་མ་ཟད། ད་དུང་རྩལ་སྦྱོང་དང་ཆ་འཕྲིན་གྱི་སློབ་ཐུན་འགའ་རེ་ལའང་སྐུ་ཚེགས་ལ་མ་འཛེམ་པར་སློབ་སྦྱོང་ལ་ཞན་པའི་སློབ་མ་དག་ལ་ཟུར་ཁྲིད་བྱེད་པ་རེད། དེ་བས། ང་ཚོ་འཛིན་གྲྭའི་བོད་ཡིག་གི་རྒྱུགས་སྐར་ནི་ནམ་ཡིན་ཡང་འཛིན་གྲྭ་གཞན་ལས་མཐོ་བ་ཡིན། ད་ལྟ་ཕྱིར་འདང་ཞིག་བརྒྱབ་ན། བོད་ཡིག་དགེ་རྒན་གྱིས་དེ་ལྟར་རང་གི་སློབ་ཁྲིད་ལ་དམ་འཛིན་དང་ང་ཚོ་སློབ་མ་རྣམས་ཀྱི་སློབ་སྦྱོང་ལ་དམ་འཛིན་བྱེད་དོན་ནི། ང་ཚོས་སློབ་འབྲིང་དགའ་ཞིག་གི་ནང་དུ་རྒྱུགས་འཕྲོད་ཆེད་ཀྱང་ཡིན་ཟེར་བས། ང་ཚོ་དང་པོ་ཙ་ན་བ་གླང་དང་འདྲ་བར་རིག་གནས་ཅི་ཡང་མི་ཤེས་པ་དང་། ད་ལྟ་ཅི་ཡང་ཤེས་པ་འདི་ནི་དགེ་རྒན་གྱི་བཀའ་དྲིན་ཡིན་པ་ཤེས་བྱུང་།
དགེ་རྒན་ལགས། ང་ཚོས་རང་ཉིད་ལ་བོད་ཡིག་དགེ་རྒན་འདི་འདྲ་ཞིག་ཡོད་པ་དང་། ང་ཚོའི་བོད་ཡིག་གི་རྒྱུགས་འབྲས་འདི་འདྲ་ཞིག་བཟང་བར་དགའ་སྤྲོ་ཚད་མེད་སྐྱེས་བཞིན་ཡོད་པ་མ་ཟད། བདག་གིས་ནམ་ཡང་དེ་ནི་ཁྱོད་ཀྱི་བཀའ་དྲིན་ཡིན་པ་མི་བརྗེད།

༼རྩོམ་པ་པོ་ཆུང་ཆུང་གངས་དགའ་རིག་གྲོལ།༽

ང་ཡི་དགེ་རྒན་དམ་པ།
ཆོས་དབྱིངས་སྒྲོལ་མ།
འཇིག་རྟེན་ཁམས་ཀྱི་སློབ་མ་ཚང་མར་ང་དང་འདྲ་བར་རང་ཉིད་ཀྱི་སེམས་ཁུངས་སུ་ཆེས་བཟང་ངོ་སྙམ་པའི་དགེ་རྒན་རེ་ཡོད་སྲིད་དེ། ང་ལ་མཚོན་ན་ཆེས་ཁྱད་དུ་འཕགས་པའི་དགེ་རྒན་བཟང་མོ་ཞིག་ཡོད་པ་དེ་ནི་བདག་གི་སློབ་ཆུང་ལོ་དྲུག་རིང་གི་སྐད་ཡིག་དགེ་རྒན་ཡིན་ལ། ང་ཚོ་འཛིན་གྲྭའི་འཛིན་བདག་ཀྱང་ཡིན། མིང་ལ་རྒན་ཀུན་བཟང་སྐྱིད་ཟེར།
ཁོ་མོའི་དབུ་ཡི་སྐྲ་ལོ་རིང་ཞིང་སྐྱེས་གཟུགས་ཕྲ་ལ། སྐད་ངག་ཀྱང་སྙན་མོ་ཞིག་ཡོད། ནམ་ཡིན་ཡང་གདོང་ལ་རྟག་ཏུ་རེ་བའི་འཛུམ་གིས་ཕྱུག་འདུག འཛུམ་དམུལ་དམུལ་བྱེད་པའི་ཕྱིའི་རྣམ་པ་དེ་ཁོ་ནས་ཀྱང་མི་ལ་བདེ་སྣང་སྟེར་ཐུབ། སྐབས་དེར་ཁོ་མོ་ལོ་སུམ་ཅུ་ཡས་མས་ཡིན་ལ། ལུས་ཟུངས་ཉམས་ནས་ནད་ཀྱིས་གཙེས་བ་དང་འདྲ་མོད། འོན་ཀྱང་། ང་ཚོའི་དུས་རྒྱུན་གྱི་སློབ་ཁྲིད་ཐེངས་གཅིག་ཀྱང་ཆད་ག་ལ་མྱོང་། སློབ་སློང་ལ་ཞན་པའི་སློབ་མར་ལྷག་ཏུ་ཐུགས་ཁུར་དང་སེམས་ཁུར་གང་མང་བྱེད་མཁན་ཞིག་ཡིན། ང་ཚོ། སློབ་མ་དག་གི་ཆེད་ལ་དགུང་མོའི་གཉིད་དང་ཉིན་དཀར་གྱི་ཟས་བཅག་པའང་ཉུང་ཉུང་མིན། མི་འདོད་ནད་ཀྱིས་མནར་བའི་སློབ་མ་སུ་ཡིན་རུང་། རང་གི་དངུལ་གྱིས་དེ་མ་ཐག་དུ་སྨན་པར་སྟོན་སྲིད། དགེ་རྒན་དང་ང་ཚོའི་བར་གྱི་བརྩེ་དུང་ནི་མུ་མཐའ་བྲལ་བའི་ནམ་མཁའ་སྔོན་པོ་བཞིན་ནོ། །
ཁོ་མོས་ང་ཚོ་ལ་སྐད་ཡིག་གི་བསླབ་གཞི་ལས་གཞན་གླུ་དབྱངས་དང་ཚན་རིག ལུས་རྩལ་སོགས་ཤེས་བྱ་སྣ་མང་ཁྲིད་པས་ཁོ་མོ་ནི་ཤེས་བྱའི་བང་མཛོད་ཅིག་ཡིན། དེར་མ་ཟད་ཁོ་མོ་ནི་ངའི་བློ་ཡིད་ཀྱི་མུན་པ་སེལ་བའི་སྒྲོན་མེ་དང་ཤེས་རིག་གི་རྨང་གཞི་འདིང་མཁན་དྲིན་ཆེན་དེ་ཡིན།

༼རྩོམ་པ་པོ་ཆུང་ཆུང་ཆོས་དབྱིངས་སྒྲོལ་མ།༽

བདག་གི་དགེ་རྒན།
བཀྲ་ཤིས་རྡོ་རྗེ།
དགེ་རྒན་ནི་རྟ་བདུན་དབང་བོ་ཞིག་སྟེ། ཁོང་གི་བྱམས་བརྩེ་ཡིས་གཏི་མུག་གི་མུན་པ་སེལ་ཐུབ། དགེ་རྒན་ནི་རོལ་དབྱངས་སྙན་མོ་ཞིག་སྟེ། ཁོང་གི་གསུང་སྐད་ཀྱི་གདངས་དབྱངས་རེ་རེས་བློ་གྲོས་ཀྱི་སྟོབས་ཤུགས་སྤེལ་ཐུབ། དགེ་རྒན་ནི་བསིལ་རླུང་འཇམ་པོ་སྟེ། ཁོང་གི་བྱམས་བརྩེ་ཡིས་ཚ་བའི་གདུང་བ་སེལ་ཐུབ། དེ་བས་དགེ་རྒན་གྱི་ལུས་ཕུང་ནི་བྱམས་བརྩེ་དང་གཞན་ཕན་ཁོ་ན་ལས་གྲུབ་ཡོད།
ང་རང་ནི་ལོ་ཆུང་གི་བྱིས་པ་ཡིན་དུས་ནས་དགེ་རྒན་མང་པོ་བརྒྱུད་དེ་སློབ་གྲྭ་མང་པོ་འགྲིམས་པ་ཡིན། ཆེས་ཐོག་མའི་ང་ནི་བླང་དོར་གྱི་གནས་ལུགས་མི་ཤེས་ཤིང་། བུ་ཡུག་གི་ཁྲོད་ན་ཁ་ཕྱོགས་ནོར་བའི་ལུ་གུ་ཞིག་དང་འདྲ། དགེ་རྒན་གྱི་བཀའ་དྲིན་མི་རྟོགས་པའི་སློབ་བུ་ཐ་ཤལ་ཞིག་ཡིན། དགེ་རྒན་གྱིས་གཅར་རྡུང་དང་སྡིགས་མོ་བྱེད་དུས། འཛམ་གླིང་གི་ཆེས་བྱམས་དང་སྙིང་རྗེ་བྲལ་བའི་གཤིན་རྗེ་ནི་དགེ་རྒན་ཡིན་པར་འདོད་པ་ཡིན།
ད་ལྟ་རང་གི་སློབ་ཆུང་སྐབས་ཀྱི་འཚོ་བ་ལ་ཕྱིར་དྲན་རེ་བྱས་ཚེ། སྙིང་རྗེ་དང་བྲལ་བའི་ནམ་ཟླ་དགུན་དུས་ཤིག་ལ། སློབ་གྲྭའི་མལ་ཁང་དུ་ད་ལྟ་དང་འདྲ་བའི་དྲོད་རླངས་སོགས་ཅི་ཡང་མེད་སྟབས་གྲང་ངར་ཧ་ཅང་ཆེ་བས། འཛིན་བདག་དགེ་རྒན་གྱིས་དགོང་ཟས་ཟོས་རྗེས། ང་རང་ཉལ་ཁང་དུ་ཁྲིད་ནས་ཉལ་དུ་འཇུག་པ་རེད། ཡིན་ན་འང་། ང་རང་ཉལ་ཡོད་ཀྱང་གཉིད་མི་ཁུག་པར་མ་ཟད། ངའི་རྣ་ལམ་དུ་ཉལ་ཁང་གི་བར་ཁྱམས་སུ་སློབ་མ་མང་པོ་ཞིག་གིས་རྩེད་མོ་རྩེ་བའི་སྒྲ་ཐོས། ང་རང་ཡང་དེ་ལ་འགྲོ་ན་འདོད། ངའི་རྣམ་ཤེས་ཀྱང་རྟ་ཕོ་སྲབ་མེད་ཅིག་དང་འདྲ་བར་སློབ་གྲོགས་ཚོ་ཡོད་སའི་ཁང་བའི་སྒོ་ཁར་རྒྱུག་འགྲོ། འཛིན་བདག་དགེ་རྒན་གྱིས་ང་རང་སྡོད་མི་ཚུགས་པའི་རྣམ་འགྱུར་དེ་མཐོང་བས། ང་ལ་ད་ལྟ་ནམ་ཟླ་ཧ་ཅང་འཁྱག་པས། ཁྱོད་ལྟ་བའི་བྱིས་པ་ལོ་ཆུང་ཞིག་སྒོ་ཕྱི་རུ་འགྲོ་མི་ཉན་ཟེར། དེ་བས་ངས་ཀྱང་དགེ་རྒན་གྱི་ཁ་ལ་ཉན་ནས་དེ་ལ་མ་སོང་། དགེ་རྒན་གྱིས་ང་ལ་གཏམ་རྒྱུད་ཅིག་བཤད། གཏམ་རྒྱུད་དེའི་ནང་དོན་ནི་མོ་ལོ་ན་ཆུང་བའི་སྐབས་དུས་ཀྱི་དཀའ་སྡུག་གི་དོན་དག་ཅིག་རེད། གཏམ་རྒྱུད་དེའི་གནས་ལུགས་ཀྱང་ངས་གསལ་བོར་གོ་སོང་། དགེ་རྒན་དེ་ནི་ནམ་རྒྱུན་ཀུ་རེ་རྩེ་བ་དང་སྤྲོ་དགས་ཁེངས་པའི་དགེ་རྒན་ཞིག་ཡིན།
དགེ་རྒན་ལགས། ཁྱེད་ཀྱི་བྱམས་བརྩེའི་འོད་ཀྱི་ཐིག་ལེ་རེ་རེས་ངཚོའི་རྨོངས་པའི་མུན་པ་སེལ་ཐུབ་ལ། བློ་གྲོས་ཀྱི་སྒོ་མོ་འབྱེད་ཐུབ། ངས་ཅི་ནས་ཀྱང་ཁྱེད་ལ་བཀའ་དྲིན་ཞུའོ། །

༼རྩོམ་པ་པོ་ཆུང་ཆུང་བཀྲ་ཤིས་རྡོ་རྗེ།༽

ཨ་མའི་བྱམས་བརྩེ།
འཕགས་པ་ཚེ་རིང་།
ང་རང་ནི་འབའ་འབའ་ལུ་གུ་དང་ཆབས་ཅིག་ཏུ་ནར་སོན་པའི་བྱིས་པ་ཆུང་ཆུང་ཞིག་ཡིན། ངའི་དྲན་པའི་མེ་ལོང་ངོས་སུ་ནམ་ཡང་བརྗེད་ཐབས་མེད་པ་ནི་ཨ་མའི་བདག་ལ་བཅངས་བའི་བྱམས་བརྩེ་ཡིན།
ད་ལོའི་དབྱར་གནང་གི་སྐབས་ཀྱི་ཉིན་ཞིག་གི་ཞོགས་པར། གནམ་ངོ་དྭངས་ཤིང་སྤྲིན་མཐེ་བོང་ཙམ་ཡང་མེད། བདག་གིས་ཕ་མ་གཉིས་ལ་རང་ཉིད་ཕྱུགས་འཚོ་བར་འགྲོ་རྒྱུའི་རེ་བ་བཤད་དེ། མཛེས་སྡུག་གི་སྤང་ཐང་ལ་ཁམས་གཡེང་དུ་ཆས་པར་བརྩམས། སྐབས་དེར་ཨ་མས་ཆར་ལྭ་ཞིག་ཁྱེར་འོངས་ནས་བདག་ལ་སྤྲད་མོད། འོན་ཀྱང་། ངས་དེ་རིང་གི་གནམ་ངོ་འདི་འདྲ་དྭངས་པས། ཆར་ཞིག་འབབ་རྒྱུ་གང་ན་ཡོད་སྙམ་ནས་ཨ་མའི་སྐད་ཆ་སྣང་མེད་དུ་བཞག་སྟེ་ཆར་ལྭ་གཏན་ནས་མ་ཁྱེར། ལུག་ཁྱུ་སྤང་ཐང་དུ་བཀྲམ་ནས་ཡོད་པའི་སྐབས་དེར། གློ་བུར་དུ་སྤྲིན་ནག་ལང་ལོང་དུ་འཁྲིགས་ཤིང་འབྲུག་སྒྲ་ལྡིར་ལྡིར་དུ་གྲགས་ཏེ་བསམ་དབང་དྲན་དབང་མེད་པར་ཆར་བ་ཤག་ཤག་ཏུ་བབས་བྱུང་། སྐབས་དེར་ང་རང་ནི་ཆུ་ཡིས་བྲན་པའི་བྱིའུ་ཞིག་དང་འདྲ་བར་གྲང་འདར་ཞིག་བརྒྱབ་ནས་སྐད་ཆའང་བཤད་མི་ཐུབ་པར་གྱུར།
ཆར་བའི་འབབ་རྒྱུན་གྱི་ཁྲོད་ནས་གསལ་ལ་མི་གསལ་བའི་གཟུགས་རིས་ཤིག་ངའི་ཕྱོགས་སུ་འོང་བཞིན་མཐོང་བས། སེམས་ལ་སྤྲོ་བ་ཞིག་སྐྱེས་ནའང་ཨ་མ་ཡིན་པ་གཏན་ནས་མ་འདོད། ཨ་མས་ཆར་ལྭ་ཞིག་བཟུང་ནས་རྩུབ་ལ་སླེབས་པར་ངའི་སེམས་ལ་དེ་བས་ཀྱང་དགའ་བ་ཞིག་སྐྱེས་བྱུང་། ཕྱི་ཉིན་བདག་ལ་ཆམ་ནད་བྱུང་སྟེ་ཉིན་ཞག་དུ་མའི་རིང་ཟ་མ་ཁམ་གང་ཡང་ཟ་མི་ཐུབ་པར་གྱུར།
ང་རང་ལ་ཆམ་ནད་བྱུང་བས་ཨ་མ་དུས་ཚོད་སྐར་ཆ་གཅིག་ལའང་ང་དང་འབྲལ་མི་ཕོད་པར་སྦྱོར་བ་སྨན་དང་བྱམས་པའི་སེམས་ཀྱིས་ང་ལ་གཉོར་སྐྱོང་གང་ལེགས་བྱས། དེ་ནས་ཉིན་འགའ་འགོར་རྗེས་ངའི་ཆམ་ནད་ཀྱང་རིམ་གྱིས་སངས་དྲག་ཏུ་སོང་།
འཇིག་རྟེན་ན་ཆེས་གཟི་བརྗིད་ལྡན་པ་ནི་ཨ་མའི་བྱམས་བརྩེ་ཡིན་ལ་ཆེས་བརྗེད་བར་དཀའ་བའང་ཨ་མའི་དྲིན་ལན་རེད། དེ་བས་ཆུང་ཆུང་བྱིས་པ་ཚང་མས་ཕ་མའི་རེ་བ་སྟོང་ཟད་དུ་མི་གཏོང་བར་རིག་པའི་ཡོན་ཏན་ལེགས་པར་སྦྱངས་ཏེ་ཕ་མའི་དགོངས་པ་ཇི་བཞིན་བསྒྲུབ་རྒྱུ་ནི་ང་ཚོས་དྲིན་ཆེན་གྱི་ཕ་མ་ཀུན་ལ་འཇལ་བའི་དྲིན་ལན་ཡིན་ལ། ཕ་མའི་བྱམས་བརྩེ་ལ་ཕུལ་བའི་ལེགས་སྐྱེས་ཤིག་ཀྱང་ཡིན་ནོ། །
སྤེལ་དུས། : 2022-03-18

བདག་གི་དགེ་རྒན།

དགེ་རྒན་ནི་རྟ་བདུན་དབང་བོ་ཞིག་སྟེ། ཁོང་གི་བྱམས་བརྩེ་ཡིས་གཏི་མུག་གི་མུན་པ་སེལ་ཐུབ། དགེ་རྒན་ནི་རོལ་དབྱངས་སྙན་མོ་ཞིག་སྟེ། ཁོང་གི་གསུང་སྐད་ཀྱི་གདངས་དབྱངས་རེ་རེས་བློ་གྲོས་ཀྱི་སྟོབས་ཤུགས་སྤེལ་ཐུབ། དགེ་རྒན་ནི་བསིལ་རླུང་འཇམ་པོ་སྟེ། ཁོང་གི་བྱམས་བརྩེ་ཡིས་ཚ་བའི་གདུང་བ་སེལ་ཐུབ། དེ་བས་དགེ་རྒན་གྱི་ལུས་ཕུང་ནི་བྱམས་བརྩེ་དང་གཞན་ཕན་ཁོ་ན་ལས་གྲུབ་ཡོད།
ང་རང་ནི་ལོ་ཆུང་གི་བྱིས་པ་ཡིན་དུས་ནས་དགེ་རྒན་མང་པོ་བརྒྱུད་དེ་སློབ་གྲྭ་མང་པོ་འགྲིམས་པ་ཡིན། ཆེས་ཐོག་མའི་ང་ནི་བླང་དོར་གྱི་གནས་ལུགས་མི་ཤེས་ཤིང་། བུ་ཡུག་གི་ཁྲོད་ན་ཁ་ཕྱོགས་ནོར་བའི་ལུ་གུ་ཞིག་དང་འདྲ། དགེ་རྒན་གྱི་བཀའ་དྲིན་མི་རྟོགས་པའི་སློབ་བུ་ཐ་ཤལ་ཞིག་ཡིན། དགེ་རྒན་གྱིས་གཅར་རྡུང་དང་སྡིགས་མོ་བྱེད་དུས། འཛམ་གླིང་གི་ཆེས་བྱམས་དང་སྙིང་རྗེ་བྲལ་བའི་གཤིན་རྗེ་ནི་དགེ་རྒན་ཡིན་པར་འདོད་པ་ཡིན།
ད་ལྟ་རང་གི་སློབ་ཆུང་སྐབས་ཀྱི་འཚོ་བ་ལ་ཕྱིར་དྲན་རེ་བྱས་ཚེ། སྙིང་རྗེ་དང་བྲལ་བའི་ནམ་ཟླ་དགུན་དུས་ཤིག་ལ། སློབ་གྲྭའི་མལ་ཁང་དུ་ད་ལྟ་དང་འདྲ་བའི་དྲོད་རླངས་སོགས་ཅི་ཡང་མེད་སྟབས་གྲང་ངར་ཧ་ཅང་ཆེ་བས། འཛིན་བདག་དགེ་རྒན་གྱིས་དགོང་ཟས་ཟོས་རྗེས། ང་རང་ཉལ་ཁང་དུ་ཁྲིད་ནས་ཉལ་དུ་འཇུག་པ་རེད། ཡིན་ན་འང་། ང་རང་ཉལ་ཡོད་ཀྱང་གཉིད་མི་ཁུག་པར་མ་ཟད། ངའི་རྣ་ལམ་དུ་ཉལ་ཁང་གི་བར་ཁྱམས་སུ་སློབ་མ་མང་པོ་ཞིག་གིས་རྩེད་མོ་རྩེ་བའི་སྒྲ་ཐོས། ང་རང་ཡང་དེ་ལ་འགྲོ་ན་འདོད། ངའི་རྣམ་ཤེས་ཀྱང་རྟ་ཕོ་སྲབ་མེད་ཅིག་དང་འདྲ་བར་སློབ་གྲོགས་ཚོ་ཡོད་སའི་ཁང་བའི་སྒོ་ཁར་རྒྱུག་འགྲོ། འཛིན་བདག་དགེ་རྒན་གྱིས་ང་རང་སྡོད་མི་ཚུགས་པའི་རྣམ་འགྱུར་དེ་མཐོང་བས། ང་ལ་ད་ལྟ་ནམ་ཟླ་ཧ་ཅང་འཁྱག་པས། ཁྱོད་ལྟ་བའི་བྱིས་པ་ལོ་ཆུང་ཞིག་སྒོ་ཕྱི་རུ་འགྲོ་མི་ཉན་ཟེར། དེ་བས་ངས་ཀྱང་དགེ་རྒན་གྱི་ཁ་ལ་ཉན་ནས་དེ་ལ་མ་སོང་། དགེ་རྒན་གྱིས་ང་ལ་གཏམ་རྒྱུད་ཅིག་བཤད། གཏམ་རྒྱུད་དེའི་ནང་དོན་ནི་མོ་ལོ་ན་ཆུང་བའི་སྐབས་དུས་ཀྱི་དཀའ་སྡུག་གི་དོན་དག་ཅིག་རེད། གཏམ་རྒྱུད་དེའི་གནས་ལུགས་ཀྱང་ངས་གསལ་བོར་གོ་སོང་། དགེ་རྒན་དེ་ནི་ནམ་རྒྱུན་ཀུ་རེ་རྩེ་བ་དང་སྤྲོ་དགས་ཁེངས་པའི་དགེ་རྒན་ཞིག་ཡིན།
དགེ་རྒན་ལགས། ཁྱེད་ཀྱི་བྱམས་བརྩེའི་འོད་ཀྱི་ཐིག་ལེ་རེ་རེས་ངཚོའི་རྨོངས་པའི་མུན་པ་སེལ་ཐུབ་ལ། བློ་གྲོས་ཀྱི་སྒོ་མོ་འབྱེད་ཐུབ། ངས་ཅི་ནས་ཀྱང་ཁྱེད་ལ་བཀའ་དྲིན་ཞུའོ། །
སྤེལ་དུས། : 2022-03-18
ང་ཡི་དགེ་རྒན་དམ་པ།

འཇིག་རྟེན་ཁམས་ཀྱི་སློབ་མ་ཚང་མར་ང་དང་འདྲ་བར་རང་ཉིད་ཀྱི་སེམས་ཁུངས་སུ་ཆེས་བཟང་ངོ་སྙམ་པའི་དགེ་རྒན་རེ་ཡོད་སྲིད་དེ། ང་ལ་མཚོན་ན་ཆེས་ཁྱད་དུ་འཕགས་པའི་དགེ་རྒན་བཟང་མོ་ཞིག་ཡོད་པ་དེ་ནི་བདག་གི་སློབ་ཆུང་ལོ་དྲུག་རིང་གི་སྐད་ཡིག་དགེ་རྒན་ཡིན་ལ། ང་ཚོ་འཛིན་གྲྭའི་འཛིན་བདག་ཀྱང་ཡིན། མིང་ལ་རྒན་ཀུན་བཟང་སྐྱིད་ཟེར།
ཁོ་མོའི་དབུ་ཡི་སྐྲ་ལོ་རིང་ཞིང་སྐྱེས་གཟུགས་ཕྲ་ལ། སྐད་ངག་ཀྱང་སྙན་མོ་ཞིག་ཡོད། ནམ་ཡིན་ཡང་གདོང་ལ་རྟག་ཏུ་རེ་བའི་འཛུམ་གིས་ཕྱུག་འདུག འཛུམ་དམུལ་དམུལ་བྱེད་པའི་ཕྱིའི་རྣམ་པ་དེ་ཁོ་ནས་ཀྱང་མི་ལ་བདེ་སྣང་སྟེར་ཐུབ། སྐབས་དེར་ཁོ་མོ་ལོ་སུམ་ཅུ་ཡས་མས་ཡིན་ལ། ལུས་ཟུངས་ཉམས་ནས་ནད་ཀྱིས་གཙེས་བ་དང་འདྲ་མོད། འོན་ཀྱང་། ང་ཚོའི་དུས་རྒྱུན་གྱི་སློབ་ཁྲིད་ཐེངས་གཅིག་ཀྱང་ཆད་ག་ལ་མྱོང་། སློབ་སློང་ལ་ཞན་པའི་སློབ་མར་ལྷག་ཏུ་ཐུགས་ཁུར་དང་སེམས་ཁུར་གང་མང་བྱེད་མཁན་ཞིག་ཡིན། ང་ཚོ། སློབ་མ་དག་གི་ཆེད་ལ་དགུང་མོའི་གཉིད་དང་ཉིན་དཀར་གྱི་ཟས་བཅག་པའང་ཉུང་ཉུང་མིན། མི་འདོད་ནད་ཀྱིས་མནར་བའི་སློབ་མ་སུ་ཡིན་རུང་། རང་གི་དངུལ་གྱིས་དེ་མ་ཐག་དུ་སྨན་པར་སྟོན་སྲིད། དགེ་རྒན་དང་ང་ཚོའི་བར་གྱི་བརྩེ་དུང་ནི་མུ་མཐའ་བྲལ་བའི་ནམ་མཁའ་སྔོན་པོ་བཞིན་ནོ། །
ཁོ་མོས་ང་ཚོ་ལ་སྐད་ཡིག་གི་བསླབ་གཞི་ལས་གཞན་གླུ་དབྱངས་དང་ཚན་རིག ལུས་རྩལ་སོགས་ཤེས་བྱ་སྣ་མང་ཁྲིད་པས་ཁོ་མོ་ནི་ཤེས་བྱའི་བང་མཛོད་ཅིག་ཡིན། དེར་མ་ཟད་ཁོ་མོ་ནི་ངའི་བློ་ཡིད་ཀྱི་མུན་པ་སེལ་བའི་སྒྲོན་མེ་དང་ཤེས་རིག་གི་རྨང་གཞི་འདིང་མཁན་དྲིན་ཆེན་དེ་ཡིན།
སྤེལ་དུས། : 2022-03-18
བདག་གི་བོད་ཡིག་དགེ་རྒན།

མི་ཚེ་འདིའི་ནང་དུ། བདག་དགེ་རྒན་མང་པོ་ཞིག་ལ་འཕྲད་མྱོང་མོད། འོན་ཀྱང་། དགེ་རྒན་ཚང་མའི་ནང་ནས་བདག་ལ་ཆེས་ཆ་རྒྱུས་ཡོད་པ་ནི། སློབ་ཆུང་ལོ་རིམ་གཉིས་པ་ནས་དྲུག་པའི་བར་གྱི་འཛིན་བདག་སྟེ་བོད་ཡིག་དགེ་རྒན་བཟང་མོ་སྐྱིད་ཡིན།
བདག་གི་དགེ་རྒན་བཟང་མོ་སྐྱིད་ནི། སློབ་མ་ཆེ་ཆུང་བཟང་ངན་སུ་ལའང་ཕྱོགས་རིས་མི་བྱེད་པར་འདང་བརྩེ་ཆེ་བའི་དགེ་རྒན་བཟང་མོ་ཞིག་ཡིན་པ་དང་། མོས་རྒྱུན་པར་སློབ་ཁྲིད་བྱེད་དུས་སུ་ནན་ནན་ཏན་ཏན་གྱིས་སློབ་མ་ལ་སློབ་ཁྲིད་དང་ཟུར་ཁྲིད་བྱེད་པ་དང་། ལྷག་པར་དུ་སློབ་སྦྱོང་ལ་ཧུར་བརྩོན་བྱེད་པའི་སློབ་མ་ལ་གཟེངས་བསྟོད་བྱེད་པ་ཡིན། དེ་ནི་ང་ཚོའི་སློབ་འབྲིང་གི་སློབ་ཚན་ཞིག་ཏུ། མི་མཉམ་པ་རྣམས་མཉམ་པ་དང་། མཉམ་པ་རྣམས་ནི་གོང་འཕེལ་དུ་གཏོང་བ་ཞེས་པ་ལས་མ་འདས། ཁོ་མོས་བོད་ཡིག་སློབ་ཁྲིད་སྐབས་སུ་སློབ་མའི་སློབ་སྦྱོང་ལ་དམ་འཛིན་བྱེད་པ་མ་ཟད། ད་དུང་རྩལ་སྦྱོང་དང་ཆ་འཕྲིན་གྱི་སློབ་ཐུན་འགའ་རེ་ལའང་སྐུ་ཚེགས་ལ་མ་འཛེམ་པར་སློབ་སྦྱོང་ལ་ཞན་པའི་སློབ་མ་དག་ལ་ཟུར་ཁྲིད་བྱེད་པ་རེད། དེ་བས། ང་ཚོ་འཛིན་གྲྭའི་བོད་ཡིག་གི་རྒྱུགས་སྐར་ནི་ནམ་ཡིན་ཡང་འཛིན་གྲྭ་གཞན་ལས་མཐོ་བ་ཡིན། ད་ལྟ་ཕྱིར་འདང་ཞིག་བརྒྱབ་ན། བོད་ཡིག་དགེ་རྒན་གྱིས་དེ་ལྟར་རང་གི་སློབ་ཁྲིད་ལ་དམ་འཛིན་དང་ང་ཚོ་སློབ་མ་རྣམས་ཀྱི་སློབ་སྦྱོང་ལ་དམ་འཛིན་བྱེད་དོན་ནི། ང་ཚོས་སློབ་འབྲིང་དགའ་ཞིག་གི་ནང་དུ་རྒྱུགས་འཕྲོད་ཆེད་ཀྱང་ཡིན་ཟེར་བས། ང་ཚོ་དང་པོ་ཙ་ན་བ་གླང་དང་འདྲ་བར་རིག་གནས་ཅི་ཡང་མི་ཤེས་པ་དང་། ད་ལྟ་ཅི་ཡང་ཤེས་པ་འདི་ནི་དགེ་རྒན་གྱི་བཀའ་དྲིན་ཡིན་པ་ཤེས་བྱུང་།
དགེ་རྒན་ལགས། ང་ཚོས་རང་ཉིད་ལ་བོད་ཡིག་དགེ་རྒན་འདི་འདྲ་ཞིག་ཡོད་པ་དང་། ང་ཚོའི་བོད་ཡིག་གི་རྒྱུགས་འབྲས་འདི་འདྲ་ཞིག་བཟང་བར་དགའ་སྤྲོ་ཚད་མེད་སྐྱེས་བཞིན་ཡོད་པ་མ་ཟད། བདག་གིས་ནམ་ཡང་དེ་ནི་ཁྱོད་ཀྱི་བཀའ་དྲིན་ཡིན་པ་མི་བརྗེད།
སྤེལ་དུས། : 2022-03-18
བདག་གི་དགེ་རྒན།

ལོ་ཟླའི་འཁོར་སྐྱོད་ཀྱི་གོམ་འགྲོས་ཁྲོད་དུ་དུས་ཡུན་རིང་པོ་ཞིག་འགོར་སོང་ཡང་། བདག་སེམས་ནས་ནམ་ཡང་བརྗེད་མི་ཐུབ་པ་ནི་ཕ་མ་དང་གཉིས་སུ་མེད་པའི་འཛིན་བདག་གམ་སྐད་ཡིག་དགེ་རྒན་ཀུན་བཟང་སྐྱིད་ལགས་ཡིན།
དགེ་རྒན་ཀུན་བཟང་སྐྱིད་ནི་ང་རང་ལོ་རིམ་དང་པོའི་སྐབས་སུ་བདག་གི་སྐད་ཡིག་དགེ་རྒན་ཡིན། ཁོ་མོའི་དབུ་ཡི་སྐྲ་ལོ་སྟུག་ཅིང་རིང་བོ་ཡོད། སྐྱེ་གཟུགས་ཕྲ་ལ་སྐད་ངག་ཀྱང་སྙན་མོ་ཡིན། རྟག་ཏུ་ཁོ་མོའི་གདོང་ལ་བརྩེ་བའི་འཛུམ་གྱིས་ཕྱུག་སྟེ་སྤྲོ་སྣང་གི་རྣམ་པའི་ཁེངས་འདུག། འོན་ཀྱང་། གདུག་རྩུབ་ཆེ་བའི་ལོ་ཟླས་ཁོ་མོའི་གདོང་ལ་རྒས་གཉེར་གྱི་རི་མོ་ཕབ་ཅིང་། ནག་ཅིང་འོད་འཁྱུག་པའི་སྐྲ་ལོ་དེ་བས་ཀྱང་དཀར་པོར་འགྱུར་བཞིན་ཡོད།
རྒན་ཁོ་མོའི་གཤིས་རྒྱུད་ནི་བལ་ལས་འཇམ་མོད། ཁ་དཔེ་ལ་ཤ་ཚ་བའི་གཏམ་ལ་སྙན་མོ་མེད། ནད་མཁྲིས་པའི་སྨན་ལ་ཞིམ་པོ་མེད་ཞེས་པ་ལྟར། གལ་ཏེ་ང་ཚོས་མ་རབས་དང་ཐ་ཤལ་གྱི་བྱ་བའམ་དུས་ལྟར་ལས་བྱ་མ་འགྲུབ་ན། ཁོ་མོ་དེ་མ་ཐག་ཁོང་ཁྲོ་ཆེན་པོ་ལངས་ནས་སྡིགས་མོ་ཡང་ཡང་བྱེད་ལ། ཐ་ན་གཅར་རྡུང་ཀྱང་བྱེད་ངེས། ཡིན་ཡང་། ང་ཚོས་ཁོ་མོས་ནན་ནན་ཏིག་ཏིག་གིས་གནང་བའི་སྐུལ་ལྕག་དང་དྲིན་ཆེན་སློབ་དཔོན་གྱི་ལྷད་མེད་བྱམས་བརྩེ་ཡིད་ལ་བཟུང་ནས་གཅར་རྡུང་བྱས་པ་ལ་སྣང་ཏོག་ཙམ་ཡང་མེད་པར་སེམས་ནས་དོར་ངེས་སོ། །
ད་ལྟ་ང་རང་བོད་སྐད་ཡིག་གི་ཀློག་ལ་བྱངས་པ་དང་། རྩོམ་ཐུང་ཙམ་རེ་འབྲི་ཤེས་པ་འདི་ནི་རྒན་ཁོ་མིའི་བཀའ་དྲིན་མ་ཡིན་ནམ། ཁོ་མོ་ནི་བདག་ལ་སྐད་ཡིག་དང་རྩོམ་ཡིག་གི་ཤེས་བྱའི་རྨང་གཞི་འདིང་མཁན་ཡིན་པ་མ་ཟད། ངའི་ཡིད་ཀྱི་རྨོངས་བ་སེལ་པའི་ཤེས་རབ་ཀྱི་སྒྲོན་མེ་དེ་ཡིན།
མིག་རྡེབ་དབང་ཙམ་གྱིས་བདག་ལོ་རིམ་དྲུག་པར་སླེབས་ལ། སློབ་ཆུང་དང་མཐར་ཕྱིན་ལ་ཉེ་བའི་སྐབས་དེར། བདག་ཆེས་ཁ་བྲལ་མི་འདོད་པ་ནི་བདག་གི་སྐད་ཡིག་དགེ་རྒན་ཡིན། ཁོ་མོ་དང་ང་ཚོ་བར་གྱི་བརྩེ་དུང་ནི་རི་བོ་ལས་དཔངས་མཐོ་ལ་རྒྱ་མཚོ་ལས་གཏིང་ཟབ། བདག་གི་སྙིང་ནས་གཅེས་པའི་དགེ་རྒན་ཀུན་བཟང་སྐྱིད་ལགས། ཁྱེད་ཀྱི་བྱམས་བརྩེ་དང་། སྐུལ་སློང། ལྷག་བསམ། བཀའ་དྲིན་བཅས་ནི་རྡོ་བརྐོས་རི་མོ་བཞིན་ནམ་ཡང་བརྗེད་མི་སྲིད་ལ། ངའི་སློབ་སྦྱོང་གི་ཁ་མིག་ཡར་ལྟ་བྱེད་ས་ཡིན།
སྤེལ་དུས། : 2022-03-18
ང་ཡི་དགེ་རྒན།

ད་ལྟའི་བར་དུ་དགེ་རྒན་མང་པོར་འཕྲད་མོད། ང་ལ་ཆེས་བག་ཆགས་དང་ཤུས་རྐྱེན་ཐེབས་པ་ནི། ད་ལྟ་དམའ་འབྲིང་གི་སྐད་ཡིག་དགེ་རྒན་གདུགས་དཀར་རྒྱལ་ཡིན།
ངའི་སྐད་ཡིག་དགེ་རྒན་གཟུགས་ཐུང་ཞིང་བལྟས་ཚོད་ཀྱིས་མི་རྒྱགས་པ་ཞིག་ཡིན། མགོ་བོ་ཅུང་ཙམ་ཆེ་ཞིང་མིག་ཤེལ་ཅིག་ནམ་རྒྱུན་གདོང་ལ་གོན་ནས་ཡོད། མིག་ལས་ནམ་རྒྱུན་འཚོལ་བཞིན་པ་ནི། སྒོ་སམ་ངོས་ཀྱི་དབྱངས་གསལ་དང་སློབ་ཁང་ནང་གི་ང་ཚོ་ཡིན།
ཐོག་མར་དམའ་རིམ་སློབ་འབྲིང་གི་སྒོ་ཐེམ་བརྒལ་མ་ཐག གནས་འདིའི་དགེ་རྒན་དང་སློབ་མ། མདོར་ན། ཁོར་ཡུག་སོགས་ཡོད་ཚད་ལ་ཆ་རྒྱུས་མེད་པ་ཞིག་རེད། དུས་ཅུང་ཙམ་ཕྱིན་པ་ན། ཡུལ་འདིའི་སློབ་གྲོགས་དང་བརྩེ་བ། ཁོར་ཡུག་སོགས་ཀྱིས་ངའི་དམའ་འབྲིང་གི་འཚོ་བར། དུས་ཚིགས་ཀྱི་སྟོན་ལོ་ཐོར་བ་ལྟ་བུའི་མཛེས་སྡུག་དང་འཆར་ཡན་གྱི་ལོ་ཟླ་ཞིག་གནང་སོང་།
ཆ་མེད་ཀྱི་སློབ་འགོ་ཚུགས་པའི་དགོང་ཚོགས་ཤིག་ལ། ང་ཚོའི་ལྷིང་འཇགས་ཀྱི་འཛིན་གྲྭའི་ནང་། གློ་བུར་དགེ་རྒན་ཞིག་ཐོན། ཁོང་གཟུགས་གཞི་ཐུང་ཞིང་མིག་ཤེལ་མནབས་པ་ཞིག་རེད། ཁོང་གིས་ལག་ཏུ་ཚགས་པར་མང་བོ་ཞིག་བཟུང་ཞིང་། མཚམས་སྦྱོར་བྱ་ཞོར་ང་ཚོ་ལ་ཚགས་པར་རེ་རེ་བྱིན་སོང་། ང་ཚོར་རྩོམ་ཡིག“བདག་གི་ཕུགས་བསམ”ཞེས་པ་དེ་ཀློག་ཏུ་བཅུག ངས་སྐར་མ་གསུམ་གྱི་ནང་དུ་བཀླགས་ཚར། སློབ་གྲོགས་རྣམས་ཀྱིས་ཀྱང་བཀླགས་ཚར་སོང་། ང་ཚོས་དགའ་བསུ་དང་ལྷན་དུ་ཕན་ཚུན་ངོ་ཤེས་པ་ཡིན། སྤྲོ་སྣང་ལྡན་པའི་དགོང་ཚོགས་དེ་སྐར་ཆ་རེ་རེས་ཕར་བསྐྱལ་བ་རེད་ཨང་།
ཡང་ཉིན་ཞིག་ལ། སྐད་ཡིག་སློབ་ཁྲིད་སྐབས་སུ་ངའི་རྣམ་ཤེས་ཕྱི་རོལ་ཏུ་གཡེང་ནས་སློབ་ཁྲིད་ཚན་པ་ཞིག་ལ་ཉན་མ་ཐུབ། གློ་བུར་དུ་ང་ལ་མི་ཞིག་གིས་སློབ་ཁྲིད་ལ་ནན་ཏན་གྱིས་ཉོན་ཞེས་སྐད་ཆ་ཞིག་སྨྲས་སོང་། ངས་ཀྱང་བློ་རིག་བསྒྲིམས་ཞོར་དགེ་རྒན་ལ་བལྟས་པ་ན། སྐད་ཡིག་དགེ་རྒན་གྱི་བྱམས་བརྩེ་ལྡན་པའི་མིག་ཟུང་གིས་ང་ལ་བལྟས་འདུག ངའི་བསམ་པར་དགེ་རྒན་གྱིས་སྐྱོན་བརྗོད་བྱས་ཡོང་སྙམ་མོད། དགེ་རྒན་གྱིས་ང་ཚོར་སློབ་ཁྲིད་ལ་ནན་ཏན་གྱིས་ཉན་ན་འབྲས་བུ་ཡག་པོ་ཐོབ་ཞེས་བཤད་སོང་།
དེ་ནས་བཟུང་། ངས་སློབ་ཁྲིད་ལ་ནན་ཏན་གྱིས་ཉན་རྒྱུར་རང་ལ་ཁས་བླངས་པ་ཡིན། དངོས་གནས། དགེ་རྒན་བཟང་པོ་ཞིག་ལ་འཕྲད་པ་ནི་རང་གི་བསོད་ནམས་རེད། དགེ་རྒན་བྱམས་བརྩེ་ལྡན་པ་ཞིག་གི་སློབ་མར་གྱུར་བ་ཡང་ངའི་ཚོགས་བསགས་རེད། དེའི་ཕྱིར་ན། ངས་ཀྱང་སྐད་ཡིག་ལེགས་པོ་ཞིག་སྦྱངས་ནས་རང་གི་རྨི་ལམ་འཚོལ་འདོད་ཡོད། རང་གི་ལམ་བུ་འཚོལ་འདོད་ཡོད།
སྤེལ་དུས། : 2022-03-18

ངའི་ཕུགས་བསམ།

ཨ་ཕས་དུས་རྒྱུན་དུ་བདག་ལ་“གཅེས་ཕྲུག་མ། རང་གིས་རང་གི་རླབས་ཆེན་གྱི་ཕུགས་བསམ་དེ་མངོན་འགྱུར་བྱེད་འདོད་ན། ངེས་པར་དུ་ཆུང་དུས་ནས་སློབ་ལ་བརྩོན་དགོས།”ཞེས་ཁ་ཏ་སློབ་གསོ་གཏོང་། མི་ཚང་མ་ལ་ཕུགས་བསམ་རེ་ཡོད། འོ་ན། བདག་གི་ཕུགས་བསམ་ནི་དགེ་རྒན་ཞིག་བྱེད་རྒྱུ་དེ་ཡིན།
བདག་སློབ་ཆུང་ལོ་རིམ་བཞི་བ་འགྲིམ་དུས། དགེ་རྒན་བཟང་བོ་ཞིག་ལ་འཕྲད་མྱོང་། དགེ་རྒན་དེ་ནི་བདག་གི་སྐད་ཡིག་དགེ་རྒན་དང་འཛིན་བདག་ཡིན། ཁོ་མོས་མ་ཁྲིད་པའི་སྔོན་ལ། ངེད་འཛིན་གྲྭ་ནི་སྐད་ཡིག་ལ་ཧ་ཅང་ཞན། ཁོ་མོས་སློབ་ཁྲིད་བྱས་པ་ནས་བཟུང་། ང་ཚོ་འཛིན་གྲྭ་ཉིན་རེ་ནས་ཉིན་རེར་ཇེ་བཟང་དུ་སོང་བ་དང་རྒྱུགས་བླངས་ན་ཨང་དང་པོ་ཤོར་རྒྱུ་མེད་པ་ཞིག་ཏུ་གྱུར། སྐད་ཡིག་དགེ་རྒན་གཞན་རྣམས་ཧ་ལས་ནས་ང་ཚོས་དགེ་རྒན་ལ་“ཁྱོད་ཀྱི་འཛིན་གྲྭ་དེ་སྔོན་ཆད་སྐད་ཡིག་ལ་ཧ་ཅང་ཞན། ཁྱོད་ཀྱིས་ཐབས་གང་བཀོད་པ་ཡིན།”ཞེས་ང་ཚོའི་དགེ་རྒན་ལ་དྲིས་པ་ན་དགེ་རྒན་གྱིས་ལན་མ་བཏབ། ཁོ་མོ་ང་ཚོའི་འཛིན་བདག་ཡིན་པས་དེ་འདྲ་བཙན་པོ་ཡིན་རྒྱུ་མེད། ཁོ་མོས་མིག་ཟུང་གིས་ང་ཚོ་སློབ་མ་ལྔ་བཅུ་ལྷག་ལ་ཁ་ཏ་སློབ་གསོ་དང་སློབ་ཁྲིད། སྒྲིག་ལམ་བཅས་མང་པོ་བཤད། མོ་བཙན་ན་ཡང་བདག་གི་སེམས་ནས་མོ་ནི་ཆེས་བཟང་བའི་དགེ་རྒན་ཞིག་ཡིན།
མོ་ནི་དགེ་རྒན་སེམས་བཟང་ཞིག་དང་དགེ་རྒན་རླབས་ཆེན་ཞིག་ཡིན་པས། ངས་ནམ་ཡང་མོ་བརྗེད་མི་རུང་། བདག་གིས་སློབ་སྦྱོང་ལ་འབད་བརྩོན་བྱས་ནས་མ་འོངས་པར་དགེ་རྒན་ཁོ་མོ་དང་འདྲ་བ་ཞིག་བྱེད་རྒྱུ་ཡིན།
སྤེལ་དུས། : 2022-03-18
ང་ཡི་དགེ་རྒན།

དུས་ཚོད་ནི་ཆུ་རྒྱུན་བཞིན་བར་མེད་མདུན་དུ་རྒྱུག་པ་ལས་ཕྱིར་ལྡོག་པའི་སྐལ་བ་ནམ་ཡང་ཡོད་མི་སྲིད་པས། ང་ཡང་མིག་རྡེབ་ཙམ་གྱིས་ལོ་རིམ་བདུན་པའི་སློབ་མ་ཞིག་ཏུ་གྱུར། ད་ལྟའི་བར་དུ་དགེ་རྒན་མང་པོ་ཞིག་ལ་འཕྲད་མྱོང་མོད། འོན་ཀྱང་། ང་རང་ཆེས་དགའ་ཞིང་བག་ཆགས་ཟབ་པ་ནི། གཤིས་རྒྱུད་དྲང་ཞིང་ངང་རྒྱུད་འཇམ་པའི་ང་ཚོའི་སྐད་ཡིག་དགེ་རྒན་ཀུན་བཟང་སྐྱིད་ཡིན།
ཁོ་མོ་ནི་བདག་གི་ལོ་དྲུག་རིང་གི་སྐད་ཡིག་དགེ་རྒན་ཡིན་ལ་ང་ཚོ་འཛིན་གྲྭའི་འཛིན་བདག་ཀྱང་ཡིན། ད་ལྟ་ཕལ་ཆེར་དགུང་ལོ་ཞེ་དགུ་ཡས་མས་ཡིན། ཁོ་མོའི་གདོང་ནི་སྐྱ་ཞིང་སྨུག་པའི་མདངས་རྒྱས་པ་ཞིག་ཡིན། གདུག་རྩུབ་ཆེ་བའི་ལོ་ཟླས་ཁོ་མོས་གདོང་ལ་རྒས་གཉེར་གྱི་རི་མོ་ཕབ་ཡོད་ལ། རྒས་གཉེར་རེ་རེའི་ནང་ང་ཚོར་བཅིངས་པའི་བརྩེ་སེམས་རེ་རེ་ཡོད། ནག་ཅིང་འོད་འཁྱུག་པའི་སྐྲ་ལོ་དེའང་ལོ་ཟླ་ཡི་འཁོར་སྐྱོད་དང་བསྟུན་ནས་ཡུན་གྱིས་དཀར་པོར་འགྱུར་བཞིན་ཡོད། གསལ་ཞིང་རྣོ་བའི་རྣ་བ་དེ་ནི་ཅོར་སེ་ཡོད་པས་སློབ་ཁྲིད་སྐབས་སློབ་མ་ཚོས་ཤབ་ཤུབ་ཀྱི་སྐད་ཆ་ཅི་བཤད་ཡང་འཆོར་དུ་མི་འཇུག བྱ་གླག་གི་གཤོག་པ་བརྐྱངས་འདྲའི་སྨིན་མའི་འོག་གི་ཁྲ་ཆུང་མིག་ཟུང་དེར་ནམ་ཡང་བྱམས་བརྩེའི་མདངས་ཤིག་ཤར་ཡོད། བདག་གི་མིག་ལམ་དུ་དགེ་རྒན་གྱི་ཞལ་རས་ནི་བཅོ་ལྔའི་དུང་ཟླ་ལས་མཛེས་ཞིང་སྐུ་གཟུགས་ནི་སྨྱུག་མ་ཚུགས་དྲུག་ལས་ཀྱང་དྲང་བ་ཞིག་རེད།
ཁོ་མོས་དུས་ཚོད་སྐར་མ་གཅིག་ཀྱང་ཆུད་ཟོས་སུ་མི་གཏོང་བར་གྲོན་ཆུང་བྱེད་ལ། རྒྱུན་པར་དགེ་རྒན་ཚང་མ་ངལ་གསོ་སྐབས་སུ་ཁོ་མོ་སློབ་ཁང་དུ་ཡོང་ནས་ང་ཚོར་སློབ་ཕྱིའི་དཔེ་ཆ་སྣ་ཚོགས་ལ་བལྟ་རུ་བཅུག་ནས་མི་ཤེས་པ་འགྲེལ་བཤད་བྱེད་པ་སོགས་བྱས་ཏེ་ང་ཚོར་ཤེས་རིག་གི་འོད་སྣང་སྦྱིན།
དགེ་རྒན་གྱི་གཤིས་རྒྱུད་ནི་བལ་ལས་འཇམ་ན་ཡང་། “ཤ་ཚ་བའི་གཏམ་ལ་སྙན་མོ་མེད། ནད་མཁྲིས་པའི་སྨན་ལ་ཞིམ་པོ་མེད།”ཞེས་པའི་དཔེ་ལྟར་ཡིན་ཏེ། གལ་ཏེ་ང་ཚོའི་ཡང་དང་ཡང་དུ་དགེ་རྒན་གྱིས་བཞག་པའི་ལས་བྱ་མ་བསྒྲུབས་པའམ་བྱ་ངན་སྤེལ་ན། ཁོ་མོ་དེ་མུར་དུ་ཁོང་ཁྲོ་ཆེན་པོ་ལངས་ནས་སྡིགས་མོ་ཡང་བྱས་མྱོང་། ཟླ་རྒྱུགས་ལེན་པའི་སྐབས་ཤིག་ལ། བོད་ཡིག་དགེ་རྒན་གྱི་ཕྱག་ཏུ་རྒྱུགས་ཤོག་བསྣམས་ནས་སློབ་ཁང་ནང་དུ་སླེབས་མ་ཐག་ང་ཚོ་ལ་རྒྱུགས་ཤོག་གནང་། ཅུང་ཙམ་འགོར་རྗེས་དགེ་རྒན་གྱི་ང་ཚོ་ལ“རྒྱུགས་འབྲས་ནི་ཁྱོད་ཚོས་སྦྱངས་པའི་ཤེས་བྱར་ཚད་འཇལ་བྱེད་ཀྱི་རྒྱ་མ་ལྟ་བུ་ཡིན་པས། རྐུ་འབྲི་མ་བྱེད། རྐུ་འབྲི་བྱས་ཏེ་ཐོབ་པའི་འབྲས་བུས་ཁྱོད་ཀྱི་མ་འོངས་པའི་མདུན་ལམ་ལ་རོགས་རམ་སྤུ་ཙམ་ཡང་བྱེད་མི་ཐུབ་པར་མ་ཟད། ད་དུང་ཁྱོད་ཀྱི་སློབ་སྦྱོང་ལ་གནོད་པ་ཆེན་པོ་ཡོད།”ཅེས་ང་ཚོར་དུས་རྒྱུན་ནན་གྱིས་སྐུལ།
བདག་གིས་དགེ་རྒན་གྱིས་གསུང་བའི་བསླབ་བྱ་དག་དུས་རྒྱུན་ཕྱིར་དྲན་བྱེད་བཞིན། ནངས་སྔ་ལངས་དང་དགོང་འཕྱི་ཉལ་བྱས་ཏེ་འབད་བརྩོན་ལྷོད་མེད་ཀྱིས་རང་ལ་དགོས་པའི་ཡོན་ཏན་དག་ཉི་མ་རེ་ལ་ཚིག་རེ་བཟུང་བ་ཡིན་ནོ། །
སྤེལ་དུས། : 2022-03-18
ང་ཡི་ཨ་ཅེ་སྣང་ས་འོད་འབུམ།

དཔེ་ཆ་ཀློག་པ་ནི་ངོ་མཚར་བའི་སློབ་སྦྱོང་གི་བྱ་རིམ་ཞིག་སྟེ། རང་ཁྱིམ་ལས་གོམ་གང་མ་འཕགས་པར་རྒྱལ་ཁབ་ཕྱི་ནང་དང་གནའ་དེང་གི་མཁས་པའི་བློ་གྲོས་དང་ཤེས་བྱ་དེ་རང་གི་མིག་གི་དབང་བོ་ལ་བརྟེན་ནས་གཟུགས་སྣང་ཡོད་པར་བཏང་སྟེ། རང་གི་བསམ་རྒྱ་དང་མཐོང་རྒྱ་བསྐྱེད་པ་དེའོ།།
«བོད་ཀྱི་ལྷ་མོའི་འཁྲབ་གཞུང་ཆེན་མོ་བརྒྱད»ལས་ངས་བལྟས་པ་ནི་སྣང་ས་འོད་འབུམ་གྱི་རྣམ་ཐར་ཡིན། བོད་ཀྱི་ཟློས་གར་ཆེན་མོ（ཨ་ཅེ་ལྷ་མོ）བརྒྱད་ནི་ལོ་རྒྱུས་རྒྱུན་རིང་ཞིང་དར་ཁྱབ་ཆེ་ལ། རྒྱ་ཆེ་བའི་བོད་རིགས་མང་ཚོགས་ཀུན་གྱིས་དགའ་བསུ་ཆེན་པོ་བྱེད་པའི་འཁྲབ་སྟོན་སྒྱུ་རྩལ་གྱི་རིགས་ཤིག་ཡིན་པར་མ་ཟད། ཕུལ་བྱུང་གི་རྣམ་ཐར་རྩོམ་རིག་ཅིག་ཀྱང་ཡིན།
སྣང་ས་འོད་འབུམ་གྱི་ནང་དོན་མདོར་བསྡུས་ཙམ་ཞིག་བཤད་ན། ཡབ་ཀུན་བཟང་བདེ་ཆེན་དང་ཡུམ་མྱང་ཚ་གསལ་སྒྲོན་གཉིས་ལ་བུ་མོ་སྣང་ས་འོད་འབུམ་སྐྱེས་པ་དང་། ཡབ་ཡུམ་གཉིས་ཀྱི་བདག་སྐྱོང་འོག་རིམ་བཞིན་ནར་སོན་ཞིང་། གཟུགས་སྐྱེས་ལུས་དྲང་ཞིང་ཁ་ངོ་སྐྱེས་འབྲས་མཚར་བ་ཞིག་ཡིན་ལ། གཞུང་རྒྱུད་དྲང་བ། བྱམས་སྙིང་རྗེ་ལྡན་ལ་རྒྱུ་འབྲས་བརྩི་བ། ཟས་ཀྱི་གཡོས་སྦྱོར་ལ་མཁས་ཤིང་། ལག་ལས་ཀ་དང་བཟང་ཤེས་རྒྱ་སོགས་ཕྱོགས་གང་ཅིའི་ཐད་ནས་མཛངས་མིའི་ཡོན་ཏན་བརྒྱད་ལྡན་པ་དང་བུད་མེད་ཀྱི་སྐྱོན་ལྔ་དང་བྲལ་བའི་ཁྱིབ་ཐབ་ཀྱི་མཆོག་ཏུ་བསྔགས་པའི་བུ་མོ་ཞིག་ཡིན། བུ་མོ་སྣང་ས་འོད་འབུམ་དགུང་ལོ་བཅོ་ལྔར་སོན་སྐབས་ཀྱི་ཉིན་ཞིག་གནས་རྙིང་གར་འཆམ་ལ་ལྟད་མོ་བལྟ་བར་ཕེབས། དཔོན་པོ་སྒྲ་ཆེན་གྱིས་རབ་གསལ་ལས་བུ་མོ་སྣང་ས་འོད་འབུམ་མཐོང་དུས་ཡིད་དབང་ཤོར་བས། བཙན་གྱིས་བུ་གྲགས་པ་བསམ་གྲུབ་ཀྱི་མནའ་མར་བསླངས་ཏེ་གཉེན་སྒྲིག་བྱེད་དུ་བཅུག། ལོ་བདུན་ཙམ་སོང་རྗེས་སྲས་ལྷེའུ་དར་པོ་འཁྲུངས་པ་ཡིན། ཨ་ནེ་སྙེད་མོས་ཕྲག་དོག་དང་བརྙས་བཅོས་ཆེན་པོ་བཏང་བ་དང་། མཐར་སློབ་དཔོན་སྒྲ་ཆེན་དང་གྲགས་པ་བསམ་འགྲུབ་གཉིས་ཀྱི་ཉེས་རྡུང་འོག་ཚེ་ཡི་འཕེན་པ་རྫོགས་པ་ནི་འཇིག་རྟེན་འཁོར་བའི་ཆོས་ལ་ཞུགས་པའི་རྣམ་ཐར་ཡིན།
སྣང་ས་འོད་འབུམ་འདས་ལོག་བྱུང་ནས་རྣལ་འབྱོར་མའི་ཆ་བྱད་བཞེས་ཤིང་། བསམ་ཡུལ་ལས་འདས་པ་བྱུང་སྟེ་དཔོན་པོ་སྒྲ་ཆེན་དང་གྲགས་པ་བསམ་གྲུབ་ཨ་ནེ་སྙིད་མོ་སོགས་ཀྱིས་ཀྱང་སྔོན་ཆད་ཀྱི་སྡུག་རྩུབ་ཐ་ཤལ་གྱི་བྱ་སྤྱོད་ལ་འགྱོད་གཤགས་དང་ཉེས་སྐྱོན་ཁས་ལེན་བྱས། དེ་ནས་སྣང་ས་འོད་འབུམ་གྱི་འཇིག་རྟེན་འཁོར་བར་ཞེན་ལོག་གཏིང་ནས་སྐྱེས་ཏེ་བླ་མ་ཤཱཀྱའི་རྒྱལ་མཚན་གྱི་དྲུང་དུ་ལྷ་ཆོས་ཞུ་བར་ཕེབས། སྣང་ས་དབེན་གནས་སུ་ཕེབས་ཏེ་ལྷ་ཆོས་གཤའ་མ་བྱས་པ་ནི་དམ་པའི་ལྷ་ཆོས་ལ་ཞུགས་པའི་རྣམ་ཐར་ཡིན།
ལར་ཨ་ཅེ་སྣང་ས་ནི་ཨ་ནེ་དང་སྙེད་མོའི་བརྙས་བཅོས་ཐེག་པའི་མནའ་མ་བཟང་མོ་ཞིག་ཡིན་ལ། ཁ་ངོ་སྐྱེས་འབྲས་མཚར་ཞིང་ཁྱིམ་ཐབ་ལ་སྙིང་ཉེ་བའི་བཟའ་ཚང་བཟང་བོ་ཞིག་ཀྱང་རེད། སྒོས་ཨ་ཅེ་སྣང་ས་ནི་ཁྱིམ་མེད་པར་རབ་ཏུ་བྱུང་སྟེ་གཞི་ནས་དམ་པའི་ལྷ་ཆོས་བཤའ་མ་ཉམས་སུ་ལེན་པའི་མཁའ་འགྲོ་མ་ཞིག་ཀྱང་རེད། གང་ལྟར་དམ་པའི་ལྷ་ཆོས་དང་འཇིག་རྟེན་མི་ཆོས་གང་ནས་བལྟས་ཀྱང་ང་ཚོས་ཨ་ཅེ་སྣང་སའི་ཞུམ་མེད་ཀྱི་བློ་སྤོབས་ལ་སློབ་སྦྱོང་བྱེད་པར་རིགས།
སྤེལ་དུས། : 2022-03-18
རྒྱུན་མཐོང་གི་ཡུལ་སྲོལ་གོམས་གཤིས་འགའ།

འཛམ་གླིང་གི་ཡང་རྩེར་འབོད་སྲོལ་ཡོད་པའི་བོད་ནི་མཛེས་སྡུག་ལྡན་ལ་ངོ་མཚར་ཆེ་བ་ཞིག་ཡོད་པ་དང་བོད་རིགས་འདུས་སྡོད་ཁུལ་གཙོ་བོ་ཞིག་ཡིན། བོད་རིགས་ཀྱིས་ཡོངས་ཁྱབ་ཏུ་བོད་བརྒྱུད་ནང་བསྟན་ལ་དད་པ་བྱེད་ཀྱིན་ཡོད།
བོད་རིགས་ཀྱི་དམངས་ཁྲོད་དུས་ཆེན་ལ་བོད་ཀྱི་ལོ་གསར་དང་། སངས་རྒྱས་ཆོས་ལུགས་ཀྱི་དུས་ཆེན་སོགས་ཡོད། བོད་རིགས་དམངས་ཁྲོད་ཀྱི་སྲོལ་རྒྱུན་དུས་ཆེན་ཆེ་ཤོས་ནི་ལོ་ལྟར་བོད་ཟླ་དང་པོའི་ཚེས་གཅིག་ཉིན་གྱི་བོད་ཀྱི་ལོ་གསར་རེད། ད་ལྟ་ང་ཚོའི་མཐོང་ཐོས་མྱོང་གསུམ་དུ་གྱུར་བའི་ཡུལ་སྲོལ་གོམས་གཤིས་ནི་འདི་ལྟ་སྟེ། བོད་རིགས་ཀྱི་ཡུལ་སྲོལ་གོམས་གཤིས་ལ་ཁ་བཏགས་འབུལ་བ་དང་བཟའ་བཏུང་གི་འཛེམ་བྱ་ཅི་མང་ཞིག་ཡོད་ཀྱང་། ང་ཚོས་ནམ་རྒྱུན་དོ་སྔ་ཆེ་བ་ནི་འོ་ཇ་འབུལ་བ་དང་ཇ་བསྲུབས་མ་དང་ནས་ཆང་གི་གུས་སྲོལ་ཡོད་པས་བོད་རིགས་སྤུན་ཟླས་མི་གཞན་གྱི་ལག་པ་དང་སྐུ་ལ་བྱིལ་བྱིལ་བྱེད་པར་འཛེམ་བྱ་ཆེ་ཤོས་བྱེད་ཀྱིན་ཡོད། ཁ་བཏགས་འབུལ་བ་ནི་བོད་རིགས་མགྲོན་བསུ་ཚད་གཞི་མཐོ་ཤོས་ཀྱི་གུས་ལུགས་ཤིག་ཡིན་པ་དང་མགྲོན་པོར་སྤྲོ་སེམས་འཁོལ་པའི་དགའ་བསུ་དང་ལྷག་བསམ་ཟོལ་མེད་ཀྱི་གུས་འདུད་ཞུ་ལུགས་མཚོན་པར་བྱས་ཡོད། ཁ་བཏགས་ནི་ཁ་སྐད་ཡིན་ཏེ་ཡིག་སྐད་དུ་ལྷ་དར་ཟེར། མདོག་མང་ཆེ་བ་དཀར་པོ་ཡིན་ལ་མདོག་སྔོན་པོའམ་སེར་སྐྱ་ཡང་ཡོད། སྤྱིར་བཏང་དུ་རིང་ཚད་ལ་ཕལ་ཆེར་སྨི་༡.༥ནས་༢་ཞེང་ལ་ཕལ་ཆེར་ལི་སྨི་༢༠་ཡོད། བོད་རིགས་ཀྱིས་སྐུ་མགྲོན་བསུ་སྐྱེལ་བྱེད་སྐབས་སྐུ་མགྲོན་ཚོར་ཁ་བཏགས་ཕུལ་ནས་གུས་བཀུར་མཚོན་པར་བྱེད་པ་དང་རྒན་རབས་ཚོར་ཁ་བཏགས་འབུལ་སྐབས་ལག་གཉིས་པོས་མགོ་བོ་ཡར་འགྱོག་དགོས་པ་དང་མི་རབས་གཅིག་པར་ཐད་ཀར་ཁོང་ཚོའི་ལག་ཏུ་བཞག་ཆོག
བོད་རིགས་རྣམས་ཀྱིས་སྐུ་འདྲ་དང་མཆོད་རྟེན། སྤྲུལ་སྐུ་བཅས་མཇལ་སྐབས་ཚང་མས་ཕྱག་འཚལ་དགོས། ཕྱག་འཚལ་བ་ནི་སྤྱིར་བཏང་དུ་ཆོས་ལུགས་ཀྱི་བྱེད་སྒོ་ཡོད་པའི་དགོན་པའི་ནང་སྤེལ་བ་ཡིན། ལག་པ་གཉིས་ཐལ་མོ་རྡེབ་ནས་མཐོན་པོར་བསྒྲེངས་པ་ཚད་དང་རན་པ་དང་། རང་གི་དབུ་རྩེ་དང་། དཔྲལ་བ། བྲང་གི་གཞུ་དབྱིབས་བཅས་ཐེངས་གསུམ་བྱས་རྗེས་ས་ལ་འགྱེལ་ནས་ལག་པ་གཉིས་བརྐྱངས་ཏེ་དེ་ལྟར་ཡང་སྐོར་བསྐྱར་སྐོར་བྱས་པ་རེད། ཕྱག་འཚལ་བ་ལ་མཚོན་དོན་མང་པོ་ཡོད། ཐལ་མོ་སྦྱར་ནས་ཐེངས་གསུམ་ལ་སྒུར་པ་དང་། དེ་ནས་སྐེད་པ་སྒུར་ནས་སྐུ་ཡི་ཞབས་འོག་ཏུ་ཐོད་པ་གཏུགས་ཤིང་། མགོ་བོ་དལ་མོར་ཡར་བཀྱགས་ནས་ལྷག་བསམ་རྣམ་དག་གིས་འགྱོད་བཤགས་བྱེད་པ་མཚོན།
ད་དུང་བོད་རིགས་ཀྱི་སྲོལ་རྒྱུན་གྱོན་ཆས་ཀྱི་ཆེས་གཞི་རྩའི་ཁྱད་ཆོས་ནི་སྐེད་པ་རྒྱགས་པ་དང་། ཕུ་རུང་རིང་བ། ཐུ་བ་ཆེ་བ། སྨད་གཡོག་རིང་པོ། འཇུར་རྟ་རིང་པོ། སྐྲ་བཟོ་བ། དེ་བཞིན་སྒྲོ་འདོགས་ཀྱི་ཁྱད་ཆོས་ལྡན་པའི་གསེར་དངུལ་གཡུ་རྒྱན་སོགས་ཡིན། དྲོད་སྲུང་མཐུག་པོ་དང་གུ་ཡངས་ལ་དྲོ་བའི་ཤ་རྒྱགས་པ་དང་དེ་བཞིན་ཕུ་རུང་རིང་བའི་སྨད་གཡོག་རིང་པོ་དེ་བོད་མི་རིགས་སྡོད་སའི་དམིགས་བསལ་གྱི་ཁོར་ཡུག་དང་གནམ་གཤིས་དང་རང་ཤུགས་སུ་འཚམ་པོ་ཡོད་པ་རེད། དཔེར་ན་བོད་རིགས་ས་མཐོའི་འབྲོག་པའི་སྣམ་བུའི་ཕྱུ་པའི་བྲང་ཁར་བར་གསེང་མངོན་གསལ་དོད་པོ་ཞིག་བཞག་ཡོད་པ་དང་དེ་ལྟར་ཕྱིར་སྐྱོད་སྐབས་རྩམ་པ་དང་ཇ་སོགས་འཇོག་གི་ཡོད། གནམ་གཤིས་ཚ་བའམ་ཡང་ན་ངལ་རྩོལ་བྱེད་སྐབས་དགོས་མཁོར་གཞིགས་ནས་དཔུང་པ་གཡས་པའམ་ཡང་ན་དཔུང་པ་གཉིས་ཕྱིར་མངོན་ནས་ཕུ་ཐུང་སྐེད་པར་དཀྲིས་ཏེ་ལུས་དྲོད་སྙོམས་སྒྲིག་བྱེད་པ་དང་དགོས་མཁོ་ཡོད་སྐབས་གྱོན་ཆོག དགོང་མོ་གཉིད་ཉལ་བ་དང་སྐེད་རགས་བཀྲོལ་བ། ཕུ་རུང་གཉིས་ཕུད་པ། ཕྱེད་ཀ་བཀབ་པ། ཉལ་ཁུག་དྲོན་པོ་ཞིག་ཏུ་གྱུར་བ། དེ་དག་ཚང་མ་བོད་རིགས་མི་དམངས་ཀྱི་ཡུལ་སྲོལ་གོམས་གཤིས་ཡིན་པ་དང་ཁོང་ཚོས་ཁེངས་སྐྱུང་དང་གུས་ཞབས་ལྡན་པ་དང་མགྲོན་པོར་སྣེ་ལེན་ཡག་པོ་བྱེད་པ་མཚོན་གྱི་ཡོད།
སྤེལ་དུས། : 2022-03-18
ང་།

ང་སུ་རེད། ང་ནི་བརྩེ་སེམས་ཀྱི་འཇམ་ཤ་ཁུར་ནས་སློབ་སྦྱོང་གི་འཚོ་བའི་ཁོར་ཡུག་ཏུ་སྤྲོ་སེམས་ཀྱིས་བརྟས་ལ། བསམ་གཞིག་གི་གཤོག་པ་བརྐྱངས་ནས་རིགས་རུས་ཀྱི་ལས་དབང་ལ་སེམས་ཁུར་ཆེ་བའི་སློབ་རའི་སྨྱུག་ཐོགས་པ་ཆུང་ཆུང་ཞིག་ཡིན།
ང་ནི་སློབ་སྦྱོང་གི་འགན་ཁུར་ལྕི་ཞིང་ཕུགས་བསམ་གྱི་རྨི་ལམ་ཟ་ཟི་རྨི་བཞིན་པའི་དམའ་འབྲིང་གི་སློབ་བུ་ཞིག་ཡིན། དམའ་འབྲིང་གི་དུས་སྐབས་འདི་ནི་མི་ཚེའི་ཁྲོད་ཀྱི་ལམ་བུ་གལ་ཆེན་ཞིག་ཡིན་ལ། རང་གི་ལས་དབང་ཐག་གཅོད་བྱེད་པའི་འགག་རྩ་ཞིག་ཀྱང་ཡིན། ངས་རིག་པའི་དགའ་ཚལ་ནས་ནུས་ཤུགས་ཡོད་དགུ་རྩལ་དུ་སྤྲུགས་ཏེ་ངང་བ་མཚོ་ཞུགས་བཞིན་དུ་སློབ་སྦྱོང་ལ་འབད་བརྩོན་བྱས་ནས་རང་གི་རེ་སྙེག་བྱེད་སའི་ཕུགས་བསམ་དེ་མངོན་འགྱུར་བྱེད་དུ་འཇུག་དགོས།
ལོ་དང་ཟླ་བས་གོམ་འགྲོས་མྱུར་མྱུར་བསྒྱུར་བ་ལས་ང་ནི་ལང་ཚོའི་དུས་སྐབས་ཤིག་ལ་སླེབས་བྱུང་། ལང་ཚོའི་དུས་སྐབས་འདིར་ངས་རང་ཉིད་ཀྱིས་བསྒྲུབ་དགོས་པའི་དོན་དག་ཡོད་ཚད་ལ་འབད་བརྩོན་ལྷོད་མེད་བྱེད་དགོས། ལང་ཚོའི་དུས་ཡུན་ནི་ཐུང་ཐུང་ཞིག་ཡིན། མཚན་མོ་དེ་ལྟར་འཁྱོལ་འགྲོ་ལ། ཉིན་མོ་འདི་ལྟར་སླེབས་ཡོང་། དུས་ཀྱི་གོམ་སྒྲ་ལ་ཆད་དུས་ཡེ་ནས་མེད། ལང་ཚོ་ཡི་ནོར་བུ་ལག་ནས་ཤོར་སོང་ན། གསེར་གྱི་མཆོད་མེ་འཁྱེར་ནས་བཙལ་ཡང་རྙེད་མི་སྲིད། གནའ་མིའི་ཁ་དཔེར། ཕོ་ལོ་དྲུག་གསུམ་བཅོ་བརྒྱད་ལ། མདའ་དང་མདུང་གི་སྤྱོད་ལུགས་ཤེས། མོ་ལོ་ལྔ་གསུམ་བཅོ་ལྔ་ལ། ཞོ་དང་འོ་མའི་དཀྲོགས་ལུགས་ཤེས་ཟེར། ལང་ཚོ་དར་ལ་བབས་དུས་སུ། ངས་རང་གི་མི་ལུས་རིན་ཆེན་གྱི་དོན་སྙིང་འཚོལ་རྒྱུ་ཡིན།
ང་རང་གི་དགའ་ཕྱོགས་ནི་སློབ་གྲོགས་ཚོ་དང་མཉམ་དུ་འུར་འུར་ཟིང་ཟིང་གིས་ཡར་རྒྱུག་མར་རྒྱུག་དང་། གནམ་ལྡིང་ས་ལྡིང་བྱས་ནས་ལྒང་ལི་རྩེད་རྒྱུ་དེ་ཡིན། དུས་དེར་ངའི་སེམས་པ་ནི་དགུང་ཨ་སྔོན་ལས་དྭངས་ཤིང་ལྷད་མེད་ཀྱི་ཆུ་ཕྲན་ལས་ཀྱང་གསལ་བའི་སྣང་བ་སྐྱིད་པོ་ཞིག་སྟེར། གཞན་ང་རང་རྩོམ་འབྲི་བ་དང་སྙན་ངག་གྱེར་འདོན། གཏམ་དཔེ་དང་བཤད་པ་སོགས་དམངས་ཁྲོད་ཀྱི་རྩམ་དྲི་དང་མར་དྲི་བྲོ་བའི་དམངས་སྲོལ་རིག་གནས་དག་ལ་མོས་པ་ཆེན་པོ་ཡོད། རོང་ཕྲུག་ང་འདྲར་མཚོན་ན་མཐོང་རྒྱ་ཨ་ལོང་ལས་དོག་ཅིང་ཐོས་རྒྱ་དར་སྐུད་ལས་ཕྲ་བ། གངས་དཀར་སེམས་ལ་འཆར་དཀའ་བ་དང་སྐད་མིད་ཐག་ནང་ནས་འབུད་དཀའ་བ། ལྕེ་དར་མའི་མདུད་པ་གྲོལ་དཀའ་རུང་ངས་རང་གི་དགའ་ཕྱོགས་འདི་ཆུ་བོའི་རྒྱུན་བཞིན་བསྲིངས་ནས་ཡར་ངོའི་ཟླ་བཞིན་འཕེལ་རྒྱས་སུ་འགྲོ་རུ་འཇུག་རྒྱུ་ཡིན།
བོད་ཁ་བ་ཅན་གྱི་བཤད་ཚུལ་ལྟར་ན། ཐང་དཀར་རྒོད་པའི་ནམ་འཕང་བསྟོད་ན། གཤོག་རྩེ་གཉིས་ཀ་རྐྱོངས་དགོས་ཟེར་ཀི། འདོ་བ་རྟ་ཡིས་བྱང་ལམ་གཅོད་ན། སྔོན་གློ་གཞུག་གློ་བསྡམས་དགོས་ཟེར་ཀི། དེ་བས་རོང་ཕྲུག་ངས་ཀྱང་རང་གི་ཕུགས་བསམ་མངོན་འགྱུར་དང་དགའ་ཕྱོགས་སྐྱེད་བསྲིངས་བྱས་ཏེ་རང་ཉིད་ལེགས་འགྲུབ་བྱུང་བའི་མི་ཞིག་ཏུ་གྱུར་བར་འདོད།
སྤེལ་དུས། : 2022-03-18